ລິ້ງ ສຳຫລັບເຂົ້າຫາ

logo-print

ບັນຫາສິດທິມະນຸດ ໃນຈີນ ຈະເປັນຫົວຂໍ້ ປຶກສາຫາລື ໃນການຢ້ຽມຢາມ ສຫລ ຂອງທ່ານ ສີ


ລິງໂດຍກົງ

ຊົມວິດີໂອ ກ່ຽວກັບ ລາຍງານນີ້

ປະຫວັດ​ດ້ານສິ​ດທິມະ​ນຸດຂອງ ຈີນ ຈະ​ເປັນ​ບັນຫາ​ໜຶ່ງ​ທີ່​ສຳຄັນ​ ສຳລັບ​ການ​ເຈລະຈາ ​ໃນກອງ​ປະຊຸມ​ລະຫວ່າງ​ສະຫະລັດແລະປະທານ​ ປະ​ເທດ​ຂອງ ຈີນ ​ໃນອາທິດ​ນີ້ ທີ່​ນະຄອນຫຼວງ ວໍ​ຊິງ​ຕັນ. ​ກ່ອນການ​ເດີນທາງ​ຢ້ຽມ​ຢາມ​ນະຄອນ ຫຼວງ ວໍ​ຊິງ​ຕັນ ຂອງປະທານ​ປະ​ເທດ ທ່ານ ສີ ຈິ່ນຜິນ, ທີ່ປຶກສາ​ດ້ານ​ຄວາມ​ໝັ້ນຄົງ​ແຫ່ງ​ຊາດ ຂອງ ສະຫະລັດ ທ່ານນາງ ຊູຊານ ໄຣສ ​ໄດ້​ຮຽກຮ້ອງ​ໃຫ້​ມີ​ການ​ປ່ອຍ​ໂຕ ​ຜູ້​ຄັດຄ້ານ​ທາງ​ດ້ານ​ ການ​ເມືອງ​ທີ່​ໄດ້​ຖືກ​ຈັບ​ເຂົ້າ​ຄຸກ​ໃນ ຈີນ, ​ໃນ​ຂະນະ​ທີ່​ບັນດາ​ນັກ​ເຄື່ອນ​ໄຫວ​ຄົນ​ອື່ນໆ​ ໄດ້ ​ຮຽກຮ້ອງ​ໃຫ້​ເອົາ​ມາດ​ຕະການ​ທີ່​ເຂັ້ມງວດ​ກວ່າ​ເກົ່າ​ຂອງ ສະຫະລັດ ຕໍ່​ປັກ​ກິ່ງ. ຜູ້​ສື່​ຂ່າວ Zlatica Hoke ມີ​ລາຍ​ງານເຊິ່ງ ພຸດທະ​ສອນ ຈະ​ນຳເອົາລາຍ​ລະອຽດ​ມາສະ​ເໜີ​ທ່ານ.

ທ່າ​ນນາງ ຊູຊານ ໂຣສ ​ໄດ້​ທຳ​ການ​ຢ້ຽມຢາມ ຈີນ ຢ່າງ​ເປັນ​ທາງ​ການ 3 ຄັ້ງ​ມາ​ແລ້ວ. ທ່ານນາງ ​ໄດ້​ກ່າວ​ຕໍ່​ບັນດາ​ຜູ້​ຟັງໃນ​ນະຄອນຫຼວງ ວໍ​ຊິງ​ຕັນ​ ​ໃນ​ວັນ​ຈັນ​ທີ່​ຜ່ານ​ມານີ້​ວ່າ ທ່ານ​ໄດ້​ຍົກເອົາ​ບັນຫາ​ສິດທິ​ມະນຸດ​ ຂຶ້ນມາໂອ້ລົມກັນ ໃນ​ທຸກໆຄັ້ງທີ່ທ່ານນາງໄປ​ຢ້ຽມຢາມ​ປະ​ເທດດັ່ງກ່າວ​ນັ້ນ.

