ລິ້ງ ສຳຫລັບເຂົ້າຫາ

ວັນອັງຄານ, ໑໖ ກໍລະກົດ ໒໐໒໔

ຢູເຄຣນ ​ກ່າວ​ວ່າ ການ​ໂຈມ​ຕີ​ຂອງຣັດ​ເຊຍ​ໃສ່​ເຂດ ໂອເດຊາ ​ເຮັດ​ໃຫ້​ມີຜູ້ເສຍ​ຊີວິດ 2 ຄົນ ​ແລະ​ສ້າງ​ຄວາມ​ເສຍ​ຫາຍ​ຕໍ່​ທ່າ​ເຮືອ​ຂອງ​ຢູເຄຣນ


ຮູບພາບ ພາຍຫຼັງການໂຈມຈີດ້ວຍລູກສອນໄຟຂອງຣັດເຊຍ ໃນເຂດໂອເດຊາ.
ຮູບພາບ ພາຍຫຼັງການໂຈມຈີດ້ວຍລູກສອນໄຟຂອງຣັດເຊຍ ໃນເຂດໂອເດຊາ.

ຣັດ​ເຊຍ​ໄດ້​ຍິງ​ລູກ​ສອນ​ໄຟ 20 ລູກ ແລະ​ເຮືອບິນບໍ່ມີຄົນຂັບ 5 ລຳ ​ໃສ່​ຢູ​ເຄຣນ ໃນ​ວັນ​ພຸດ​ມື້​ນີ້ ເຮັດ​ໃຫ້​ມີ​ຜູ້​ເສຍ​ຊີ​ວິດ 2 ຄົນ​ໃນ​ເຂດ​ທະ​ເລ​ດຳ​ຂອງພາກ ພື້ນໂອເດຊາ (Odesa) ຊຶ່ງ​ໄດ້ສ້າງຄວາມເສຍຫາຍໃຫ້ແກ່​ໂຄງ​ລ່າງພື້ນຖານ ຂອງ​ທ່າ​ກຳ​ປັ່ນ ແລະ​ຖືກ​ໂຮງ​ງານໄຟ​ຟ້າແຫ່ງນຶ່ງ ​ທາງ​ພາກ​ຕາ​ເວັນ​ຕົກ​ສ່ຽງ​ເໜືອ, ເຈົ້າ​ໜ້າ​ທີ່​ກ່າວ​, ອີງຕາມອົງການຂ່າວ Reuters.

ຄົນ​ຂັບ​ລົດ​ບັນທຸກ​ຄົນ​ນຶ່ງ ​ແລະ​ເຈົ້າ​ໜ້າ​ທີ່​ຮັກສາ​ຄວາມ​ປອດ​ໄພ​ ໄດ້​ເສຍ​ຊີວິດ​ຢູ່​ໃນ​ພາກ​ໃຕ້​ຂອງພາກພື້ນໂອເດຊາ (Odesa) ​ໃນ​ລະຫວ່າງ​ການ​ໂຈມ​ຕີ​ດ້ວຍ​ລູກ​ສອນ​ໄຟ ຊຶ່ງ​ໄດ້​ສ້າງ​ຄວາມ​ເສຍ​ຫາຍ​ໃຫ້​ແກ່​ສາງ​ສິນຄ້າຂອງທ່າເຮືອ, ລົດ​ບັນທຸກ ​ແລະກຳ​ປັ່ນ​ພົນລະ​ເຮືອນ​ລຳ​ນຶ່ງ, ທ່ານ ໂອເລ ຄີເປີ (Oleh Kiper), ຜູ້ປົກຄອງພາກພື້ນໂອເດຊາ (Odesa) ກ່າວ ແລະ ກ່າວຕື່ມວ່າ ທະຫານເຮືອ​ຄົນ​ນຶ່ງ ກໍ​ໄດ້​ຮັບ​ບາດ​ເຈັບ​ເຊັ່ນ​ກັນ.

ພາກພື້ນ ໂອເດຊາ (Odesa) ເປັນສູນກາງການສົ່ງອອກ​ໃນທະເລດໍາຂອງ ຢູເຄຣນ ທີ່ໄດ້ຖືກຟື້ນຟູຂຶ້ນ ໂດຍບໍ່ມີການເຫັນ​ດ້ວຍຈາກຣັດເຊຍ ຫຼັງຈາກທີ່ ມົສກູ ໄດ້ຍົກເລີກຂໍ້ຕົກລົງທີ່ອົງການສະຫະປະຊາຊາດເປັນຜູ້ໄກ່ເກ່ຍ ໃນລະດູຮ້ອນທີ່ຜ່ານມາ ທີ່ອະນຸຍາດໃຫ້ ກີຢິບ ສາມາດສົ່ງອອກອາຫານໄດ້ ໃນລະຫວ່າງສົງຄາມກັບຣັດເຊຍ.

ສະຖານ​ທີ່ຂອງ​ທ່າ​ກຳ​ປັ່ນຕ່າງໆ​ຂອງ​ພາກ​ພື້ນ​ນີ້ ​ຖືກ​ໂຈມ​ຕີ​ເປັນ​ປະຈຳ ​ຈາກ​ການ​ໂຈມ​ຕີ​ໄລຍະ​ໄກ​ຂອງ​ມົສກູ. ຣັດ​ເຊຍ, ເຊິ່ງ​ໄດ້​ເປີດ​ການ​ບຸກ​ໂຈມ​ຕີ​ຢ່າງ​ເຕັມ​ສ່ວນ​ໃນ​ເດືອນ​ກຸມ​ພາ 2022, ໄດ້​ປະ​ຕິ​ເສດຢ່າງ​ຊ້ຳ​ແລ້ວ​ຊ້ຳ​ອີກ ຕໍ່ການແນເປົ້າ ໝາຍ​ໃສ່​ພົນ​ລະ​ເຮືອນ ຫຼື​ພື້ນ​ຖານ​ໂຄງ​ລ່າງ​ພົນ​ລະ​ເຮືອນ​ຢູ່ໃນ ຢູ​ເຄຣນ.

ຜູ້ປະຕິບັດງານໂຄງການສາຍໄຟຟ້າແຫ່ງຊາດ ກ່າວວ່າ ການໂຈມຕີຕ່າງຫາກ ດ້ວຍເຮືອບິນບໍ່ມີຄົນຂັບ ໄດ້ທໍາລາຍໂຮງໄຟ​ຟ້າແຫ່ງນຶ່ງ ໃນພາກພື້ນຣິບນີ (Rivne) ທາງພາກຕາເວັນຕົກສຽງເຫນືອ. ຜູ້ປົກຄອງພາກພື້ນ ທ່ານ ໂອເລັກຊານເດີ ໂກວາລ (Oleksandr Koval) ກ່າວ​ວ່າ ໄຟໄໝ້ ທີ່​ເກີດ​ຂຶ້ນ​ ໄດ້ຖືກຄວບຄຸມໄດ້ແລ້ວ ​ແລະ​ບໍ່​ມີ​ລາຍ​ງານຜູ້​ບາດ​ເຈັບ​ຫຼື ເສຍຊີວິດ.

ການໂຈມຕີດັ່ງກ່າວໄດ້ເຮັດໃຫ້ເກີດການຕັດໄຟຟ້າຊົ່ວຄາວໃນພາກພື້ນ ແຕ່ບໍ່ໄດ້ ເຮັດໃຫ້ຕ້ອງມີການປ່ຽນແປງໃດໆ ຕໍ່ການຕັດໄຟຟ້າຕາມກໍານົດ, ບໍ​ລິ​ສັດໄຟຟ້າ ຢູເຄຣເນີໂກ (Ukrenergo) ກ່າວ.

ອ່ານຂ່າວເປັນພາສາອັງກິດລຸ່ມນີ້:

KYIV, July 10 (Reuters) - Russia launched 20 drones and five missiles at Ukraine on Wednesday, killing two people in the Black Sea region of Odesa, damaging port infrastructure and hitting an energy facility in the northwest, officials said.

A truck driver and security guard were killed in the southern Odesa region during the missile attack, which damaged port warehouses, trucks and a civilian ship, regional governor Oleh Kiper said. A sailor was also wounded, he said.

Odesa region is the central hub for Ukraine's Black Sea exports that it has revived without Russia's assent after Moscow quit a UN-brokered deal last summer that had allowed Kyiv to export food during the war with Russia.

The region's port facilities have been regularly attacked by long-range strikes by Moscow. Russia, which launched its full-scale invasion in February 2022, has repeatedly denied targeting civilians or civilian infrastructure in Ukraine.

Separately, attack drones damaged an energy facility in the northwestern region of Rivne, the national grid operator said. A fire that broke out has been localized and no casualties were reported, governor Oleksandr Koval said.

The attack caused temporary power cuts in the region but did not require any changes to be made to scheduled power cuts, the Ukrenergo grid operator said.

ຟໍຣັມສະແດງຄວາມຄິດເຫັນ

XS
SM
MD
LG