ບັນດາເຈົ້າໜ້າທີ່ສະຫະລັດ ຢືນຢັນວ່າ ການໂຈມຕີທາງອາ
ກາດໃນ Somalia ໄດ້ສັງຫານທ້າວ Ahmed Abdi Goda-
ne ຜູ້ນຳກຸ່ມຫົວຮຸນແຮງ al-Shabab.
ຫົວໜ້າປະຊາສຳພັນຂອງກະຊວງປ້ອງກັນປະເທດສະຫະລັດ
ພົນເຮືອຕີ John Kirby ກ່າວຢູ່ໃນຖະແຫລງການສະບັບນຶ່ງ
ວ່າ ການປະຕິບັດງານທາງທະຫານ ຂອງສະຫະລັດ ຕໍ່ທ້າວ
Godane ໃນວັນຈັນ ທີ່ຜ່ານມານີ້ “ໄດ້ນຳໄປສູ່ການສັງຫານ
ຂອງຜູ້ກ່ຽວ.”
ບັນດາຜູ້ເຫັນເຫດການ ກ່າວວ່າ ເຮືອບິນບໍ່ມີຄົນຂັບຂອງ ສະຫະ
ລັດ ໄດ້ຍິງລູກສອນໄຟລົງໃສ່ບ່ອນປະຊຸມຂອງບັນດາຜູ້ນຳກຸ່ມ al-Shabab ໃນພາກໃຕ້ຂອງ Somalia.
ປະທານາທິບໍດີສະຫະລັດ ທ່ານ Barack Obama ກ່າວໃນວັນສຸກວານນີ້ວ່າ ສະຫະລັດ
ໄດ້ດຳເນີນງານມາຢ່າງສະໝ່ຳສະເໝີ ເພື່ອສ້າງຄວາມເສຍຫາຍໃຫ້ ແກ່ການປະຕິບັດງານ
ຂອງກຸ່ມ al-Shabab.
ທ່ານ Obama ກ່າວວ່າ “ພວກເຮົາໄດ້ຕິດຕາມຢ່າງເປັນລະບົບ ແລະມີແບບແຜນແທ້ໆ
ໃນການຕາມຫາບັນດາອົງການປະເພດນີ້ ທີ່ອາດຈະຂົ່ມຂູ່ຕໍ່ ເຈົ້າ ໜ້າທີ່ຂອງສະຫະລັດ
ແລະປະເທດຊາດ.”
ໂຄສົກທໍານຽບຫ້າແຈ ພັນເອກ Steve Warren ກ່າວຕໍ່ວີໂອເອວ່າ ການສັງ ຫານຈະ
ສ້າງຄວາມເສຍຫາຍຮ້າຍແຮງໃຫ້ແກ່ກຸ່ມ al-Shabab. ຊຶ່ງທ່ານເວົ້າ ວ່າ “ຂ້າພະເຈົ້າ
ຄິດວ່າ ນີ້ຈະທຳລາຍຂວັນຂອງເຂົາ ແລະຫວັງວ່າ ມັນຈະກໍ່ໃຫ້ ເກີດການຂັດແຍ້ງກັນ
ພາຍໃນຂຶ້ນ ໃນຂະນະທີ່ເຂົາພະຍາຍາມຈະຄັດເລືອກວ່າ ຜູ້ນຳຄົນຕໍ່ໄປຂອງພວກ
ເຂົາແມ່ນໃຜ.”
