ລິ້ງ ສຳຫລັບເຂົ້າຫາ

logo-print

ແຫວ່ນຕາສະຫລາດ ທີ່ມີກ້ອງຖ່າຍວີດິໂອ ຝັງຢູ່ໃນ ອາດຈະກ້າວກະໂດດຂັ້ນ ດ້ານເທັກໂນໂລຈີຕໍ່ໄປ


ເຈົ້າໜ້າທີ່ຕໍາຫລວດຈີນຊີ້ໃສ່ແຫວ່ນຕາສະຫລາດທີ່ມີປັນຍາປະດິດ ຫລື AI ຂອງເຂົາເຈົ້າເວລາເຮັດວຽກຢູ່ເມືອງ Luoyang, ແຂວງເຫີໜານຂອງຈີນໃນວັນທີ 3 ເມສາ, 2018 (ພາບສະໜອງໃຫ້ໂດຍ REUTERS/Stringer/File Photo ATTENTION)

ການປາກົດຕົວຂອງໂທລະສັບສະຫລາດ ຫລືໂທລະສັບມືຖື ໄດ້ປ່ຽນ ແປງການປະພຶດຂອງຄົນ. ແຫວ່ນທີ່ສະຫາດທີ່ວ່ານີ້ ຈະເປັນເທັກໂນໂລຈີດ້ານສືບລັບຢ່າງໃຫຍ່ຫລວງໃນຂັ້ນຕໍ່ໄປໄດ້ຫລືບໍ່? ບໍລິສັດກູໂກລ (Google) ໄດ້ ພະຍາຍາມ ທີ່ຈະເຮັດເຊັ່ນນັ້ນ ເປັນເວລານານກວ່າ 6 ປີ ໂດຍໃຊ້ Google Glass ຫລືແຫວ່ນຕາກູໂກລ. ມັນບໍ່ຄືບໜ້າໄປໄດ້ ເຫດຜົນສ່ວນໃຫຍ່ ກໍຍ້ອນ ຄວາມເປັນຫ່ວງ ກ່ຽວກັບ ຄວາມເປັນສ່ວນຕົວ. ແຕ່ວ່າ ບັນດາບໍລິສັດທັງໃຫຍ່ ແລະ ນ້ອຍຢູ່ໃນຫລາຍປະເທດລວມທັງບໍລິສັດ Facebook ກໍຍັງກໍາລັງດໍາເນີນງານເພື່ອເຮັດແຫວ່ນຕາສະຫລາດຢູ່. Elizabeth Lee, ນັກຂ່າວວີໂອເອ ມີລາຍລະອຽດເພີ້ມເຕີມກ່ຽວກັບຕະຫລາດ ໃນປັດຈຸບັນສໍາລັບສິນຄ້ານີ້ ແລະ ແອັປຂອງພວກມັນ ທີ່ມີຫລາຍຢ່າງແຕກຕ່າງກັນນັ້ນ ຊຶ່ງບົວສະຫວັນ ຈະນໍາມາສະເໜີທ່ານໃນອັນດັບຕໍ່ໄປ.

ທໍາອິດກໍແມ່ນມີແປ້ນພິມຕົວໜັງສື ຫລື keyboard ຈາກນັ້ນ ກໍມີໜ້າຈໍທີ່ໃຊ້ມືສໍາພັດໄດ້. ບາງບໍລິສັດດ້ານເທັກໂນໂລຈີ ເວົ້າວ່າ ແຫວ່ນທີ່ສວມໃສ່ໄດ້ອາດຈະເປັນການກ້າວກະໂດດຂັ້ນໃນທາງເທັກໂນໂລຈີ ຂັ້ນຕໍ່ໄປ ເຖິງແມ່ນວ່າ ມັນຈະບໍ່ສໍາເລັດຜົນສໍາລັບ Google Glass ຫລື ແຫວ່ນຕາກູໂກລກໍຕາມ.

ທ່ານນາງລີສ ກູດໂນ (Liz Goodno) ຈາກພະແນກສື່ສານຂອງບໍລິສັດສແນປ (Snap) ກ່າວວ່າ:
“ໃນອະນາຄົດ ພວກເຮົາຈະບໍ່ໄດ້ຖືກຈໍາກັດຢູ່ແຕ່ກັບໂທລະສັບສະຫລາດ ຫລື ໂທລະສັບມືຖືອີກ ເມື່ອເວົ້າເຖິງເລື້ອງຄວາມເຂົ້າໃຈ ກ່ຽວກັບໂລກທີ່ຢູ່ອ້ອມຕົວ ຂອງພວກເຮົາ, ສະນັ້ນ ອັນນີ້ ຄືການລົງທຶນແຕ່ຫົວທີເຂົ້າໃນອະນາຄົດທີ່ວ່າ ນັ້ນ.”

