ລິ້ງ ສຳຫລັບເຂົ້າຫາ

logo-print

ເທີ​ກີ ກ່າວ​ວ່າ ຕົນ​ມີ​ ສຽງບັ​ນ​ທຶກ ​ແລະ​ວີ​ດີ​ໂອ ຂອງ​ນັກ​ຂ່າວ ຊາ​ອຸ​ດີ ທີ່​ຖືກ​ສັງ​ຫານ


ນັກ​ຂ່າວ​ຊາ​ອຸ​ດີ ທ່ານ​ຈາ​ມາ​ລ ຄາ​ຊອກ​ກີ ຜູ້​ທີ່​ບໍ່​ເຫັນ​ພ້ອມ ກ່າວ​ຢູ່​ພິ​ທີ​ຕ້ອນ​ຮັບ​ ໂດຍ ໜັງ​ສື​ພິມ​ມີ​ເດີ​ລ​ອິ​ສ ມໍ​ນີ​ເຕີ ໃນ​ນະ​ຄອນ​ລອນດອນ ວັນ​ທີ 29 ກັນ​ຍາ 2018.

ໜັງ​ສື​ພິມ​ວໍ​ຊິງ​ຕັນ​ໂພ​ສ​ທ໌ ໄດ້​ລາຍ​ງານ​ໃນ​ຕອນ​ແລງວັນ​ພະ​ຫັດ​ວານ​ນີ້​ວ່າ ​ລັດ​ຖະ​ບານ
​ເທີ​ກີ ແຈ້ງ​ໃຫ້​ເຈົ້າ​ໜ້າ​ທີ່​ສະ​ຫະ​ລັດ ​ຊາບວ່າ ອັງ​ກາ​ຣາ ມີສຽງບັນ​ທຶກ ແລະ​ວິ​ດີ​ໂອ ​ພິ​ສູດ​
ໃຫ້​ເຫັນ​ວ່າ ​ນັກ​ຂ່າວ​ຊາ​ອຸ​ດີ ທ່ານ​ ຈາມາລ ຄາຊອກກີ ໄດ້​ຖືກ​ສັງ​ຫານ ​ຢູ່​ໃນ​ກົງ​ສຸນ​ຊາ​ອຸ
​ດີ ໃນ​ນະ​ຄອນ​ອິ​ສ​ຕັນບູ​ລ.

ສຽງບັນ​ທຶກ​ແລະ​ວີ​ດີ​ໂອ​ ສະ​ແດງ​ໃຫ້​ເຫັນ​ວ່າ ທ່ານ​ຄາ​ຊອກ​ກີ ໄດ້​ຖືກ​ຄຸມ​ຂັງ​ໃນ​ວັນ​ທີ 2
ຕຸ​ລາ ຫຼັງ​ຈາກ​ທ່ານ​ໄດ້​ເຂົ້າ​ໄປ​ໃນ​ກົງ​ສຸນ ຖືກ​ກັກ​ຂັງ ທາ​ລຸນ ແລ​ະ​ຫຼັງ​ຈາກ​ນັ້ນ​ກໍ​ໄດ້​ຖືກ
ສັງ​ຫານແລະ​ຕັດ​ເປັນ​ຕ່ອນໆ ອີງ​ຕາມ​ຄຳ​ເວົ້າ​ຂອງ​ເຈົ້າ​ໜ້າ​ທີ່​ສະ​ຫະ​ລັດແລະ​ເທີ​ກີ​ໄດ້
​ກ່າວ​ຕໍ່​ໜັງ​ສື​ພິມ​ສະ​ບັບ​ນີ້.

ໜັງ​ສື​ພິມວໍຊິງ​ຕັນໂພ​ສ​ທ໌ກ່າວ​ວ່າ ບັນ​ດາ​ເຈົ້າ​ໜ້າ​ທີ່ ທີ່​ບໍ່​ໄດ້​ລະ​ບຸ​ຊື່​ກ່າວ​ວ່າ ​ສຽງ​ບັນທຶກ
ແລະ​ວີ​ດີ​ໂອ ​ໂດຍ​ສະ​ເພາະໄດ້​ໃຫ້​ຫລັກ​ຖານ​ທີ່​ໜ້າ​ຢ້ານ​ກົວ ​ກ່ຽວ​ກັບ​ຊາ​ຕາ​ກຳຂອງ​
ທ່ານ​ຄາ​ຊອກກີ.

