ລິ້ງ ສຳຫລັບເຂົ້າຫາ

logo-print

ເຈົ້າໜ້າທີ່ ສປຊ ຂໍໃຫ້ສືບສວນວ່າ ຍັງມີການກໍ່ອາດຊະຍາກໍາ ສົງຄາມ ຫລືບໍ່ ຢູ່ໃນມຽນມາ


ທູດພິເສດຂອງອົງການສະຫະປະຊາຊາດ ດ້ານສິດທິມະນຸດປະຈໍາມຽນມາ, ທ.ນ. Yanghee Lee ລາຍງານຕໍ່ກອງປະຊຸມສະພາດ້ານສິດທິມະນຸດຂອງອົງການສະຫະປະຊາຊາດຢູ່ນະຄອນເຈນີວາ, ສະວິດເຊີແລນ (ພາບຖ່າຍວັນທີ 11 ມີນາ 2019)

ເຈົ້າໜ້າທີ່ອົງການສະຫະປະຊາຊາດທີ່ກໍາລັງຈະອອກຈາກໜ້າທີ່ໄປແລ້ວໄດ້ຮ້ອງຂໍໃຫ້ທໍາການສືບສວນ ຕໍ່ການກ່າວອ້າງທີ່ເວົ້າວ່າຍັງມີການກໍ່ອາດຊະຍາກໍາຕ້ານ ມະນຸດຊາດ ຢູ່ໃນມຽນມາ ໃນຂະນະທີ່ຮຽກຮ້ອງໃຫ້ປະຊາຄົມໂລກ ຊ່ວຍຫລີກ ລ້ຽງບໍ່ໃຫ້ມີການກະທໍາອັນໂຫດຮ້າຍປ່າເຖື່ອນນັ້ນ.

ທ່ານນາງ ແຢງຮີ ລີ (Yanghee Lee), ຫົວໜ້າທູດພິເສດຂອງອົງການສະ ຫະປະຊາຊາດດ້ານສິດທິມະນຸດປະຈໍາປະເທດທີ່ຢູ່ໃນເຂດເອເຊຍຕາເວັນອອກ ສຽງໃຕ້ ໄດ້ກ່າວຫາກອງທັບມຽນມາ ໃນວັນພຸດຜ່ານມານີ້ວ່າ “ກໍໃຫ້ເກີດຄວາມ ທຸກທໍລະມານເພີ້ມຂຶ້ນຢ່າງຫລວງຫລາຍ” ຕໍ່ພວກຊົນກຸ່ມສ່ວນນ້ອຍ ຢູ່ໃນລັດ ຣາໄຄນ໌ ແລະ ລັດຈິນ.

ລັດຖະບານມຽນມາກໍາລັງສູ້ລົບກັບກອງທັບອາຣາຄານ, ຊຶ່ງເປັນກຸ່ມກອງໂຈນຕາງໜ້າໃຫ້ຊົນກຸ່ມນ້ອຍ ໃນລັດຣາໄຄນ໌ທີ່ ນັບຖືສາສະໜາພຸດ ທີ່ພະຍາຍາມ ຢາກໄດ້ສິດອໍານາດເພີ້ມຂຶ້ນ.

ທ່ານນາງ ລີ ກ່າວຢູ່ໃນຖະແຫລງການສະບັບນຶ່ງວ່າ “ໃນຂະນະທີ່ໂລກຖືກຄວບ ຄຸມໄປດ້ວຍການລະບາດຂອງພະຍາດໂຄວິດ-19 ກອງທັບມຽນມາ ແມ່ນສືບຕໍ່ ເພີ້ມການໂຈມຕີຂຶ້ນ ຢູ່ໃນລັດຣາໄຄນ໌ ໂດຍແນໃສ່ພວກທີ່ເປັນພົນລະເຮືອນ.”