ທ່ານນາງ Susan Rice ກ່າວ​ວ່າ “ການ​ກັກ​ຂັງ​ບັນດາ​ນັກ​ກົດໝາຍ ​ແລະ ນັກ​ຂ່າວ ​ແລະ ນັກ​ເຄື່ອນ​ໄຫວ​ຕໍ່​ຕ້ານ​ການ​ສໍ້​ລາດ​ບັງຫຼວງ ​ແມ່ນພຽງ​ແຕ່​ຈະ​ຫຼຸດ​ຄວາມ​ສາມາດ​ຂອງ ຈີນ ​ໃນ​ຄວາມ​ພະຍາຍາມ​ທີ່​ຈະ​ຈັດການ​ກັບ​ສິ່ງ​ທີ່​ທ້າ​ທາຍ​ຂອງ​ພວກ​ເຂົາ​ເຈົ້າ, ​ແລະຂັດ​ຂວາງ​ຄວາມ​ສາມາດໃນ​ການ​ທີ່​ຈະ​ບັນລຸ​ການ​ມີ​ສັງຄົມ​ທີ່​ຈະ​ເລີ​ນຮຸ່ງ​ເຮືອ​ງ​ ​ແລະ ໝັ້ນຄົງຂອງ​ພວກ​ເຂົາ​ເຈົ້າ. ການ​ກີດ​ກັ້ນ​ການ​ເຂົ້າ​ເຖິງ ອິນ​ເຕີ​ເນັດ ​ໃນ​ເວລາ​ທີ່​ທົ່ວ​ໂລກ​ກຳລັງ​ກ້າວ​ໄ​ປ​ສູ່ການເປີດ​ກວ້າງ​ອັນ​ໃຫຍ່​ຫຼວງ ​ແລະ ການ​ເຊື່​ອມຕໍ່ ​ແມ່​ນພຽງແຕ່ຈະ​ເປັນ​ການ​ຕັດ​ໂອກາ​ດສຳລັບ​ຄົນ ຈີນ ທີ່​ຈະ​ມີ​ຄວາມ​ກ້າວໜ້າ​ອອກ​ໄປ.”

ບັນດາກຸ່ມປົກປ້ອງ​ສິດ​ທິມະນຸ​ຂອງ ສະຫະລັດ ​ແລະ ບັນ​ດາ​ນັກ​ການ​ເມືອງ​ກ່າວ​ວ່າ ການ​ລະ​ເມີ​ດສິດທິ​ມະ​ນຸດ​ທີ່​ສະໜັບສະໜູ​ນໂດຍ​ລັດຖະບານ​ຂອງ ຈີນ ​ແມ່ນ​ໄດ້​ຊຸດ​ໂຊມ​ລົງ​ກວ່າ​ເກົ່າ ພາຍ​ໃຕ້​ການ​ປົກ​ຄອງ​ຂອງ​ປະທານ​ປະ​ເທດ ສີ.

ທ່ານ ຄຣິສໂຕເຟ ສມິທ໌ ຈາກ​ພັກ ຣີພັບ​ບລີ​ກັນ ກ່າວ​ວ່າ “ຈີ​ນ ​ແມ່ນ​ກຳ​ລັງ​ຢູ່​ໃນ​ການ​ແຂ່ງຂັນ​ຫາ​ຈຸດ​ທີ່​ຕ້ອຍຕ່ຳ​ທີ່​ສຸດ​ກັບ ​ເກົາຫຼີ​ເໜືອ ສຳລັບ​ຫົວ​ຂໍ້​ຂອງ ​ຜູ້​ລະ​ເມີດ​ສິດທິ​ມະນຸດ​ທີ່​ຮ້າຍ​ແຮງ​ທີ່​ສຸດ​ໃນ​ໂລກ.”

ບັນ​ດາ​ຜູ້ໃຫ້ການ​ສະໜັບ​ສະ​ໜູນ​ ໄດ້​ຖືກ​ເຊື້ອ​ເຊີນ​ໃຫ້​ໄປ​ຢືນຢັນ​ໃນ​ການ​ຮັບ​ຟັງຄຳໃຫ້ການ​ຂອງ​ລັດຖະສະພາ ສະຫະລັດ ກ່ຽວ​ກັບ​ການ​ຕຳ​ໜິ ປະ​ເທດ​ຕາ​ເວັນ​ຕົກ ສຳລັບ​ການ​ປະ​ເຊີນ​ໜ້າ​ກັບ ຈີນ.

ທ່ານນາງ ຢາງ ຈ້ຽນຫຼີ ຜູ້​ສະໜັບສະໜູນ​ຕໍ່ຕ້ານ ຈີນ ຈາກ​ອົງ​ການ Initiatives for China ​ໄດ້ກ່າວ​ວ່າ “ຂ້າພະ​ເຈົ້າ​ຄິດ​ວ່າ​ ສ່ວນ​ໃຫຍ່ ສະພາບການນັບຖືສິດທິ​ມະນຸ​ດຂອງ​ ຈີ​ນ ​ແມ່ນ​ຮ້າຍ​ແຮງ​ຫຼາຍ, ຂ້າພະ​ເຈົ້າ​ຄິດວ່າ​ສ່ວນ​ໃຫຍ່​ເປັນ​ຍ້ອນ​ ນະໂຍບາຍ​ການ​ສ້າງ​ຄວາມ​ສະຫງົບ​ຈາກ​ບັນດາ​ປະ​ເທດ​ຕາ​ເວັນ​ຕົກ​ເຊັ່ນ ສະຫະ​ລັດ.”

ຫຼາຍ​ຄົນ​ໄດ້​ຮຽກ​ຮ້ອງ​ໃຫ້ກົດໝາຍ ສະຫະລັດ ເຊື່ອ​ມໂຍງ​ກັບ​ປະຫວັດ​ດ້ານສິດທິ​ມະນຸດ​ຂອງ ຈີນ ພ້ອມ​ກັບ​ຄວາມ​ສາມາດ​ຂອງ​ພວກ​ເຂົາ​ໃນ​ການ​ເຮັດ​ທຸລະ​ກິດ​ກັບ ສະຫະລັດ. ບັນດາ​ນັກ​ເຄື່ອນ​ໄຫວ​ຍັງ​ໄດ້​ຍົກ​ຄຳ​ຖາມ​ກ່ຽວ​ກັບ​ການ​ມີ​ສິດທິ​ຕາມ​ກົດໝາຍ​ຂອງ​ລັດຖະບານ​ ຈີນ ​ໃນ​ປະຈຸ​ບັນ, ​ເຊິ່ງພວກ​ເຂົາ​ເຈົ້າ​ກ່າວ​ວ່າ ​ໃນ​ບໍ່​ໄດ້​ເປັນ​ຕົວ​ແທນ​ໃຫ້​ກັບ​ຄວາມ​ປາຖະໜາ​ຂອງ​ປະຊາ​ຊົນ​ສ່ວນ​ໃຫຍ່​ອີກ​ຕໍ່​ໄປ​ແລ້ວ.

ທ່ານ ສາວ ຈ້ຽງ ຈາກ China Digital Times ກ່າວ​ວ່າ “ຜູ້​ປົກຄອງ​ປະ​ເທດ,​ ​ໂດຍ​ສະ​ເພາະ​ຜູ້ນຳ​ຜະ​ເດັດ​ການ, ຈະ​ໃຊ້​ຄຳ​ວ່າ​ລັດທິ​ຊາດ​ນິຍົມ​ເພື່ອ​ສະ​ແດງ​ຈຸ​ດສຸດ​ຂີດ​ເພື່ອ​ປົກ​ປ້ອງ​ຕົນ, ​ແລະ​ແມ່ນ​ກະທັ້ງສ້າງ​ວິ​ກິດ​ການ ​ແລະ ບັນຫາ​ຈາກ​ພາຍ​ນອກ, ​ແລະຄວາມ​ຂັດ​ແຍ້​ງ​ເພື່ອ​ທີ່​ຈະ​ລວບ​ລວມການ​ສະໜັບ​ໜູນ​ຈາກ​ພາຍ​ໃນ ​ແລະ ການ ປາບ​ປາມ.”

​ໃນ​ການ​ກ່າວ​ກ່ອນ​ການ​ຢ້ຽມຢາມ ສະຫະລັດ ຂອງ​ປະທານ​ປະ​ເທດ ສີ, ລັດຖະມົນຕີ​ການ​ຕ່າງປະ​ເທດຂອງ​ ຈີນ ​ໄດ້​ກ່າວ​ວ່າ:

“ຈີນ ຈະ​ສົ່ງ​ຂໍ້​ຄວາມ​ທີ່​ກະຈ່າງ​ແຈ້ງ​ໃຫ້​ກັບ​ລັດຖະບານ ​ແລະ ປະຊາຊົນຂອງ ສະຫະລັດ ​ແລະ ທົ່ວ​ໂລກ​ໃຫ້​ຮູ້​ວ່າ ​ໃນ​ຖາ​ນະ​ທີ່​ເປັນ​ປະ​ເທດ​ທີ່​ໃຫຍ່​ໃນ​ພາກ​ຕາ​ເວັນ​ອອກ ພ້ອມ​ດ້ວຍ​ປະຫວັດສາດອັນ​ຍາວ​ຫຼາຍ​ກວ່າ 5,000 ​ປີ, ຈີນ ຈະ​ຍຶດໝັ້ນ​ກັບ​ແນວທາງ​ຂອງ​ຕົນ​ເອງໃນ​ການ​ສ້າງສາ​ປະ​ເທດ​ສັງຄົມ​ນິຍົມ ​ດ້ວຍຈຸ​ດພິ​ເສດ​ຂອງ​ຕົນ​ເອງ.”

ຈີນ ໄດ້​ປະຕິ​ເສດຕໍ່​ຄຳ​ວິຈານ​ກ່ຽວ​ກັບ​ປະຫວັດ​ດ້ານ​ສິດທິ​ມະນຸດ​ຂອງ​ພວກ​ເ​ຂົາ​ເຈົ້າຢ່າງ​ເປັນປົກກະຕິ​, ​ໂດຍ​ເອີ້ນ​ວ່າມັນ​ເປັນ​ການ​ແຊກ​ແຊງ ໃນ​ກິດຈະການພາຍ​ໃນ​ຂອງ​ພວກ​ເຂົາ​ເຈົ້າ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG