ຫຼາຍບໍລິສັດໄດ້ແຂ່ງຂັນກັນ ໃນການເຮັດລົດທີ່ຂັບເຄື່ອນດ້ວຍຕົນເອງ, ແຕ່ມັນຍັງມີ
ການແຂ່ງຂັນອີກຢ່າງນຶ່ງ ກ່ຽວກັບ ການສ້າງຫຸ່ນຍົນ ທີ່ສາມາດເດີນທາງຕາມຊຸມຊົນ
ຕ່າງໆ, ເພື່ອສົ່ງອາຫານ ແລະ ສິ່ງຂອງຊື້ຈ່າຍອື່ນໆ. ນັກຂ່າວວີໂອເອ ມິແຊລ ຄວິນ
(Michelle Quinn) ມີລາຍງານ ກ່ຽວກັບ ບໍລິສັດຫຸ່ນຍົນແຫ່ງນຶ່ງ ໃນເມືອງ ເບີກລີ
(Berkley) ລັດ ຄາລິຟໍເນຍ ເຊິ່ງ ພຸດທະສອນ ຈະນຳລາຍລະອຽດມາສະເໜີທ່ານໃນ
ອັນດັບຕໍ່ໄປ.
ນີ້ບໍ່ແມ່ນຫຸ່ນຍົນທີ່ເຂົ້າມາຮຸກຮານໂຈມຕີ. ມັນເປັນພຽງຫຸ່ນຍົນ ກີວີ ທີ່ເດີນທາງໄປທົ່ວ
ເມືອງ ເບີກລີ, ເຊິ່ງມັນກຳລັງລໍຖ້າສົ່ງສິນຄ້າຕໍ່ໄປ.
ທ້າວ ຊາຊາ ອຽດຊີເນຍ, ຫົວໜ້າຜະລິດຕະພັນ, ບໍລິສັດ ກີວີ ກ່າວວ່າ “ພວກເຮົາມີຫຸ່ນ
ຍົນຂະໜາດນ້ອຍ ທີ່ມັນແລ່ນໄປຕາມທາງຍ່າງ ແລະ ສົ່ງອາຫານໄປຊຸມຊົນຂອງທ່ານ.
ແທນທີ່ມັນຈະສົ່ງແຕ່ສອງ ຫຼື ສາມຢ່າງຕໍ່ຊົ່ວໂມງ, ດັ່ງທີ່ທຸລະກິດດັ່ງກ່າວໄດ້ເຮັດມື້ນີ້,
ພວກເຮົາສາມາດສົ່ງໄດ້ 6 ຫາ 8 ເທື່ອ.
ໃນການໃຊ້ແອັບພລີເຄຊັນໃນໂທລະສັບ, ພວກລູກຄ້າຈະສັ່ງອາຫານຈາກຮ້ານອາຫານ
ໄດ້ໃນທ້ອງຖິ່ນ, ພະນັກງານເສີບ ທີ່ເປັນມະນຸດກໍຈະໄປຮັບເອົາ ແລະ ນຳໄປໃຫ້ຫຸ່ນຍົນ
ທີ່ຢູ່ໃກ້ຄຽງ, ເຊິ່ງມັນຈະສົ່ງອາຫານໄປຕາມທາງຕໍ່ໄປໃຫ້ລູກຄ້າທີ່ກຳລັງລໍຖ້າຢູ່.
ພວກມັນແມ່ນສິ່ງທີ່ແປກໃໝ່ຢູ່ຕາມຖະໜົນ, ແຕ່ຫຸ່ນຍົນ ກີວີ ພວກນີ້ ແມ່ນ ຖືກຕິດຕັ້ງ
ດ້ວຍກ້ອງ 6 ໜ່ວຍ ແລະ ເຊັນເຊີ ທີ່ວັດແທກໄລຍະທາງ, ຫຼີກເວັ້ນຈາກສິ່ງກີດຂວາງ
ຕ່າງໆ ແລະ ຍັງສາມາດສົ່ງສິນຄ້າໃຫ້ທັນເວລານຳດ້ວຍ.
ທ້າວ ບາລາ ແຢລລາປາຣາກາດາ ນັກວິທະຍາສາດຂໍ້ມູນຂອງບໍລິສັດ ກີວີ ກ່າວວ່າ
“ພາບເຄື່ອນໄຫວຢູ່ທາງນີ້ແມ່ນສະແດງໃຫ້ເຫັນສິ່ງທີ່ການຂັບເຄື່ອນອັດຕະໂນມັດກຳ
ລັງເບິ່ງຫຍັງຢູ່, ສະນັ້ນມັນຈຶ່ງສາມາດຈັບສິ່ງຕ່າງໆໄດ້ຄື ລົດທີ່ແລ່ນຜ່ານ ຫຼື ຕີນຂອງຄົນ
ຫຼື ລົດສະກູດເຕີ.”
