ອິນເດຍ ໄດ້ເປີດເຜີຍ ດັດຊະນີຄຸນນະພາບອາກາດແຫ່ງຊາດ ຫຼື
National Air Quality Index ໃນວັນຈັນມື້ນີ້ ເພື່ອຕິດຕາມເບິ່ງ
ລະດັບຂອງມົນລະພິດ ໃນ 10 ຕົວເມືອງຂອງຕົນ.
ນາຍົກລັດຖະມົນຕີ Narendra Modi ໄດ້ປະກາດມາດຕະການ
ໃໝ່ ຢູ່ທີ່ກອງປະຊຸມ ບັນດາລັດຖະມົນຕີ ສິ່ງແວດລ້ອມຂອງລັດ
ໃນນະຄອນຫລວງ New Delhi.
ທ່ານ Modi ກ່າວວ່າ ອິນເດຍ ທີ່ມີປະເພນີສືບຕໍ່ກັນມາຢ່າງ
ເຂັ້ມແຂງ ຕໍ່ການປົກປ້ອງສະພາບແວດລ້ອມ ແມ່ນມີລະດັບ
ມົນລະພິດ ທີ່ຮວມຢູ່ໃນລະດັບຕ່ຳທີ່ສຸດຂອງໂລກ.
ການກ່າວອ້າງດັ່ງກ່າວ ໄດ້ຖືກໂຕ້ແຍ້ງໂດຍ ບົດລາຍງານເມື່ອປີກາຍນີ້ ຂອງອົງການ
ອະນາໄມໂລກ ຫຼື WHO ທີ່ກ່າວວ່າ ນະຄອນຫລວງ New Delhi ແມ່ນມີ ອາກາດທີ່
ເປື້ອນເປິທີ່ສຸດຂອງໂລກ.
ດັດຊະນີໃໝ່ດັ່ງກ່າວ ຈະແຈ້ງໃຫ້ພົນລະເມືອງອິນເດຍຮູ້ວ່າ ຄຸນນະພາບຂອງອາກາດ
ສຳຫລັບແຕ່ລະມື້ນັ້ນ ແມ່ນດີຕໍ່ສຸຂະພາບ ບໍ່ດີ ແລະ ມີພິດ ຫຼື ເປັນອັນຕະລາຍ ຫຼືບໍ່.
India unveiled a National Air Quality Index Monday to keep track of pollution levels in 10 of its cities.
Prime Minister Narendra Modi announced the new measure at a conference of state environment ministers in New Delhi.
Mr. Modi said India, with its strong tradition of protecting the environment, has one of the world's lowest pollution levels.
That claim was disputed by a World Health Organization report last year that said New Delhi has the world's dirtiest air.
The new index will inform Indian citizens whether the air quality for the day is healthy, poor, harmful or hazardous.
