ລິ້ງ ສຳຫລັບເຂົ້າຫາ

ພາຍຸຫິມະ ຍັງຈະສືບຕໍ່ ຖະຫລົ່ມ ພາກຕາເວັນອອກ ຂອງ ສະຫະລັດ (ສະໄລດ໌/ວີດີໂອ)


ຄື້ນຟອງສຸດທ້າຍ ຂອງ​ພາຍຸ​ຫິມະ ຄາດ​ວ່າ​ຈະພັດ​ຜ່ານ​ພາກ​
ຕາ​ເວັນ​ອອກ​ຂອງ ສະຫະລັດ ​ໃນວັນ​ສຸກ​ມື້​ນີ້ ​ແລະ​ວັນ​ເສົາ​ມື້​
ອຶ່ນ ຫລັງ​ຈາກໄດ້ມີຫິມະ ​ຕົກ​ລົງມາ ຢ່າງ​ໜັກ ໃນ​ລະດູ​ໜາວ
ທີ່ຮ້າຍແຮງໜັກໜ່ວງເປັນພິເສດ.

ພາຍຸ​ຫິມະ​ເທື່ອ​ແລ້ວ​ນີ້ ໄດ້​ທໍານາຍ​ໄວ້​ວ່າ ຫລາຍ​ລ້ານ​ຄົນ ​
ແມ່ນພາກັນ​ດິ້ນລົນ ຂຸດ​ຊ້ວນ​ເອົາຫິມະ​ຕົກລົງມາຢ່າງ​ໜັກນັ້ນ
ອອກ ທີ່ໄດ້​ປົກ​ຄຸມ​ພາກ​ຕາ​ເວັນ​ອອກ ຂອງສະຫະລັດ ຊຶ່ງປະ
ກອບເປັນພື້ນທີ່ນຶ່ງສາມ​ສ່ວນ​ຂອງ​ປະ​ເທດ. ນຶ່ງ​ລ້ານ​ຄົນ​ຢູ່
​ພາກ​ໃຕ້ຂອງສະຫະລັດ ​ພາກັນ​ຢູ່​ໃນ​ຄວາມ​ມືດຫຼືບໍ່ມີໄຟຟ້າ
ໃຊ້ ຫລັງ​ຈາກ​ນໍ້າ ກ້ອນ​ໄດ້​ຫຸ້ມ​ເອົາ​ຕົ້ນ​ໄມ້ ​ແລະ​ເຮັດ​ໃຫ້​ສາຍ​ໄຟຟ້າ​ຂາດ.


ຢ່າງໜ້ອຍ 18 ຄົນ​ໄດ້​ເສຍ​ຊີວິດ​ຍ້ອນພະຍຸດັ່ງກ່າວ ຮວມ​ທັງ​ຜູ້ຍິງ​ຖືພາ​ຄົນ​ນຶ່ງ ທີ່​ລົດ​
ຂອງ​ລາວ​ຖືກ​ລົດ​ກວດ​ຫິມະ​ຕໍາ​ເອົາ. ລູກ​ຂອງ​ລາວ ​ໄດ້​ຖືກ​ຊ່ວ​ຍໄວ້ໄດ້ແຕ່ ຢູ່​ໃນ​ອາ
ການສາຫັດ.

ພາຍຸຫົວນີ້ ​ໄດ້​ຖະຫລົ່ມ​ພາກ​ຕາ​ເວັນ​ຕົກ​ສຽງ​ໃຕ້​ໃນ​ວັນ​ພຸດ ​ແລະ​ເຄື່ອນຍ້າຍ​ຂື້ນ​ມາ
ຕາມແຄມຝັ່ງມະຫາ​ສະມຸດ Atlantic ແລະເຄື່ອນເຂົ້າໄປໃນເຂດ New England
ທາງ​ພາກ​ຕາ​ເວັນ​ອອກສຽງ​ເໜືອ ຂອງສະຫະລັດ. ມີຫິມະຕົກຫລາຍ​ກວ່າ 30 ຊັງ​ຕີ​
ແມ​ດ ຢູ່​ໃນຫຼາຍໆເຂດ ຂອງ​ພາກ​ກາງແຄມຝັ່ງມະຫາສະມຸດ Atlantic ​ເຮັດ​ໃຫ້​ມີ
ການປິດ ​ໂຮງການ​ລັດຖະບານ​ກາງ ​ແລະ​ໂຮງຮຽນ​ຕ່າງໆ ​ແລະສາຍ​ການບິນຫລາຍ
​ພັນ​ຖ້ຽວ​ຕ້ອງ​ໄດ້​ຖືກຍົກເລີກ.



​ໃນ​ຂະນະ​ດຽວ​ກັນ ປະທາ​ນາທິບໍດີ Barack Obama ກໍເດີນທາງຢ້ຽມຢາມ​ເມືອງ
Freshno ລັດ California ​ໃນ​ວັນ​ສຸກ​ມື້​ນີ້ ​ເພື່ອ​ກວ​ດ​ເບິ່ງ​ຄວາມແຫ້ງ​ແລ້ງຢູ່ລັດດັ່ງ
ກ່າວ ທີ່​ຍັງ​ດໍາ​ເນີນ​ຢູ່​ຕໍ່ມານັ້ນ. ທ່ານມີໝາຍ​ກຳນົດທີ່ຈະ​ພົບ​ປະ​ກັບ ບັນດາ​ຜູ້​ນໍາ
​ທ້ອງ​ຖິ່ນ ​ແລະ​ພວກ​ຊາວໄຮ່ຊາວສວນ ພ້ອມ​ທັງ​ບັນດາ​ຜູ້ໄດ້​ຮັບ ຄວາມເສຍຫາຍ
ຈາກ​ໄພແຫ້ງ​ແລ້ງ ​ເພື່ອ​ສຶກສາ​ເບິ່ງຜົນ​ກະທົບ ຕໍ່​ການກະສິກໍາ​ໃນເຂດທ້ອງ​ຖິ່ນ.

XS
SM
MD
LG