ລາຍ​ງາ​ນ​ກ່າວ​ວ່າ​ຍັງບໍ່​ເປັນ​ທີ່​ແຈ້ງ​ຂາວເທື່ອ​ວ່າ ພວກ​ເຈົ້າ​ໜ້າ​ທີ່​ສະ​ຫະ​ລັດ​ໄດ້​ຍິນ ຫຼື
​ໄດ້​ເຫັນ​ການ​ບັນ​ທຶກ​ສຽງ​ແລະ​ວີ​ດີ​ໂອແທ້​ຈິງຫຼື​ບໍ່ ແຕ່​ພວກ​ເຈົ້າ​ໜ້າ​ທີ່​ເທີ​ກີ​ໄດ້ເວົ້າ ເລື່ອງ
ນີ້ ສູ່​ຝ່າຍອາ​ເມ​ຣິ​ກັນ​ຟັງ.

ໃນ​ຕອນ​ເຊົ້າ​ວ​ານນີ້ ປະ​ທາ​ນາ​ທິ​ບໍ​ດີ​ດໍ​ໂນ​ລ ທ​ຣຳ ກ່າວ​ວ່າ ສະ​ຫະ​ລັດ​ມີ​ບັນ​ດາ​ນັກ​ສື​ບ
​ສວນ​ຢູ່​ໃນ​ເທີ​ກີ ​ໂດຍພະ​ຍາ​ຍາມ​ພິ​ຈາ​ລະ​ນາ​ວ່າ ​ແມ່ນ​ຫຍັງໄດ້​ເກີດ​ຂຶ້ນ​ແກ່​ທ່ານ​ຄາ​
ຊອກ​ກີ.

“ທ່ານ​ໄດ້​ເຂົ້າ​ໄປ ແລະ​ບໍ່​ອອກ​ມາ” ນັ້ນ​ຄື​ຄຳ​ເວົ້າ​ຂອງ​ປະ​ທາ​ນາ​ທິ​ບໍ​ດີ​ກ່າວ​ຕໍ່​ລາຍ​ການ
​ສົນ​ທະ​ນາ​ ຂອງ​ໂທ​ລະ​ພາບ​ຟັອກ​ສ໌ (Fox &amp% Friends news talk show.)
“ເບິ່ງ​ຄື​ວ່າ​ທ່ານ​ບໍ່​ຢູ່​ບ່ອນນັ້ນ​ອີກ​ແລ້ວ.”

ຮູບ​ພາບວີ​ດີ​ໂອ CCTV ຈາກ​ໜັງ​ສື​ພິ​ມ​ເທີ​ກີ Hurriyet ​ເຜີຍ​ແຜ່​ໃນ​ວັນທີ 9 ຕຸ​ລາ 2018 ສະ​ແດງ​ໃຫ້​ເຫັນ ນັກ​ຂ່າວ​ຊາ​ອຸ​ດີ ທ່ານຈາ​ມາລ ຄາ​ຊອກ​ກີ ກຳ​ລັງ​ຍ່າງ​ເຂົ້າ​ປະ​ຕູ ກົງ​ສຸນ​ຊາ​ອຸ​ດີ​ອາ​ຣາ​ເບຍ ໃນ​ນ​ະ​ຄອນ​ອິ​ສ​ຕັນ​ບູ​ລ.
ຮູບ​ພາບວີ​ດີ​ໂອ CCTV ຈາກ​ໜັງ​ສື​ພິ​ມ​ເທີ​ກີ Hurriyet ​ເຜີຍ​ແຜ່​ໃນ​ວັນທີ 9 ຕຸ​ລາ 2018 ສະ​ແດງ​ໃຫ້​ເຫັນ ນັກ​ຂ່າວ​ຊາ​ອຸ​ດີ ທ່ານຈາ​ມາລ ຄາ​ຊອກ​ກີ ກຳ​ລັງ​ຍ່າງ​ເຂົ້າ​ປະ​ຕູ ກົງ​ສຸນ​ຊາ​ອຸ​ດີ​ອາ​ຣາ​ເບຍ ໃນ​ນ​ະ​ຄອນ​ອິ​ສ​ຕັນ​ບູ​ລ.

