ລິ້ງ ສຳຫລັບເຂົ້າຫາ

ວັນພຸດ, ໒໘ ກຸມພາ ໒໐໒໔

ທ່ານ Putin ຄາດວ່າ ຈະຊະນະ ການເລືອກຕັ້ງ ປະທານາທິບໍດີ ຣັດເຊຍອີກ (ເບິ່ງສະໄລດ໌ກັບວີດີໂອ)


ນາຍົກລັດຖະມົນຕີຣັດເຊຍ ທ່ານ Vladimir Putin ກ່າວຖະແຫຼງໃນລະຫວ່າງການໂຮມຊຸມນຸມຄັ້ງໃຫຍ່ຂອງ ພວກສະໜັບສະໜຸນທ່ານ ທີ່ສະໜາມກິລາ Luzhniki ໃນກຸງມົສກູ (23 ກຸມພາ 2012)
ນາຍົກລັດຖະມົນຕີຣັດເຊຍ ທ່ານ Vladimir Putin ກ່າວຖະແຫຼງໃນລະຫວ່າງການໂຮມຊຸມນຸມຄັ້ງໃຫຍ່ຂອງ ພວກສະໜັບສະໜຸນທ່ານ ທີ່ສະໜາມກິລາ Luzhniki ໃນກຸງມົສກູ (23 ກຸມພາ 2012)

ການ​ຢັ່ງ​ຫາງ​ສຽງ​ປະຊາ​ຊົນຣັດ​ເຊຍ​ເທື່ອ​ໃໝ່​ ທີ່​ນຳ​ອອກ​ເຜີຍ​ແຜ່​ໃນ​ວັນ​ສຸກ​ມື້ນີ້ ສະ​ແດງ
ໃຫ້​ເຫັນ​ວ່ານາຍົກລັດຖະມົນຕີ Vladimir Putin ຄາດ​ວ່າ​ຈະ​ຊະນະການ​ເລືອກ​ຕັ້ງ​ເປັນ​
ປະທານາທິບໍດີ​ສະ​ໄໝ​ທີ 3 ຂອງ​ປະ​ເທດ.

ການ​ສຳ​ຫຼວດຫາງ​ສຽງ​ໂດຍ​ສູນ​ກາງ Levada ສະ​ແດງ​ໃຫ້​ເຫັນ​ວ່າທ່ານ Putin ອາດ​ຈະ
ໄດ້​ຮັບ​ຄະ​ແນນ​ສຽງ​ສູງ​ເຖິງ 66% ​ໃນ​ການ​ປ່ອນ​ບັດຊຶ່ງ​ຈະ​ມີ​ຂຶ້ນ​ໃນ​ເດືອນ​ໜ້ານີ້.

ຜົນ​ການ​ຢັ່ງ​ຫາງ​ສຽງ​ເປັນ ​ທີ່​ໜ້າ​ຊື່ນ​ຊົມ​ຂອງ​ທ່ານ Putin ມີ​ຂຶ້ນນຶ່ງ​ມື້ຫຼັງຈາກ​ທ່ານໄດ້​ກ່າວ
ຕໍ່​ພວກ​ສະໜັບສະໜຸນ​ຫລາຍພັນ​ຄົນ​ ທີ່ສະໜາມກິລາ Luzhniki ​ໃນ​ກຸງ​ມົສກູ​ວ່າ ພັກສາ
ມັກ​ຄີຣັດ​ເຊຍ​ຫຼື United Russia ຂອງ​ທ່ານຈະ​ຊະນະ​ການ​ເລືອກ​ຕັ້ງ ​ໃນ​ວັນ​ທີ 4 ມີນາ​
ຈະ​ມານີ້.

ກ່ອນ​ການ​ໂຮມ​ຊຸມນຸມ​ນັ້ນ ພວກ​ສະໜັບສະໜຸນທ່ານ Putin ​ໄ​ດ້ພາກັນ​ເດີນ​ຂະບວນທີ່​ກຸງ​
ມົສກູເພື່ອ​ຕອບໂຕ້​ແບບ​ເປັນ​ນໍ້າ​ນຶ່ງ​ໃຈ​ດຽວຕໍ່​ການ​ເດີນ​ຂະ​ບວນຫຼາຍໆຄັ້ງຕໍ່ຕ້ານ​ນາຍົກລັດຖະ
ມົນຕີ Putin.

ການ​ປະ​ທ້ວງ​ໄດ້​ເລີ່​ມຂຶ້ນ​ເມື່ອ​ເດືອນ​ທັນວາ​ຜ່ານ​ມາ​ຫຼັງຈາກ​ພັກ​ຂອງ​ທ່ານ Putin ​ໄດ້​ອ້າງເອົາ
ໄຊຊະນະ​ໃນ​ການ​ເລືອກ​ຕັ້ງສະພາ​ແຫ່ງ​ຊາດ ເຖິງ​ແມ່ນ​ດ້ວຍ​ຄະ​ແນນ​ສຽງສ່ວນ​ຫຼາຍ​ທີ່​ຫຼຸດເກົ່າ
ກໍ​ຕາມ.

ແຕ່​ບັນດາ​ກຸ່ມ​ຝ່າຍ​ຄ້ານ​ແລະ​ພວກ​ນັກ​ສັງ​ເກດ​ການນາໆ​ຊາດ​ກ່າວ​ອ້າງ​ວ່າການປ່ອນ​ບັດ​ແມ່ນ
ເຕັມ​ໄປ​ດ້ວຍ​ການ​ລ່ວງ​ລະ​ເມີດ​ຕ່າງໆຮວມທັງ​ການ​ປ່ອນ​ບັດ​ປອມລົງ​ໃສ່​ຫີບ​ບັດ ການ​ຈຳກັດ​
ການ​ແຂ່ງຂັນ​ທາງ​ການ​ເມືອງ​ ແລະ​ບໍ່ຄວາມ​ຍຸຕິ​ທຳ.

ການ​ຮ້ອງ​ຂໍ ໃຫ້​ຈັດການ​ເລືອກ​ຕັ້ງຂຶ້ນ​ໃໝ່ ​ໄດ້​ຖືກ​ປະຕິ​ເສດ. ທ່ານ Putin ​ໄດ້​ຊະນະ​ການ
ເລືອກຕັ້ງ​ເປັນ​ປະທານາທິບໍ​ດີ ​ໃນ​ປີ 2000 ​ແລະ​ປີ 2004 ​ແຕ່​ການຈຳກັດໃນ​ການ​ເຂົ້າຮັບ
ຕຳ​ແໜ່​ງເກີນ​ສອງ​ສະ​ໄໝ​ຕິດ​ຕໍ່​ກັນ ​ໄດ້​ຂັດຂວາງ​ບໍ່​ໃຫ້​ທ່ານສາມາດ​ ສະມັກ​ເປັນ​ປະທານາທິ
ບໍດີ​ສ​ະ​ໄໝ​ທີ 3 ​ໄດ້​ໃນ​ທັນທີ​ໂລດ.

ທ່ານ​ໄດ້​ເຂົ້າກຳ​ຕຳ​ແໜ່ງນາຍົກລັດຖະມົນຕີ​ຣັ​ດ​ເຊຍ ​ໃນ​ປີ 2008.

XS
SM
MD
LG