ຫຸ່ນຍົນທັງຫຼາຍຈະກັບຄືນໄປຫ້ອງການໃຫຍ່ຂອງບໍລິສັດ ກີວີ ທຸກຄືນ ບ່ອນທີ່ມັນຈະຖືກ
ປັບໃຫ້ເຮັດວຽກໄດ້ດີທີ່ສຸດອີກ.
ທ້າວ ບາລາ ເວົ້າວ່າ “ການຂັບເຄື່ອນອັດຕະໂນມັດ ແທ້ຈິງແລ້ວ ຈະເບິ່ງເງົາຢູ່ທາງນີ້
ແລະ ຈະຄິດວ່າ ເງົານັ້ນແມ່ນຝາ ຫຼື ກຳແພງໃໝ່ ແລະ ມັນຈະພະຍາຍາມຫຼີກເວັ້ນສິ່ງດັ່ງ
ກ່າວ, ພວກເຮົາບໍ່ຢາກໃຫ້ແນວນັ້ນເກີດຂຶ້ນ.”
ແລະ ຖ້າລະບົບກ້ອງເພ, ເຄື່ອງເຊັນເຊີອີກອັນນຶ່ງກໍຈະຢຸດຫຸ່ນຍົນທັນທີ.
ກຸ່ມປະຕິບັດການດ້ານຄວາມປອດໄພ ແມ່ນກຸ່ມນຶ່ງຢູ່ ໂຄລັອມເບຍ ເຊິ່ງຕິດຕາມການ
ເຄື່ອນໄຫວຂອງຫຸ່ນຍົນທຸກໆບາດກ້າວ.
ທ້າວ ຊາຊາ ເວົ້າວ່າ “ໂດຍພື້ນຖານແລ້ວ ມັນແມ່ນຄົນຈຳນວນນຶ່ງຜູ້ທີ່ນັ່ງຈັບມືເກມ ຫຼື
joystick ຄືກັບວ່າພວກເຂົາເຈົ້າກຳລັງຫຼິ້ນເກມວິດີໂອຢູ່ ພຽງແຕ່ວ່າມັນແມ່ນຊີວິດຈິງ
ເທົ່ານັ້ນ, ທ່ານກໍຮູ້ເນາະ, ແທ້ຈິງແລ້ວມັນກໍຄືການຮັບປະກັນວ່າ ຫຸ່ນຍົນດັ່ງກ່າວຈະບໍ່
ຕົກອອກຈາກຂອບທາງ ຫຼື ໄປຕຳເອົາຄົນ.”
ເບິ່ງຄືວ່າ ມັນອາດເປັນການໃຊ້ຄວາມພະຍາຍາມຫຼາຍໂພດ ໃນການສົ່ງ ເບີຣີໂຕ ບໍ່ໃຫ້
ກາຍ 35 ນາທີເທົ່ານັ້ນ. ແຕ່ການສົ່ງໃນແຕ່ລະຄັ້ງ ຈະເຮັດໃຫ້ພວກເຮົາຫຍັບເຂົ້າໃກ້ອະ
ນາຄົດ ທີ່ວ່າຫຸ່ນຍົນຈະມີຄວາມສຳຄັນຫຼາຍກວ່າ ເປັນຂອງແປກທີ່ໜ້າຮັກເທົ່ານັ້ນ.
Companies race to make self driving automobiles, but there's another race going on to create robots that can roam through neighborhoods, to deliver food and other purchases. Michelle Quinn reports on one robotic fleet in Berkeley, California.
This is not a robot invasion. Just Kiwi robots roaming Berkeley waiting for their next delivery.
"We have little robots that roam the sidewalk and deliver food to your neighborhood. Instead of doing two or three deliveries an hour, as the industry does today, we're able to do six to eight."
Using a phone app, customers order food from a local restaurant, which a human courier picks up and brings to a nearby robot, which rolls the meal the rest of the way to a waiting customer.
They're still a novelty on the street, but these Kiwi robots come equipped with six cameras and sensors to measure distance, avoid obstacles and still deliver their orders on time.
"This visualizer over here is showing what the auto pilot is actually looking at, so it can detect things like cars moving past or the feet of the people or the scooter."
The robots go back to Kiwi headquarters each night where they are tweaked for optimum performance.
"The autopilot is actually looking at the shadows over hereand thinking the shadows are a new wall or border and it's trying to avoid that, we don't want that to happen."
And if the camera system fails, another sensor stops the robot in time.
The other fail safe - is a team in Colombia which monitors the robots' every step.
"It's basically a bunch of people who are sitting around with joysticks like pretty much playing video games except in real life, you know, they actually like making sure the robot doesn't fall off the side of the street or like bump into someone."
It may seem like a lot of effort just to deliver a burrito in under 35 minutes. But each delivery brings us closer to a future where robots are more than just a cute novelty.