​ພວກ​ເຈົ້າ​ໜ້າ​ທີ່​ເທີ​ກີ​ກ່າວ​ວ່າ ເຂົາ​ເຈົ້າ​ເຊື່ອ​ວ່າ​ທ່ານ​ຄາ​ຊອກ​ກີ ຜູ້​ຕິ​ຕຽນ​ເຈົ້າ​ຟ້າ​ຊາຍ​
ໂມ​ຮຳ​ເມັດ ບິນ ຊາ​ລ​ມານ ຜູ້​ທີ່​ໄດ້​ຂຽນ​ຂໍ້​ຄວາມ​ແນວ​ຄິດ ໃຫ້​ແກ່​ໜັງ​ສື​ພິມ ​ວໍ​ຊິງ​ຕັນ
​ໂພ​ສ​ທ໌ໄດ້​ຖືກ​ສັງ​ຫານໃນ​ອາ​ທິດ​ແລ້ວ​ນີ້​ໂດຍ​ທີມ​ນັກ​ສືບ​ຊາ​ອຸ​ດີ 15 ຄົນ ຜູ້​ທີ່​ໄດ້​ບິນ
​ໄປ​ຍັງ​ນະ​ຄອນ​ອິ​ສຕັນ​ບູ​ລ ​ຊຶ່ງ​ເປັນ​ເລື້ອງ​ທີ່ຊາ​ອຸ​ດີ​ ອາ​ຣາ​ເບຍເວົ້າ​ວ່າ ບໍ່​ມີ​ມູນຄວາມ
​ຈິງ.

ໜັງ​ສື​ພິມ​ວໍ​ຊິງ​ຕັນ​ໂພ​ສ​ທ໌​ກ່າວ​ວ່າ ​ໜ່ວຍສືບ​ລັບ​ຂອງສະ​ຫະ​ລັດສະ​ແດງ​ໃຫ້​ເຫັນ​ວ່າ
ເຈົ້າ​ຊາຍ​ຊາ​ລ​ມານ ໄດ້​ສັ່ງ​ໃຫ້​ປະ​ຕິ​ບັດ​ງານ​ເພື່ອ​ລໍ້​ເອົາ​ທ່ານ​ຄາ​ຊອກ​ກີ ກັບ​ຄືນ​ໄປ​ຊາ​
ອຸ​ດີ​ອາ​ຣາ​ເບຍ ຈາກ​ເຮືອນ​ຂອງ​ທ່ານ​ຢູ່​ໃນ​ສະ​ຫະ​ລັດ ແລະ​ຫຼັງ​ຈາກ​ນັ້ນໃຫ້ກັກຂັງ​ທ່ານ.

ໂຄ​ສົກ​ກະ​ຊ​ວງ​ຕ່າງ​ປະ​ເທດ​ສະ​ຫະ​ລັດ ທ່າ​ນາງ​ແຮ​ເຕີ ນາວ​ເອີດ ກ່າວ​ຕໍ່​ບັນ​ດາ​ນັກ​ຂ່າວ.
ໂຄ​ສົກ​ກະ​ຊ​ວງ​ຕ່າງ​ປະ​ເທດ​ສະ​ຫະ​ລັດ ທ່າ​ນາງ​ແຮ​ເຕີ ນາວ​ເອີດ ກ່າວ​ຕໍ່​ບັນ​ດາ​ນັກ​ຂ່າວ.

ປະ​ທານ​ນາ​ທິບໍ​ດີ​ທ​ຣຳ ກ່າວ​ວ່າ “ພວກ​ເຮົາ​ກຳ​ລັງ​ເອົ​າ​ຈິງ​ເອົາ​ຈັງ ແລະພວກ​ເຮົາ​ມີ​ນັກ
​ສືບ​ສວນ​ຢູ່​ທີ່​ນັ້ນ ແລະ​ພວກ​ເຮົາ​ກຳ​ລັງ​ເຮັດ​ວຽກ​ກັບ​ເທີ​ກີ ແລະ​ຄວາມ​ຈິງ​ແລ້ວ ພວກ​
ເຮົາ​ເຮັດ​ວຽກ​ກັບ​ຊາ​ອຸ​ດີ ອາ​ຣາ​ເບຍ. ພວກ​ເຮົາ​ຕ້ອງ​ການ​ຢາກ​ຮູ້​ວ່າ​ແມ່ນ​ຫຍັງ​ເກີດ​ຂຶ້ນ.”

ທຳ​ນຽບ​ຂາວ​ບໍ່​ຍອມ​ໃຫ້​ຄວາມ​ເຫັ​ນ ​ກ່ຽວ​ກັບ​ບົດ​ບາດ​ຂອງ​ສະ​ຫະ​ລັດ ​ໃນ​ການ​ສຶບ​ສ​ວນ​ເລື້ອງທ່ານ​ຄາ​ຊອກ​ກີ.

ອ່ານ​ຂ່າວ​ນີ້​ເພີ້ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG