ໃນອາທິດທີ່ແລ້ວນີ້ ວັນນະສອນໄດ້ສົນທະນາກັບພະເອກຮູບເງົາບູ້ ແນວກໍາລັງພາຍໃນ
Sonny Syonesa ໜຸ່ມລາວ-ອະເມຣິກັນ ກ່ຽວກັບອາຊີບຂອງລາວ ຊຶ່ງການທີ່ຈະກາຍ
ມາເປັນພະເອກຮູບເງົາແນວບູ້ນີ້ໄດ້ນັ້ນ ກໍບໍ່ແມ່ນຂອງງ່າຍ.
Sonny ເລີ່ມໄດ້ໄຕ່ເຕົ້າຈາກການເປັນ Stunman ຫຼື ນັກສະແດງຕົວສໍາລອງທີ່ໃຊ້ແທນ
ພວກດາຣາໃນການສະແດງທີ່ໂລດໂຜ່ນ ເຊັ່ນກະໂດດຈາກຕຶກສູງ ຫຼືການໃຊ້ອອກກໍລັງ
ໃນການຕໍ່ສູ້ ທີ່ມີຄວາມສ່ຽງສູງຕ່າງໆນາໆ Sonny ສາມາດພິສູດໃຫ້ທຸກຄົນເຫັນວ່າ
ເຮັດໄດ້ ຫລັງຈາກໄດ້ຝຶກຝົນຮໍ່າຮຽນແລະຝຶກຊ້ອມເປັນເວລານານປີ ຈາກເຫຼົ່າອາຈານ
ດັງໆທັງ ມວຍລາວ,ໄທ ຈີນ, ເກົາຫຼີແລະຍີ່ປຸ່ນ ຈົນໃນທີ່ສຸດ Sonny ບໍ່ພຽງແຕ່ເປັນ
stunman ຕົວສໍາລອງເທົ່ານັ້ນ ແຕ່ໄດເ້ກາຍເປັນພະເອກແນວບູ້ໄດ້ຢ່າງພາກພູມໃຈ ບໍ່
ນ້ອຍໜ້າໄປ ກວ່າດາຣາດັງເຊັ່ນ Jackie Chan ຫຼື Bruce Lee ພະເອກຕົ້ນສະບັບ
ແຕ່ຢ່າງໃດເລີຍ ແລະມື້ນີ້ເຮົາຈະໄປຮັບຟັງການສໍາພາດຂອງ Sonny ຕື່ມອີກເພື່ອຈະໄດ້
ຮູ້ຈັກກັບຜູ້ກ່ຽວຫຼາຍຂຶ້ນ.
/ການສົນທະນາລະຫວ່າງ ວັນນະສອນ ກັບ ສັນນີ ສີອ່ອນສາ/
ເສັ້ນທາງການເປັນດາຣາບູ້ຂອງ Sonny Syonesa ຈະໄປໄກຮອດໃສນັ້ນ ພວກເຮົາ
ຕ້ອງຕິດຕາມອີກຕໍ່ໄປ ແລະແນ່ນອນແມ່ນຕ້ອງໄດ້ຊົມຮູບເງົາຂອງ Sonny ທີ່ສະແດງ
ໄວ້ທັງສອງເລື່ອງ ຄື: Am I Alone? ແລະ In 3 Dragons ຊຶ່ງເລື່ອງ In 3
Dragon ນີ້ ຈະອອກສາຍໃນອີກ 2-3 ເດືອນຂ້າງໜ້ານີ້ ໃນທົ່ວສະຫະລັດ.
