ລິ້ງ ສຳຫລັບເຂົ້າຫາ

ວັນອັງຄານ, ໒໘ ພຶດສະພາ ໒໐໒໔

ຣັດເຊຍ ແລະ ລາວ ລົງນາມໃນຂໍ້ຕົກລົງ ຫຼາຍສະບັບ


ປະທານປະເທດ ສປປ ລາວ ທ່ານຈູມມະລີ ໄຊຍະສອນ ຈັບມືກັບນາຍົກລັດຖະມົນຕີຣັດເຊຍ ທ່ານ Vladimir Putin (14 ຕຸລາ 2011)
ປະທານປະເທດ ສປປ ລາວ ທ່ານຈູມມະລີ ໄຊຍະສອນ ຈັບມືກັບນາຍົກລັດຖະມົນຕີຣັດເຊຍ ທ່ານ Vladimir Putin (14 ຕຸລາ 2011)

ຣັດເຊຍແລະ ສປປ ລາວໄດ້ລົງນາມໃນຂໍ້ຕົກລົງຫຼາຍໆສະບັບ ແລະປະກາດເປັນປະເທດ
ພາຄີຍຸດທະສາດໃນລະຫວ່າງການເດີນທາງໄປຢ້ຽມຢາມກຸງມົສກູຢ່າງເປັນທາງການເທື່ອ
ທຳອິດຂອງປະທານປະເທດ ສປປ ລາວ.

ປະທານາທິບໍດີຣັດເຊຍທ່ານ Dmitry Medvedev ໄດ້ເປັນເຈົ້າພາບຕ້ອນຮັບຄູ່ຕຳແໜ່ງ
ຝ່າຍລາວ ທ່ານຈູມມະລີ ໄຊຍະສອນ ເພື່ອທຳການເຈລະຈາຫາລື ທີ່ແນໃສ່ເລື່ອງການຄ້າ
ສອງຝ່າຍ ການສື່ສານຄົມມະນາຄົມແລະໄຟຟ້າພະລັງນໍ້າ ຢູ່ທີ່ວັງເຄຣັມລິນໃນວັນພະຫັດ
ວານນີ້.

ລຸນຫຼັງການເຈລະຈາຫາລືກັນແລ້ວຜູ້ນຳຂອງປະເທດທັງສອງກໍໄດ້ລົງນາມໃນຄຳປະກາດ
ການເປັນປະເທດພາຄີຍຸດທະສາດ ແລະເປັນສັກຂີພະຍານກ່ຽວກັບການລົງນາມໃນຂໍ້ຕົກ
ລົງການຮ່ວມມື ໃນດ້ານສາທາລະນະສຸກ ວິທະຍາສາດການແພດ ລະບົບກົດໝາຍແລະ
ການທ່ອງທ່ຽວ.

ຜູ້ນຳທັງສອງເວົ້າວ່າ ພວກທ່ານມີຄວາມສົນໃຈທີ່ຈະເພີ່ມທະວີການຄ້າສອງຝ່າຍ ຊຶ່ງມີມູນ
ຄ່າເກືອບ 40 ລ້ານໂດລາໃນໄລຍະ 7 ເດືອນທຳອິດຂອງປີນີ້ສົມທຽບໃສ່ບໍ່ຮອດ 9 ລ້ານ
ໂດລາສຳລັບໝົດທັງປີ 2010 ແລະການຂາຍສິນຄ້າຂອງຣັດເຊຍໃຫ້ແກ່ລາວແມ່ນປະກອບ ເປັນການຄ້າຂາຍສ່ວນໃຫຍ່.

ອົງການຂ່າວ Itar-Tass ຂອງທາງການຣັດເຊຍລາຍງານວ່າ ນອກນັ້ນທ່ານຈູມມະລີຍັງ
ໄດ້ພົບປະກັບນາຍົກລັດຖະມົນຕີຣັດເຊຍ ທ່ານ Vladimir Putin ຜູ້ທີ່ໄດ້ສະແດງຄວາມ
ຫວັງອອກມາວ່າ ຂໍ້ຕົກລົງໃນການເປັນປະເທດພາຄີຍຸດທະສາດຈະເສີມຂະຫຍາຍຄວາມ
ສຳພັນທາງດ້ານການຄ້າແລະເສດຖະກິດລະຫວ່າງປະເທດທັງສອງ.

XS
SM
MD
LG