ທ່ານນາງລີໄດ້ກ່າວຫາກອງທັບມຽນມາວ່າ ບໍ່ປະຕິບັດຕາມ “ຫລັກເກນພື້ນຖານ ຂອງກົດໝາຍດ້ານມະນຸດສະທໍາສາກົນ ແລະດ້ານສິດທິມະນຸດ.” ທ່ານນາງເວົ້າ ວ່າ ການປະຕິບັດຂອງທະຫານຕໍ່ພົນລະເຮືອນ “ອາດຈະເພີ້ມຂຶ້ນກາຍເປັນການ ການກໍ່ອາດຊະຍາກໍາສົງຄາມ ແລະອາດຊະຍາກໍາຕ້ານມະນຸດຊາດ.” ທ່ານນາງ ລີ ກໍາລັງຈະລົງຈາກຕໍາແໜ່ງໃນເດືອນນີ້ ພາຍຫລັງທີ່ໄດ້ດໍາລົງຕໍາແໜ່ງມາໄດ້ 6 ປີແລ້ວ.

ກອງທັບມຽນມາໄດ້ເລີ້ມ “ການປຸກລະດົມການກວດລ້າງ” ໃນເດືອນສິງຫາ ປີ 2017 ໃນລັດຣາໄຄນ໌ ທາງພາກເໜືອຂອງປະເທດ ພາຍຫລັງທີ່ໄດ້ຖືກໂຈມຕີ ໂດຍກໍາລັງຂອງກຸ່ມກະບົດໂຣຮິງຢາ ຊຶ່ງໄດ້ບັງຄັບໃຫ້ຊາວໂຣຮິງຢາ ຊຶ່ງເປັນ ຊາວມຸສລິມທີ່ບໍ່ມີປະເທດ ຫລາຍ ກວ່າ 7 ແສນຄົນນັ້ນ ຕ້ອງຫລົບໜີໄປຍັງ ບັງກລາແດສ ທີ່ເປັນປະເທດເພື່ອນບ້ານ. ກໍາລັງຮັກສາຄວາມສະຫງົບຂອງ ມຽນມາຖືກກ່າວຫາວ່າ ທໍາການສັງຫານໝູ່ ແລະຂົ່ມຂືນຊໍາເລົາ ແລະຈູດເຜົາ ບ້ານເຮືອນຫລາຍພັນຫລັງຖິ້ມ.

ສານສູງສຸດຂອງອົງການສະຫະປະຊາຊາດ ໄດ້ສັ່ງໃຫ້ລັດຖະບານມຽນມາປ້ອງ ກັນບໍ່ໃຫ້ມີການກະທໍາທີ່ເປັນການຂ້າລ້າງເຜົ່າພັນຕໍ່ຊາວໂຣຮິງຢາ ແລະທໍາການ ລາຍງານໃຫ້ອົງການລະດັບໂລກດັ່ງກ່າວ ເຖິງຄວາມຄືບໜ້າດ້ານນີ້. ສານຍຸຕິ ທໍາສາກົນເວົ້າໃນປີກາຍນີ້ວ່າ ຕົນຈະຕັດສິນກ່ຽວກັບການກ່າວຫາວ່າຕໍ່ ປະເທດ ມຽນມາ ວ່າທໍາການຂ້າລ້າງເຜົ່າພັນ ຊຶ່ງປະເທດດັ່ງກ່າວໄດ້ຢືນຢັນວ່າ ຕົນໄດ້ ເຮັດຢ່າງຖືກຕ້ອງ.

ທ່ານນາງລີເວົ້າວ່າ ການລະດົມຍິງ ແລະການໂຈມຕີທາງອາກາດຂອງລັດຖະ ບານ ໃນຫລາຍອາທິດມໍ່ໆ ມານີ້ ໄດ້ສັງຫານ ແລະເຮັດໃຫ້ຜູ້ໃຫຍ່ ແລະເດັກ ນ້ອຍໄດ້ຮັບບາດເຈັບແລະເຮັດໃຫ້ຫຼາຍກວ່າ 157,000 ຄົນ ອົບພະຍົບຫລົບ ໜີໄປ.

ອ່ານຂ່າວນີ້ເພີ້ມເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG