ເມື່ອວັນເສົາຜ່ານມານີ້ ເກົາຫຼີໃຕ້ ໄດ້ປະກອບພິທີລະນຶກເຖິງວັນ
ຄົບຮອບ 60 ປີ ຂອງການສິ້ນສຸດການສູ້ລົບໃນສົງຄາມເກົາຫຼີ
ແລະໃຫ້ກຽດແກ່ບັນດານັກລົບເກົ່າຊາວຕ່າງປະເທດ ທີ່ໄດ້ຊ່ວຍ
ຕ້ານຢັນການຮຸກຮານຂອງ ເກົາຫຼີເໜືອ ໃນປີ 1950 ນັ້ນ. ແຕ່ໃນ
ພາກຕົວຈິງແລ້ວ ທັງສອງເກົາຫຼີແມ່ນຍັງຢູ່ໃນສະພາວະສົງຄາມ
ນໍາກັນຢູ່ ແຕ່ເມື່ອວັນເສົາຜ່ານມານີ້ ປະທານາທິບໍດີ Park
Geun-Hye ໄດ້ສົ່ງສານແຫ່ງສັນຕິພາບໄປຍັງ ພຽງຢາງ ຂໍຮ້ອງ
ໃຫ້ສ້າງຄວາມປອງດອງກັນແລະຮຽກຮ້ອງໃຫ້ເກົາຫຼີເໜືອຈົ່ງປະ
ລະອາວຸດນີວເຄຼຍຂອງຕົນນັ້ນເສຍ. Daniel Schearf ຜູ້ສື່ຂ່າວ
ວີໂອເອ ລາຍງານຈາກນະຄອນຫຼວງໂຊລ ຂອງເກົາຫຼີໃຕ້ ຊຶ່ງ
ທອງປານ ຈະນໍາເອົາລາຍລະອຽດ ມາສະເໜີທ່ານ ໃນອັນດັບຕໍ່ໄປ
ເບິ່ງວີດິໂອລາຍງານນີ້ ເປັນພາສາອັງກິດ:
ໃນຄໍາປາໄສຕໍ່ບັນດາຜູ້ເຂົ້າຮ່ວມໃນພິທີ ຢູ່ຫໍອະນຸສາວະລີສົງຄາມ ທີ່ນະຄອນຫຼວງໂຊລ ນັ້ນ ປະທານາທິບໍດີ Park Geun-hye ໄດ້ຮຽກ ຮ້ອງໃຫ້ເກົາຫຼີເໜືອ ຈົ່ງດໍາເນີນການໄປໃນເສັ້ນທາງແຫ່ງສັນຕິພາບ.
ປະທານາທິບໍດີ Park Geun-hye ເວົ້າວ່າ: “ຖ້າຫາກວ່າ ເກົາຫຼີເໜືອ ເລືອກເອົາເສັ້ນທາງທີ່ຖືກຕ້ອງແລ້ວ ພວກເຮົາກໍຈະເສີມຂະຫຍາຍການແລກປ່ຽນ ແລະການຮ່ວມມືກັນ ແລະຕັ້ງໜ້າເປີດເສັ້ນທາງ ສໍາລັບການພັດທະນາຮ່ວມກັນ ລະ ຫວ່າງ ເກົາຫຼີໃຕ້ ແລະເໜືອ. ຂ້າພະເຈົ້າມາທີ່ນີ້ ໃນມື້ນີ້ ເພື່ອຢືນຢັດໃຫ້ເກົາຫຼີເໜືອ ຈົ່ງ
ປະຖິ້ມໂຄງການພັດທະນານີິວເຄຼຍ ນັ້ນເສຍ ແລະກ້າວເຂົ້າມາຢູ່ບົນເສັ້ນທາງ
ແຫ່ງ ການສ້າງຄວາມປ່ຽນແປງ ແລະການຮັກສາສັນຕິພາບຕໍ່ກັນຢ່າງຈິງໃຈ.”
ສ່ວນເກົາຫຼີເໜືອນັ້ນ ກໍໄດ້ຈັດການເດີນສວນສະໜາມຂອງກອງທັບຢ່າງໃຫຍ່ໂຕ ເພື່ອ ສະເຫຼີມສະຫຼອງອັນທີ່ລັດຖະບານຄອມນີວນີສຂອງປະເທດດັ່ງກ່າວເອີ້ນວ່າ “ວັນແຫ່ງໄຊຊະ ນະ” ນັ້ນ ເຖິງແມ່ນວ່າບໍ່ມີຝ່າຍໃດຊະນະ ສົງຄາມເລີຍກໍຕາມ ເພາະວ່າໃນພາກຕົວຈິງແລ້ວ ທັງສອງປະເທດຍັງຄົງຢູ່ໃນສະພາວະສົງຄາມນໍາກັນຢູ່ຕະຫຼອດມາ.
ທີ່ນະຄອນຫຼວງໂຊລ ປະທານາທິບໍດີ Park ໄດ້ປະກາດເອົາວັນທີ 27 ກໍລະກົດ ເປັນວັນປະກອບສ່ວນກອງທັບຂອງສະຫະປະຊາຊາດ ໃນການ ຮັບຮູ້ເຖິງສົງຄາມທີ່ໜຸນຫຼັງໂດຍຢູເອັນ ຫຼືສະຫະປະຊາຊາດ ແລະເວົ້າວ່າ ການຄຸຍໂມ້ດ້ວຍຄໍາເວົ້າທີ່ເກາະຜິດຂອງເກົາ ຫຼີເໜືອນັ້ນ ແມ່ນຈະບໍ່ໄດ້ຮັບການອະນຸໂລມ.
ປະທານາທິບໍດີ ພັກ ເກິ່ນເຮ ເວົ້າວ່າ: “ດ້ວຍການຍັບຍັ້ງອັນເດັດດ່ຽວ ແລະການຮ່ວມ
ມືທີ່ໃກ້ຊິດ ກັບສັງຄົມນານາຊາດ ພວກເຮົາຈະເຮັດສຸດ ຄວາມສາມາດຂອງເຮົາ
ເພື່ອໃຫ້ເກົາຫຼີເໜືອຢຸດຄິດເລຶ່ອງການເກາະຜິດຄິດຮ້າຍ ແລະ ກ້າວອອກມາຢູ່ໃນ
ຖານະປະເທດສະມາຊິກນຶ່ງທີ່ມີຄວາມຮັບຜິດຊອບຂອງ ສັງຄົມນານາຊາດນັ້ນ.”
ປີນີ້ແມ່ນເປັນເທື່ອທໍາອິດທີ່ ເກົາຫຼີໃຕ້ໄດ້ທໍາພິທີໃຫ້ກຽດແກ່ 21 ປະເທດ ທີ່ໄດ້ສົ່ງທະ ຫານ ແລະໜ່ວຍພະຍາບານ ມາຊ່ວຍໃນສົງຄາມເກົາຫຼີ ແລະ ນັກລົບຊາວຕ່າງຊາດ ຫຼາຍກວ່າ 40,000 ຄົນທີ່ໄດ້ເສຍຊີວິດໃນສົງຄາມ ເກົາຫຼີນັ້ນ.
ພິທີຄົບຮອບ 60 ປີ ຢູ່ເກົາຫລີເໜືອ:
ນັກລົບເກົ່າສົງຄາມເກົາຫຼີກຸ່ມນຶ່ງໄດ້ໄປຢ້ຽມຢາມ ເຂດຄວາມປອດໄພຮ່ວມ ເມື່ອວັນສຸກຜ່ານມາ ຢູ່ໃນແຄມເຂດປອດທະຫານ ຫຼື DMZ ຊຶ່ງເປັນບ່ອນທີ່ທະຫານຈາກທັງສອງເກົາຫຼີ ຍັງປະເຊີນໜ້າກັນຢູ່ຕະຫຼອດມານັ້ນ.
ເຈົ້າໜ້າທີ່ທະຫານຜູ້ນໍາທ່ຽວ ເວົ້າຕະລົກວ່າ “ພວກທີ່ຢູ່ຊ້າຍມືຂອງຂ້າພະເຈົ້າແມ່ນ
ກໍາລັງຢືນຢູ່ໃນປະເທດຄອມມີວນີສເກົາຫຼີເໜືອ. ສ່ວນພວກທີ່ຢູ່ຂວາມືຂອງຂ້າພະ
ເຈົ້າ ກໍຍັງຂ້ອນຂ້າງຈະມີຄວາມປອດໄພດີຢູ່ ໃນສາທາລະນະລັດເກົາຫຼີ.”
ເຖິງແມ່ນວ່າການຢ້ຽມຢາມຄັ້ງນີ້ຈະມ່ວນຊຶ່ນລື່ນເລີງກໍຕາມ ແຕ່ທ່ານ Homer James Mead ນາຍທະຫານກອງທັບເຮືອສະຫະລັດ ທີ່ປົດກະສຽນແລ້ວ ໄດ້ໃຫ້ຂໍ້ສັງເກດເຖິງເບື້ອງຫຼັງທີ່ຮ້າຍແຮງ ຂອງວັນຄົບຮອບ ການຢຸດຍິງນັ້ນ.
