ໃນນະຄອນຫຼວງໄນໂຣບີ, ຮ້ານອາຫານໃໝ່ທີ່ກໍາລັງສ້າງທຸລະກິດ ແລະກໍາລັງມີ ຊື່ສຽງນັ້ນບໍ່ພຽງແຕ່ເປັນຍ້ອນອາຫານ, ແຕ່ເປັນຍ້ອນພະນັກງານຂອງຮ້ານ. ຫຸ່ນຍົນຮັບໃຊ້ເສີບອາຫານ ແມ່ນຈຸດດຶງດູດສໍາຄັນຂອງຜູ້ເຂົ້າມາຮັບປະທານ ອາຫານທີ່ເຕົ້າໂຮມກັນຢູ່ທີ່ຮ້ານ ໂຣບັອດ ຄາເຟ (Robot Café). ຈູມາ ມາຈັງກາ (Juma Majanga) ມີລາຍງານຈາກນະຄອນຫຼວງໄນໂຣບີ, ປະເທດເຄັນຢາ. ທິບສຸດາ ມີລາຍລະອຽດມາສະເໜີທ່ານ ໃນອັນດັບຕໍ່ໄປ.
ມັນແມ່ນເວລາອາຫານທ່ຽງຢູ່ທີ່ຮ້ານ Robot Café ໃນຂົງເຂດ ຄະເລເລຊວາ (Kileleshwa) ຂອງນະຄອນຫຼວງ ໄນໂຣບີ ພ້ອມທັງຜູ້ເສີບອາຫານທີ່ບໍ່ ທໍາມະດາ ສົ່ງຜົນເຮັດໃຫ້ເກີດຄວາມຕື່ນເຕັ້ນຫຼາຍຂຶ້ນ.
“ນາເດຍ” ແມ່ນນຶ່ງໃນສາມພະນັກງານຫຸ່ນຍົນບໍລິການ ທີ່ລວມກັນຢູ່ນີ້ ເພື່ອປັບປຸງການໃຫ້ບໍລິການ. ນີ້ແມ່ນຄັ້ງທໍາອິດໃນອາຟຣິກາຕາເວັນອອກ.
ທ່ານ ຈອນ ແຄຣີວກີ (John Kariuki), ຜູ້ບໍລິຫານຂອງ Robot Café ກ່າວວ່າ:
“ເຈົ້າມອບໜ້າທີ່ໃຫ້ຫຸ່ນເຫຼົ່ານັ້ນໃນຕອນເຊົ້າຄືກັບຜູ້ໃຫ້ບໍລິການທົ່ວໄປ, ເຈົ້າບອກພວກຫຸ່ນເຫຼົ່ານັ້ນວ່າ ໂຕະໃດທີ່ຫຸ່ນຍົນເຫຼົ່ານັ້ນຄວນຈະໄປ ແລະ ຄາດວ່າມີສິ່ງໃດແດ່ທີ່ຈະເຮັດຢູ່ທີ່ນັ້ນ. ຕົວຢ່າງ, ເນື່ອງຈາກພວກມັນເຮັດ ໜ້າທີ່ຫຼາຍກວ່າການໃຫ້ບໍລິການ, ພວກມັນຮ້ອງເພງສຸກສັນວັນເກີດ. ຕົວຢ່າງເຊັ່ນ, ເຈົ້າເວົ້າວ່າ ເຈົ້າຈອງໂຕະ ແລະເຈົ້າມີວັນເກີດ, ພວກມັນຈະ ສົ່ງເຄັກຂອງເຈົ້າດ້ວຍຂໍ້ຄວາມພ້ອມກັບທຸກໆຢ່າງ, ພ້ອມກັນນັ້ນ ກໍຍັງຮ້ອງ ເພງວັນເກີດໃຫ້ກັບພວກທ່ານ, ພ້ອມດ້ວຍເບື້ອງຫຼັງຂອງຜູ້ໃຫ້ບໍລິການ.”
ການນໍາໃຊ້ເທັກໂນໂລຈີຫຸ່ນຍົນໃນອຸດສາຫະກໍາການບໍລິການອາຫານ ບໍ່ແມ່ນເລື່ອງໃໝ່. ຮ້ານອາຫານທີ່ມີຫຸ່ນຍົນເປັນພະນັກງານເສີບ ໄດ້ທໍາການ ເປີດບໍລິການຢູ່ໃນ ສະຫະລັດ, ຈີນ ແລະສະຖານທີ່ອື່ນໆມາແລ້ວ.
ແຕ່ແນວຄວາມຄິດ ແມ່ນຍັງໃໝ່ສໍາລັບອາຟຣິກາ. ນັບຕັ້ງແຕ່ເປີດຢູ່ນະຄອນ ຫຼວງ ໄນໂຣບີ ໃນໄລຍະສອງເດືອນທີ່ຜ່ານມາ, ບັນດາພະນັກງານ Robot Café ກ່າວວ່າ ການຕ້ອນຮັບດ້ວຍຫຸ່ນຍົນແມ່ນດີຫຼາຍ ເຊິ່ງເປັນຈຸດດຶງດູດ ລູກຄ້າຄືດັ່ງ ທ່ານ ບີຣຸກ ອະເບຕີວ (Biruk Abetew), ຜູ້ທີ່ມາທີ່ນີ້ໃນມື້ນີ້ ກັບຄອບຄົວຂອງລາວເພື່ອກິນອາຫານທ່ຽງ.
ທ່ານ ບີຣຸກ ອະເບຕີວ, ຜູ້ເຂົ້າມາຮັບປະທານອາຫານຢູ່ທີ່ Robot Café ກ່າວວ່າ:
“ຂ້ອຍດີໃຈທີ່ໄດ້ສະແດງໃຫ້ລູກໆຂອງຂ້ອຍເຫັນສິ່ງນີ້ໃນອາຟຣິກາ, ໃນດິນ ແດນຂອງພວກເຮົາເອງ. ດັ່ງນັ້ນ, ແມ່ນແລ້ວ ມັນດີຫຼາຍ. ທ່ານສາມາດເຫັນ ໄດ້ວ່າມັນຕ້ອງການການພັດທະນາເລັກນ້ອຍ, ແຕ່ມັນກໍ່ດີຫຼາຍທີ່ຫຸ່ນຍົນຍໍ ອາຫານ, ພວກມັນມາ ແລະເສີບອາຫານໃຫ້ແກ່ເຈົ້າ. ເມື່ອຂ້ອຍມາເທື່ອໜ້າ ຂ້ອຍຢາກເຫັນຫຸ່ນຍົນມີການພົວພັນຫຼາຍຂຶ້ນກວ່ານີ້, ເຊັ່ນວ່າ ຮັບການສັ່ງ ອາຫານຂອງເຈົ້າ, ເອົາອາຫານຂອງເຈົ້າມາ, ແຕ່ມັນກໍເປັນບາດກ້າວທຳອິດ ທີ່ດີຫຼາຍ.”
ອີງຕາມຂໍ້ມູນຂອງລັດຖະບານ, ອຸດສາຫະກໍາການຕ້ອນຮັບ ແມ່ນນຶ່ງໃນແຫຼ່ງ ຂອງການຈ້າງງານຂະໜາດໃຫຍ່ໃນປະເທດເຄັນຢາ. ການນໍາສະເໜີຫຸ່ນຍົນໃນ ພາກສ່ວນນີ້ ເປັນການສ້າງຄວາມກັງວົນວ່າ ຜູ້ຄົນຈະບໍ່ມີວຽກເຮັດງານທໍາ ເພີ້ມຂຶ້ນ ເນື່ອງຈາກຫຸ່ນຍົນ.
ແນວໃດກໍຕາມ, ຜູ້ຊ່ຽວຊານດ້ານອຸດສາຫະກໍາເຊັ່ນ ທ່ານນາງ ອີດິດທ໌ ອົດຈ໌ວາງ (Edith Ojwang) ກ່າວວ່າ ບໍ່ມີສາເຫດສໍາລັບສັນຍານເຕືອນ ໄພໃດໆ, ເນື່ອງຈາກວ່າເທັກໂນໂລຈີຈະເປັນພຽງແຕ່ເຄື່ອງມືເພື່ອປັບປຸງປະສິດ ທິພາບ ແລະຄຸນນະພາບຂອງການບໍລິການເທົ່ານັ້ນ.
ທ່ານນາງ ອີດິດທ໌ ອົດຈ໌ວາງ, ທີ່ປຶກສາດ້ານການຕ້ອນຮັບ ແລະເປັນຄູຝຶກ ກ່າວວ່າ:
“ຂ້ອຍບໍ່ຄິດວ່າ ມັນຈະສາມາດລົບລ້າງແຮງງານທີ່ເປັນມະນຸດທັງຫມົດໄດ້. ແຕ່ມັນຈະຖືກລວມເຂົ້າຄືກັບທີ່ພວກເຮົາໄດ້ລວມເອົາເທັກໂນໂລຈີອື່ນໆໃນກ່ອນໜ້ານັ້ນ, ແລະພວກເຮົາໄດ້ນໍາໃຊ້ມັນ ເພື່ອປັບປຸງແຮງງານຂອງມະນຸດຂອງ ພວກເຮົາ ແລະເຮັດວຽກຮ່ວມກັນ.”
