ຄົນຣັດເຊຍທີ່ຖືກກ່າວຫາ ໂດຍບັນດາເຈົ້າໜ້າທີ່ສະຫະລັດວ່າ ໂຈມຕີເຈາະຂໍ້ມູນຕໍ່ບັນດາເປົ້າໝາຍຕ່າງໆຂອງສະຫະລັດແລະຖືກຈັບໃນຕົ້ນເດືອນນີ້ຢູ່ນະຄອນຫຼວງຂອງ Czech ແມ່ນທ້າວ Yevgeny Nikulin ອາຍຸ 29 ປີ ເປັນຊາວນະຄອນມົສກູ.
ບັນດາເຈົ້າໜ້າທີ່ Czech ໃນອາທິດນີ້ ກ່າວວ່າ ຜູ້ຕ້ອງສົງໄສໄດ້ຖືກກັກຂັງ ເມື່ອວັນທີ 5 ເດືອນຕຸລາຢູ່ທີ່ນະຄອນ Prague ເພື່ອເປັນການສະໜອງຕອບຕໍ່ໝາຍຈັບຂອງຕຳຫຼວດ ສາກົນ ຕາມການຮ້ອງຂໍຂອງສະຫະລັດ ແລະເວລາລາວກຳລັງປະເຊີນໜ້າ ກັບການຮັບຟັງຄຳໃຫ້ການກ່ຽວກັບການສົ່ງໂຕຜູ້ຮ້າຍຂ້າມແດນຂອງທາງການ Czech ອີງຕາມລາຍງານຂ່າວໂທລະພາບ Current Time ຂອງວິທຍຸຢູໂຣບເສລີ ແລະອິດສະຫລະພາບ ຫຼື REF/RL.
ການສືບສວນຂອງໂທລະພາບ Current Time ໄດ້ພົບເຫັນບັນຊີ Instagram ຂອງທ້າວ Nikulin ພາຍໃຕ້ຜູ້ເປັນເຈົ້າຂອງ “i.tak.soidet,” ທີ່ສະແດງໃຫ້ເຫັນລົດນິຍົມໃນລົດແລະເຄື່ອງເອ້ທີ່ມີຄວາມຫລູຫລາລາຄາແພງ ແລະປະຮ່ອງຮອຍອີເລັກໂຕຣນິກ ທີ່ໄດ້ນຳໄປສູ່ Belarus ແລະ Poland ໄປຫາສາທາລະນະລັດ Czech ເປັນເວລາຫລາຍອາທິດກ່ອນຖືກຈັບຢູ່ນະຄອນ Prague.
ບັນຊີ Instagram ໄດ້ຖືກປິດ ບໍ່ນານຕໍ່ມາຫລັງຈາກໂທລະພາບພາສາຣັດເຊຍ Current Time ໄດ້ອອກລາຍງານເມື່ອວັນທີ 20 ເດືອນຕຸລາ. ບໍ່ນານຫລັງຈາກນັ້ນ ໂຄສົກກະຊວງຕ່າງປະເທດຣັດເຊຍ ທ່ານນາງ Maria Zakharova ໄດ້ລະບຸວ່າ ທ້າວ Nikulin ແມ່ນຢູ່ ໃນຈຳນວນນັກຂ່າວຂອງມົສກູ.
ທ່ານນາງກ່າວເພີ້ມອີກວ່າ “ກະຊວງຕ່າງປະເທດຣັດເຊຍ ແລະສະຖານທູດຣັດເຊຍ ຢູ່ໃນນະຄອນ Prague ກຳລັງປະຕິບັດງານຢ່າງຮີບດ່ວນ ກັບບັນດາເຈົ້າໜ້າທີ່ Czech ເພື່ອຂັດຂວາງບໍ່ໃຫ້ສົ່ງໂຕຄົນຣັດເຊຍມາຍັງສະຫະລັດ.
ທ່ານນາງ Zakharova ກ່າວວ່າ ການກັກຂັງທ້າວ Nikulin ສະແດງໃຫ້ເຫັນວ່າວໍຊິງຕັນ ກຳລັງຕາມລ່າຫາໂຕຊາວຣັດເຊຍ ຢູ່ທົ່ວໂລກເພີ້ມຂຶ້ນ ອີງຕາມລາຍງານ ຂອງອົງການຂ່າວຣອຍເຕີ້.