ທ່ານ ໂຮມເມີ ມີດ ເວົ້າວ່າ: “ຄວາມຮູ້ສຶກຂອງຂ້າພະເຈົ້າຕອນທໍາອິດໃນເວລານັ້ນ ແມ່ນວ່າ ບາງທີມັນອາດຈະເປັນໂອກາດອັນດີ ສໍາລັບໃຜຜູ້ນຶ່ງທີ່ຈະສວຍໂອກາດ
ເຮັດ…ໃນສິ່ງໃດສິ່ງນຶ່ງທີ່ບໍ່ດີ. ແຕ່ຂ້າພະເຈົ້າກໍເຊື່ອໃນພະເຈົ້າ ເພາະສະນັ້ນຫຼ່ະ ເ
ເມຍຂອງຂ້າພະເຈົ້າຈຶ່ງມາກັບຂ້າພະເຈົ້າໃນມື້ນີ້ ເພາະວ່າ ຂ້າພະເຈົ້າຮູ້ວ່າ ພວກ
ເຮົາຈະປອດໄພດີ ຍ້ອນວ່າມີກອງທັບເກົາຫຼີໃຕ້ ແລະກອງທັບສະຫະປະຊາຊາດ
ແລະກໍາລັງທະຫານຂອງສະຫະລັດ ຂອງພວກເຮົາເອງ ຢູ່ໃນເກົາຫຼີໃຕ້ນີ້.”
ປະທານາທິບໍດີ Park ໄດ້ກ່າວຢໍ້າເຖິງຄວາມຫວັງທີ່ວ່າ ໃນມື້ໃດມື້ນຶ່ງ ທັງສອງເກົາຫຼີຈະ
ສາມາດຖອນອາວຸດຍຸດໂທປະກອນທັງຫຼາຍ ອອກໄປຈາກເຂດປອດທະຫານ ຊຶ່ງເປັນເຂດຊາຍແດນທີ່ຕິດຕັ້ງອາວຸດຢ່າງ ໜາແໜ້ນທີ່ສຸດໃນໂລກ.
ວີດິໂອ: ປ. ໂອບາມາ ປະກອບພິທີ ຢູ່ອະນຸສາວະລີສົງຄາມເກົາຫລີ ທີ່ວໍຊິງຕັນ:
ຄົບຮອບ 60 ປີ ຂອງການສິ້ນສຸດການສູ້ລົບໃນສົງຄາມເກົາຫຼີ
ແລະໃຫ້ກຽດແກ່ບັນດານັກລົບເກົ່າຊາວຕ່າງປະເທດ ທີ່ໄດ້ຊ່ວຍ
ຕ້ານຢັນການຮຸກຮານຂອງ ເກົາຫຼີເໜືອ ໃນປີ 1950 ນັ້ນ. ແຕ່ໃນ
ພາກຕົວຈິງແລ້ວ ທັງສອງເກົາຫຼີແມ່ນຍັງຢູ່ໃນສະພາວະສົງຄາມ
ນໍາກັນຢູ່ ແຕ່ເມື່ອວັນເສົາຜ່ານມານີ້ ປະທານາທິບໍດີ Park
Geun-Hye ໄດ້ສົ່ງສານແຫ່ງສັນຕິພາບໄປຍັງ ພຽງຢາງ ຂໍຮ້ອງ
ໃຫ້ສ້າງຄວາມປອງດອງກັນແລະຮຽກຮ້ອງໃຫ້ເກົາຫຼີເໜືອຈົ່ງປະ
ລະອາວຸດນີວເຄຼຍຂອງຕົນນັ້ນເສຍ. Daniel Schearf ຜູ້ສື່ຂ່າວ
ວີໂອເອ ລາຍງານຈາກນະຄອນຫຼວງໂຊລ ຂອງເກົາຫຼີໃຕ້ ຊຶ່ງ
ທອງປານ ຈະນໍາເອົາລາຍລະອຽດ ມາສະເໜີທ່ານ ໃນອັນດັບຕໍ່ໄປ
ເບິ່ງວີດິໂອລາຍງານນີ້ ເປັນພາສາອັງກິດ:
ໃນຄໍາປາໄສຕໍ່ບັນດາຜູ້ເຂົ້າຮ່ວມໃນພິທີ ຢູ່ຫໍອະນຸສາວະລີສົງຄາມ ທີ່ນະຄອນຫຼວງໂຊລ ນັ້ນ ປະທານາທິບໍດີ Park Geun-hye ໄດ້ຮຽກ ຮ້ອງໃຫ້ເກົາຫຼີເໜືອ ຈົ່ງດໍາເນີນການໄປໃນເສັ້ນທາງແຫ່ງສັນຕິພາບ.