ຄໍາແນະນໍາຂອງ ທ່ານນາງ ອົດຈ໌ວາງ ມີສໍາລັບໂຮງຮຽນຕ່າງໆໃນ ເຄັນຢາ ທີ່ຈະລວມເອົາການຝຶກອົບຮົມດ້ານເທັກໂນໂລຈີເຂົ້າໃນຫຼັກສູດການຕ້ອນຮັບ ຂອງພວກເຂົາເພື່ອກຽມພ້ອມສໍາລັບການປ່ຽນແປງ.
ທ່ານນາງ ອີດິດທ໌ ອົດຈ໌ວາງ ກ່າວວ່າ:
“ຖ້າພວກເຮົາຮັກສາການຝຶກອົບຮົມປະຊາຊົນຕາມແບບປະເພນີດັ້ງເດີມ, ແລະ ເມື່ອຮອດເວລາທີ່ພວກເຂົາຖືກປ່ອຍເຂົ້າສູ່ອຸດສາຫະກໍາ, ເທັກໂນໂລຈີກໍໄດ້ກ້າວ ໄປສູ່ລະດັບສູງແລ້ວ, ແລະມັນກໍກາຍມາເປັນຕາຢ້ານສໍາລັບພວກເຂົາແລ້ວ, ເຊິ່ງມັນຍາກຫຼາຍທີ່ຈະສາມາດຮັບເອົາໄດ້.”
ບັນດາຜູ້ຊ່ຽວຊານກ່າວວ່າ ໃນທີ່ສຸດຍຸກຂອງຮ້ານອາຫານອັດຕະໂນມັດ ກໍ່ໄດ້ເລີ້ມຕົ້ນຂຶ້ນໃນອາຟຣິກາ, ແລະຜູ້ຮັບປະທານອາຫານກໍຄວນຄາດຫວັງ ການລວມເອົາຫຸ່ນຍົນເຂົ້າໃນປະສົບການດ້ານອາຫານຂອງພວກເຂົາເຈົ້າຫຼາຍຂຶ້ນ.
ອ່ານບົດລາຍງານດ້ານລຸ່ມນີ້ເປັນພາສາອັງກິດ
In Nairobi, a new restaurant is generating business and buzz – not just because of the food, but because of the staff. Robots serving dishes is the main attraction of diners who flock to the Robot Café. Juma Majanga reports from Nairobi, Kenya.
It’s lunchtime at the Robot Café in Nairobi’s Kileleshwa suburb -- and an unusual waitress is causing excitement.
“Nadia” is one of three robot waitresses incorporated here to improve service delivery. This is a first in East Africa.
John Kariuki, Robot Café Manager.
"You assign them duties in the morning like normal waiters; you tell them which tables one particular robot is supposed to go (to) and what it is expected to do there. Because, for instance, they do more than just serving; they sing happy birthdays. For instance, let say you do a reservation and you have a birthday, it’s gonna deliver you your cake with the message and everything, and also sing a happy birthday for you, with a background of waitresses."
Use of robotic technology in the food service industry is not new. Restaurants with robot waiters have opened in the United States, China and other places.
But the concept is new to Africa. Since opening in Nairobi two months ago, Robot Café staffers say the reception has been good, with the robots being the attraction for customers like Biruk Abetew, who is here today with his family for lunch.
Biruk Abetew, Robot Café Diner.
"I was happy to show my kids this in Africa...in our own backyard. So, yeah, it was very good. You can see that it needs a bit of development, but it’s really nice how the robots take the food, they come and serve you. When I come next time I wanna see the robots more interactive, you know, taking your orders, bringing your food…but it’s a very good first step.
According to government data, the hospitality industry is one of the big sources of employment in Kenya. The introduction of robots in the sector brings fears of people being driven out of work by machines.
However, industry experts like Edith Ojwang say there is no cause for alarm, as the technology will just serve as a tool to improve efficiency and quality of service delivery.
Edith Ojwang, Hospitality Consultant and Trainer.
"I really don’t think it can phase out the entire human labor. But it will be incorporated just like we have incorporated the other technologies before, and we’ve used it to improve our human labor and worked together."
Ojwang’s advice is for Kenyan schools to incorporate technology training into their hospitality curriculum in readiness for the shift.
Edith Ojwang, Hospitality Consultant and Trainer.
"If we keep training people the traditional way, and by the time they are released into the industry, technology has already gone a notch higher, it becomes scary for them already, and it becomes difficult to be able to adopt."
Experts say the era of automated restaurants has finally begun in Africa, and diners should expect more integration of robots in their dining experiences.
ຟໍຣັມສະແດງຄວາມຄິດເຫັນ