ລັດຖະມົນຕີຕ່າງປະເທດ Burkina Faso ກ່າວວ່າ ກຳລັງຕໍ່ຕ້ານພວກກໍ່ການຮ້າຍໃນ
ເຂດ Sahel ຂອງອາຟຣິກາ ຕ້ອງການທຶນຢ່າງຫລວງຫລາຍໃນການປະຕິບັດງານ.
ກຳລັງ G5 ໃນເຂດ Sahel ຈັດຕັ້ງຂຶ້ນມາ ເພື່ອຊ່ວຍປະເທດ Burkina Faso, Mali,
Niger, Mauritania ແລະ Chad ປ້ອງກັນກຸ່ມຫົວຮຸນແຮງອິສລາມ ທີ່ປະຕິບັດງານ
ຢູ່ໃນຂົງເຂດ ເຊັນວ່າ ກຸ່ມ al-Qaida ຢູ່ໃນລັດອິສລາມ Maghreb ແລະ ກຸ່ມ Boko
Haram. ການຕັ້ງກຳລັງດັ່ງກ່າວ ທີ່ໄດ້ຮັບອະນຸຍາດ ໂດຍມະຕິ 2509 ຂອງອົງການ ສະຫະປະຊາຊາດ ທີ່ໄດ້ເຫັນພ້ອມໂດຍຝຣັ່ງ ແລະສະຫະລັດ ຫລັງຈາກການເຈລະ
ຈາທີ່ຂຸ້ນຂ້ຽວ. ທ່ານ Alpha Barry ກ່າວຕໍ່ ວີໂອເອ ພະແນກພາສາຝຣັ່ງໄປອາຟຣິ
ກາວ່າ ກຳລັງ G5 ໃນເຂດ Sahel ໄດ້ຮັບແຕ່ພຽງນຶ່ງສ່ວນສີ່ຂອງເງິນທີ່ຕ້ອງການທັງ
ໝົດຊຶ່ງຄາດວ່າ ປະມານ 423 ລ້ານຢູໂຣ ຫຼື 500 ລ້ານໂດລາສະຫະລັດ ສຳລັບການ
ປະຕິບັດງານປະຈຳປີ.
ທ່ານ Barry ໄດ້ກ່າວຕໍ່ວີໂອເອ ພະແນກພາສາຝຣັ່ງໄປອາຟຣິກາ ໃນວັນພະຫັດຜ່ານ
ມານີ້ວ່າ “ເທົ່າເຖິງປັດຈຸບັນ ພວກເຮົາໄດ້ຮັບເງິນທັງໝົດ 108 ລ້ານຢູໂຣ. ສະຫະພາບ
ຢູໂຣບໄດ້ບໍລິຈາກ 50 ລ້ານຢູໂຣ ຝຣັ່ງ 8 ລ້ານຢູໂຣ ແລະຈາກ Mali, Burkina Faso,
Niger, Mauritania ແລະ Chad ປະເທດລະ 10 ລ້ານຢູໂຣ. ຈຳນວນທີ່ຍັງຂາດແມ່ນ
ສຳຄັນຫຼາຍໃນປັດຈຸບັນນີ້.
ທ່ານ Barry ກ່າວວ່າ 60 ລ້ານໂດລາ ໄດ້ໃຫ້ຄຳໝັ້ນສັນຍາໂດຍ ສະຫະລັດ ໃນການ
ຊ່ວຍເຫລືອກອງທັບຢູ່ໃນຂົງເຂດ ບໍ່ແມ່ນກຳລັງ G5.
ບັນດາຜູ້ນຳຂອງຂົງເຂດແມ່ນກາງຕໍ່ກອງປະຊຸມທີ່ນະຄອນ Brussels ວັນທີ 14 ທັນ
ວາຈະມາເຖິງນີ້ ເພື່ອຊັກຊວນຜູ້ບໍລິຈາກ ໂດຍສະເພາະບັນດາປະເທດຈາກເຂດອ່າວ
ເປີເຊຍ ເພື່ອໃຫ້ຄວາມໝັ້ນໝາຍທາງດ້ານການເງິນ ແກ່ G5 ໃນເຂດ Sahel.
ທ່ານ Barry ກ່າວວ່າ "ນີ້ແມ່ນບາດກ້າວທີ່ສຳຄັນ ໄປສູ່ການປິດງົບປະມານຂອງພວກ
ເຮົາ. ພວກເຮົາຂໍຮຽກຮ້ອງໃຫ້ມີການລະດົມຢ່າງແຮງ ໂດຍສະເພາະ ຈາກສະຫະລັດ.
ຖ້າຫາກການກໍ່ການຮ້າຍ ບໍ່ສາມາດເອົາຊະນະຢູ່ໃນປະເທດຂອງພວກເຮົາແລ້ວ ມັນ ຈະເປັນໄພຂົ່ມຂູ່ຕໍ່ໂລກ.