ປະທານາທິບໍດີ Park Geun-hye ເວົ້າວ່າ: “ຖ້າຫາກວ່າ ເກົາຫຼີເໜືອ ເລືອກເອົາເສັ້ນທາງທີ່ຖືກຕ້ອງແລ້ວ ພວກເຮົາກໍຈະເສີມຂະຫຍາຍການແລກປ່ຽນ ແລະການຮ່ວມມືກັນ ແລະຕັ້ງໜ້າເປີດເສັ້ນທາງ ສໍາລັບການພັດທະນາຮ່ວມກັນ ລະ ຫວ່າງ ເກົາຫຼີໃຕ້ ແລະເໜືອ. ຂ້າພະເຈົ້າມາທີ່ນີ້ ໃນມື້ນີ້ ເພື່ອຢືນຢັດໃຫ້ເກົາຫຼີເໜືອ ຈົ່ງ
ປະຖິ້ມໂຄງການພັດທະນານີິວເຄຼຍ ນັ້ນເສຍ ແລະກ້າວເຂົ້າມາຢູ່ບົນເສັ້ນທາງ
ແຫ່ງ ການສ້າງຄວາມປ່ຽນແປງ ແລະການຮັກສາສັນຕິພາບຕໍ່ກັນຢ່າງຈິງໃຈ.”
ສ່ວນເກົາຫຼີເໜືອນັ້ນ ກໍໄດ້ຈັດການເດີນສວນສະໜາມຂອງກອງທັບຢ່າງໃຫຍ່ໂຕ ເພື່ອ ສະເຫຼີມສະຫຼອງອັນທີ່ລັດຖະບານຄອມນີວນີສຂອງປະເທດດັ່ງກ່າວເອີ້ນວ່າ “ວັນແຫ່ງໄຊຊະ ນະ” ນັ້ນ ເຖິງແມ່ນວ່າບໍ່ມີຝ່າຍໃດຊະນະ ສົງຄາມເລີຍກໍຕາມ ເພາະວ່າໃນພາກຕົວຈິງແລ້ວ ທັງສອງປະເທດຍັງຄົງຢູ່ໃນສະພາວະສົງຄາມນໍາກັນຢູ່ຕະຫຼອດມາ.
ທີ່ນະຄອນຫຼວງໂຊລ ປະທານາທິບໍດີ Park ໄດ້ປະກາດເອົາວັນທີ 27 ກໍລະກົດ ເປັນວັນປະກອບສ່ວນກອງທັບຂອງສະຫະປະຊາຊາດ ໃນການ ຮັບຮູ້ເຖິງສົງຄາມທີ່ໜຸນຫຼັງໂດຍຢູເອັນ ຫຼືສະຫະປະຊາຊາດ ແລະເວົ້າວ່າ ການຄຸຍໂມ້ດ້ວຍຄໍາເວົ້າທີ່ເກາະຜິດຂອງເກົາ ຫຼີເໜືອນັ້ນ ແມ່ນຈະບໍ່ໄດ້ຮັບການອະນຸໂລມ.
ປະທານາທິບໍດີ ພັກ ເກິ່ນເຮ ເວົ້າວ່າ: “ດ້ວຍການຍັບຍັ້ງອັນເດັດດ່ຽວ ແລະການຮ່ວມ
ມືທີ່ໃກ້ຊິດ ກັບສັງຄົມນານາຊາດ ພວກເຮົາຈະເຮັດສຸດ ຄວາມສາມາດຂອງເຮົາ
ເພື່ອໃຫ້ເກົາຫຼີເໜືອຢຸດຄິດເລຶ່ອງການເກາະຜິດຄິດຮ້າຍ ແລະ ກ້າວອອກມາຢູ່ໃນ
ຖານະປະເທດສະມາຊິກນຶ່ງທີ່ມີຄວາມຮັບຜິດຊອບຂອງ ສັງຄົມນານາຊາດນັ້ນ.”
ປີນີ້ແມ່ນເປັນເທື່ອທໍາອິດທີ່ ເກົາຫຼີໃຕ້ໄດ້ທໍາພິທີໃຫ້ກຽດແກ່ 21 ປະເທດ ທີ່ໄດ້ສົ່ງທະ ຫານ ແລະໜ່ວຍພະຍາບານ ມາຊ່ວຍໃນສົງຄາມເກົາຫຼີ ແລະ ນັກລົບຊາວຕ່າງຊາດ ຫຼາຍກວ່າ 40,000 ຄົນທີ່ໄດ້ເສຍຊີວິດໃນສົງຄາມ ເກົາຫຼີນັ້ນ.