ການລົງທຶນຂອງບໍລິສັດສັດສແນປ (Snap) ທີ່ຕັ້ງຢູ່ໃນສະຫະລັດ ກໍຄືວ່າ: ແຫວ່ນຕາກັນແດດ 3 ທີ່ຖ່າຍພາບໄດ້. ແຫວ່ນຕາລຸ້ນທີສາມແມ່ນສະຫລາດ ກວ່າລຸ້ນກ່ອນໆ. ມັນມີກ້ອງຖ່າຍວີດິໂອຢູ່ສອງຈຸດ. ໄຟຢູ່ແຈຂອງແຫວ່ນຕາ ຈະຮຸ່ງຂຶ້ນ ເມື່ອມີການບັນທຶກວີດິໂອເກີດຂຶ້ນ ແລະເຮັດໃຫ້ຜູ້ໃສ່ແຫວ່ນຕານັ້ນ ສາມາດເອົາສິ່ງທີ່ ເປັນພາບ 3 ມິຕິ ຫລື 3D ຢູ່ໃນວີດິໂອນັ້ນໄດ້. ຢູ່ໜີ້ແມ່ນ ດອກໄມ້ຈໍານວນນຶ່ງ….
ຢູ່ໃນແອັປ ທີ່ແຕກຕ່າງກັນຫລາຍທີ່ສຸດ, ແອມກລາສ (AMglass) ທີ່ຜະລິດ ໂດຍບໍລິສັດປາຊີຟິກ ຟີວເຈີ (Pacific Future) ທີ່ຕັ້ງຢູ່ໃນຮົງກົງ ເຮັດໃຫ້ ພວກໄປຢ້ຽມຊົມສວນສະໜຸກໃຫຍ່ ມີປະສົບການອັນຫລາກຫລາຍປະເພດ ໂດຍໃຊ້ຄວາມເປັນຈິງທີ່ມີຂໍ້ມູນເສີມ. ຢູ່ໃນລະຫວ່າງການເລີ້ມເປີດໂຕຂອງ ແຫວ່ນຕາສະຫລາດຢູ່ປະມານຊ່ວງບຸນຜີຫລື Halloween ສວນສະໜຸກໃຫຍ່ ແຫ່ງນີ້ ກັບກາຍເປັນບ່ອນໜ້າຢ້ານຢ່າງລົ້ນເຫລືອ.

ທ້າວຄຽນ ລີ, ຈາກບໍລິສັດປາຊີຟິກຟີວເຈີ (Pacific Future) ໃຫ້ຄໍາເຫັນວ່າ:
“ມີຜີຢູ່ທຸກຫົນທຸກແຫ່ງ ໂດຍປະສົມປະສານໃສກັນກັບຕຶກອາຄານທີ່ແທ້ຈິງ.”

ແຫວ່ນຕານີ້ ໃຊ້ຢູ່ໃນສວນສະໜຸກໃຫຍ່ແຫ່ງຕ່າງໆ ຢູ່ໃນຈີນ ແລະມາເລເຊຍ. ໂດຍທີ່ມີເຄື່ອງປະມວນຂໍ້ມູນຢູ່ຂ້າງໃນ… ແຫວ່ນຕາຄວາມເປັນຈິງ ທີ່ມີຂໍ້ມູນ ເສີມເຫລົ່ານີ້ຖືກອອກແບບມາສໍາລັບຄົນທີ່ມີອາຍຸ 12 ປີ ຂຶ້ນໄປ ຍ້ອນນໍ້າໜັກ ແລະຂະໜາດຂອງມັນ.

ແຫວ່ນຕາຄວາມເປັນຈິງ ທີ່ມີຂໍ້ມູນເສີມໃນດ້ານຮັກສາຄວາມສະຫງົບ ທີ່ຜະລິດ ໂດຍບໍລິສັດກູລທັນ (Goolton) ທີ່ຕັ້ງຢູ່ນະຄອນຫລວງປັກກິ່ງສາມາດໃຊ້ໂດຍ ຕໍາຫລວດ ເພື່ອຊອກຫາຜູ້ຕ້ອງສົງໄສໄດ້.

ທ່ານນາງ ຊາຣາ ເຊັງ (Sarah Zheng) ຈາກບໍລິສັດກູລທັນ (Goolton) ກ່າວວ່າ:
“ຕໍາຫລວດ ສາມາດທີ່ຈະຕັ້ງບັນຊີດໍາ ແລະກວດເບິ່ງຄົນແບບຄ້າວໆ ຢູ່ໃນ ຝຸງຊົນ ແລະກໍຊອກຫາຜູ້ກະທໍາຜິດທາງອາຍາໄດ້ຢ່າງວ່ອງໄວຫລາຍທີ່ສຸດ.”

ໂດຍປະກອບມີໂປຣແກຣມທີ່ຈື່ໜ້າຄົນໄດ້, ວີດິໂອ ແລະພາບທີ່ແຫວ່ນຕາສະ ຫລາດພວກນີ້ຈັບໄດ້ ສາມາດສົ່ງໄປໃຫ້ເຈົ້າໜ້າທີ່ ດ້ານການຮັກສາຄວາມສະ ຫງົບ ທີ່ບໍ່ຢູ່ໃນສະຖານທີ່ນັ້ນໃຫ້ວິໄຈຂໍ້ມູນໄດ້.

ແນ່ນອນ, ມັນມີຄວາມເປັນຫ່ວງດ້ານຄວາມເປັນສ່ວນຕົວ ຢູ່ກັບທຸກອຸປະກອນທີ່ ມີກ້ອງຖ່າຍພາບ ຢູ່ໃນຕົວນັ້ນ, ຊຶ່ງເປັນເຫດຜົນອັນນຶ່ງ ທີ່ພວກລູກຄ້າປະຕິເສດ ບໍ່ຊື້ Google Glass ຫລື ແຫວ່ນຕາກູໂກລ.

ແຕ່ວ່າ ການແຂ່ງຂັນຂອງບໍລິສັດເທັກໂນໂລຈີທັງໃຫຍ່ ແລະນ້ອຍ ທີ່ຈະຫັນ ເອົາສິ່ງຂອງທີ່ໃຊ້ໃນຊີວິດປະຈໍາວັນ ເຊັ່ນແຫວ່ນຕາ ໃຫ້ກາຍເປັນບາງສິ່ງບາງ ຢ່າງທີ່ສະຫລາດໄດ້ ຍັງດໍາເນີນໄປຢູ່.

ອ່ານຂ່າວນີ້ເພີ້ມເປັນພາສາອັງກິດຢູ່ຂ້າງລຸ່ມ:

The advent of the smartphone has changed human behavior. Will smart glasses be the next big intelligent technology? Google tried it more than six years ago with the Google Glass. It did not take off, largely because of privacy concerns. But companies big and small in several countries are still working on smart glasses, including Facebook. There are also reports that Apple is working on a version. VOA’s Elizabeth Lee has more on what's currently on the market and their varied applications.

First there was the keyboard, then the touch screen. Some tech companies say a wearable pair of glasses could be the next leap in technology even if it didn't work out for Google Glass.

Liz Goodno, Snap Inc. Product Communications:
“In the future, we won’t be only limited to our smartphones when it comes to understanding the world around us, so this is our early investment in that future.”

The U.S.-based company Snap’s investment is this: The Spectacles 3 sunglasses. This third version is smarter than the previous ones. It has two cameras. The corner of the glasses lights up when recording video and allows the wearer to put 3D objects in the video. Here are some flowers…

“Or the bird which is really cool”

In a very different application, the AMglass by Hong Kong based Pacific Future allows theme park visitors to have a different kind of experience through augmented reality. During the launch of the smart glasses around Halloween, this park became extra scary.

Kien Lee, Pacific Future Founder:
“There’s ghosts everywhere, mixed with the real buildings.”

The glasses are used in theme parks in China and Malaysia. With a processor inside......these augmented reality glasses are designed for ages 12 and up because of its weight and size.

Augmented-reality security glasses made by Beijing-based Goolton can be used by police to identify suspects.

Sarah Zheng, Goolton:
“He (police) can set a blacklist and scan in a crowd of people and find a criminal very soon.”

Armed with facial recognition software, video or images captured by these smart glasses can be sent to security officials off-site for analysis.

Of course, there are privacy concerns with any device that comes with built-in cameras, one of the reasons consumers rejected Google Glass.

Still, the race is on for tech companies big and small to turn an everyday item like glasses into something smarter.

ອ່ານຂ່າວນີ້ເພີ້ມເປັນພາສາອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG