ນັກ​ເຄື່ອນ​ໄຫວເກົາຫຼີ​ໃຕ້ ​ສົ່ງ​ໃບ​ປີວ​ ຂ້າມຊາຍແດນ ເຂົ້າໄປ ໃນເກົາຫຼີເໜືອ (ວີດີໂອ)

ບັນດາ​ນັກ​ເຄຶ່ອນ​ໄຫວ​ເກົາຫລີ​ໃຕ້ ​ໄດ້​ສົ່ງ​ໃບ​ປີວ​ແລະ DVD
ໂຄສະນາ​ຊວນ​ເຊື່ອ​ໃສ່ໝາກ​ປູມ​ເປົ້າ​ໃຫຍ່ຫລືບານລູນ ຂ້າມ
ຊາຍແດນເຂົ້າ​ໄປ​ໃນ​ເກົາຫລີ​ເໜືອ​ໃນ​ວັນ​ພຸດ​ມື້​ນີ້ ​ເພື່ອທ້າ​
ທາຍ​ຕໍ່ການ​ຂົ່ມຂູ່ຂອງພຽງຢາງໃນອະດີດຜ່ານມາ ທີ່ວ່າຈະ
ຕອບ ໂຕ້ຕໍ່ການສົ່ງສິ່ງໂຄສະນາຊວນເຊື່ອຂ້າມຊາຍແດນ.

ໝາກ​ປູມ​ເປົ້າດັ່ງກ່າວ ໄດ້ລຳລຽງ DVD ​ແລະ​ໃບ​ປີວຕ່າງໆ
ທີ່​ກ່າວ​ເຖິງ​ການລະ ເມີດ​ສິດທິ​ມະນຸດໃນ​ເກົາຫລີ​ເໜືອ. ນອກ​
ນັ້ນ​ໝາກ​ປູ​ມ​ເປົ້ານີ້ຍັງ​ບັນ​ຈຸ​ເງິນຈໍານວນ ​1000 ໂດ​ລາໃບ​ລະ
ໂດ​ລາ ແລະ​ເຄື່ອງ​ບັນທຶກ​ຂໍ້​ມູນ USB ທີ່ບັນທຶກຂໍ້ມູນຕ່າງໆ
ເປັນ​ພາສາເກົາຫຼີ ຂອງສາຣານຸກົມ Wikipedia.

ທ່ານ Thor Halvorssen ແຫ່ງມູນ​ນິທິສິດທິ​ມະນຸດ ທີ່ມີຫ້ອງການຢູ່​ໃນ​ສະຫະລັດຊຶ່ງເປັນ​
ຜູ້​ຊ່ວຍ​ຈັດ​ຕັ້ງ​ ໃນການສົ່ງໝາກປູມເປົ້າ ​ຮ້ອງ​ການສົ່ງດັ່ງກ່າວ​ນີ້​ວ່າ “ເປັນກໍລະນີໂຕ້ແຍ້ງ” ​
ແຕ່ກໍ​ກ່າວ​ວ່າ ມັນ​ເປັນ​ສິ່ງ​ສໍາຄັນ​ທີ່​ສຸດ ທີ່​ຊາວເກົາຫຼີ​ເໜືອ ຕ້ອງໄດ້ຮັບຂໍ້ມູນຕ່າງໆ ທີ່​ໝົດ
​ທັງໂລກ​ໄດ້​ພາກັນ​ຊົມໃຊ້ມາແລ້ວ.

​ເກົາຫລີເໜືອ ​ໄດ້​ກ່າວໂຈມຕີ​ກາ​ນສົ່ງ​ໝາກ​ປູມ​ເປົ້າ​ໃນເທື່ອ​ກ່ອນ ໂດຍຂົ່ມຂູ່​ທີ່​ຈະ​ຍິງໂຈມຕີ
​ເກົາຫລີ​ໃຕ້ ​ເພື່ອ​ເປັນ​ການຕອບ​ໂຕ້ ​ໃນ​ການ​ປະຕິບັດດັ່ງກ່າວ ທີ່​ເກົາຫລີເໜືອຮ້ອງ​ວ່າ​ ເປັນ​
ການ​ທ້າທາຍເກາະຜິດ ​ໂດຍເກົາຫລີ​ໃຕ້ ທີ່​ອາດ​ນໍາໄປ​ສູ່​ການເກີດສົງຄາມນັ້ນ. ກຸງໂຊ​ລ
ກ່າວ​ວ່າ ຕົນ​ບໍ່​ມີ​ສ່ວນ​ໃດໆ​ກ່ຽວ​ກັບ​ການ​ສົ່ງ​ໃບປິວແລະເຄື່ອງຂອງເຫຼົ່ານີ້.