ພິທີຄົບຮອບ 60 ປີ ຢູ່ເກົາຫລີເໜືອ:
ນັກລົບເກົ່າສົງຄາມເກົາຫຼີກຸ່ມນຶ່ງໄດ້ໄປຢ້ຽມຢາມ ເຂດຄວາມປອດໄພຮ່ວມ ເມື່ອວັນສຸກຜ່ານມາ ຢູ່ໃນແຄມເຂດປອດທະຫານ ຫຼື DMZ ຊຶ່ງເປັນບ່ອນທີ່ທະຫານຈາກທັງສອງເກົາຫຼີ ຍັງປະເຊີນໜ້າກັນຢູ່ຕະຫຼອດມານັ້ນ.
ເຈົ້າໜ້າທີ່ທະຫານຜູ້ນໍາທ່ຽວ ເວົ້າຕະລົກວ່າ “ພວກທີ່ຢູ່ຊ້າຍມືຂອງຂ້າພະເຈົ້າແມ່ນ
ກໍາລັງຢືນຢູ່ໃນປະເທດຄອມມີວນີສເກົາຫຼີເໜືອ. ສ່ວນພວກທີ່ຢູ່ຂວາມືຂອງຂ້າພະ
ເຈົ້າ ກໍຍັງຂ້ອນຂ້າງຈະມີຄວາມປອດໄພດີຢູ່ ໃນສາທາລະນະລັດເກົາຫຼີ.”
ເຖິງແມ່ນວ່າການຢ້ຽມຢາມຄັ້ງນີ້ຈະມ່ວນຊຶ່ນລື່ນເລີງກໍຕາມ ແຕ່ທ່ານ Homer James Mead ນາຍທະຫານກອງທັບເຮືອສະຫະລັດ ທີ່ປົດກະສຽນແລ້ວ ໄດ້ໃຫ້ຂໍ້ສັງເກດເຖິງເບື້ອງຫຼັງທີ່ຮ້າຍແຮງ ຂອງວັນຄົບຮອບ ການຢຸດຍິງນັ້ນ.
ທ່ານ ໂຮມເມີ ມີດ ເວົ້າວ່າ: “ຄວາມຮູ້ສຶກຂອງຂ້າພະເຈົ້າຕອນທໍາອິດໃນເວລານັ້ນ ແມ່ນວ່າ ບາງທີມັນອາດຈະເປັນໂອກາດອັນດີ ສໍາລັບໃຜຜູ້ນຶ່ງທີ່ຈະສວຍໂອກາດ
ເຮັດ…ໃນສິ່ງໃດສິ່ງນຶ່ງທີ່ບໍ່ດີ. ແຕ່ຂ້າພະເຈົ້າກໍເຊື່ອໃນພະເຈົ້າ ເພາະສະນັ້ນຫຼ່ະ ເ
ເມຍຂອງຂ້າພະເຈົ້າຈຶ່ງມາກັບຂ້າພະເຈົ້າໃນມື້ນີ້ ເພາະວ່າ ຂ້າພະເຈົ້າຮູ້ວ່າ ພວກ
ເຮົາຈະປອດໄພດີ ຍ້ອນວ່າມີກອງທັບເກົາຫຼີໃຕ້ ແລະກອງທັບສະຫະປະຊາຊາດ
ແລະກໍາລັງທະຫານຂອງສະຫະລັດ ຂອງພວກເຮົາເອງ ຢູ່ໃນເກົາຫຼີໃຕ້ນີ້.”
ປະທານາທິບໍດີ Park ໄດ້ກ່າວຢໍ້າເຖິງຄວາມຫວັງທີ່ວ່າ ໃນມື້ໃດມື້ນຶ່ງ ທັງສອງເກົາຫຼີຈະ
ສາມາດຖອນອາວຸດຍຸດໂທປະກອນທັງຫຼາຍ ອອກໄປຈາກເຂດປອດທະຫານ ຊຶ່ງເປັນເຂດຊາຍແດນທີ່ຕິດຕັ້ງອາວຸດຢ່າງ ໜາແໜ້ນທີ່ສຸດໃນໂລກ.
ວີດິໂອ: ປ. ໂອບາມາ ປະກອບພິທີ ຢູ່ອະນຸສາວະລີສົງຄາມເກົາຫລີ ທີ່ວໍຊິງຕັນ:
