ລາຍງານໜັງສືພິມສະບັບນຶ່ງກ່າວວ່າ ເຮືອບິນ ຢູ່ຄ້າຍທະຫານ
ສະຫະລັດ ໃນ Djibouti ມັກຈະຕົກຢູ່ໃນອັນຕະລາຍເລື້ອຍໆ
ຍ້ອນສະພາບການທີ່ເປັນປໍລະປັກ ຫລືຂາດເຈົ້າໜ້າທີ່ຄວບຄຸມ
ການຂຶ້ນລົງຂອງເຮືອບິນ ທີ່ເປັນພົນລະເຮືອນ ກຳກັບຢູ່ທີ່ທາງ
ແລ່ນຂອງເດີ່ນຢູ່ທີ່ຄ້າຍດັ່ງກ່າວ.
ໜັງສືພິມ The Washington Post ທີ່ໄດ້ອ້າງ ເອກກະສານ
ຂອງທະຫານ ແລະບັນດາຜູ້ຊ່ຽວຊານການບິນລັດຖະບານ
ກາງລາຍງານວ່າ ບັນດາຜູ້ຄວບຄຸມການບິນຢູ່ທີ່ຄ້າຍທະຫານ
Lemonnier ຢູ່ Djibouti ໄດ້ເຫັນວ່າ ບໍ່ເອົາຫົວຊາກັບການ
ຄວບຄຸມການບິນ ໃນຂະນະທີ່ພາກັນຫລີ້ນເກມວິດີໂອ ໂທລະ
ສັບຫາກັນ ນອນ ຫລືພາກັນຄ້ຽວຢາເສບຕິດ ທີ່ເປັນພືດຮ້ອງວ່າ khat ນັ້ນ.
ລາຍງານກ່າວວ່າ ບັນດາຜູ້ຄວບຄຸມການບິນ ໄດ້ຄັດຄ້ານຕໍ່ຄວາມພະຍາຍາມ ບັນດາທີ່
ປືກສາຂອງສະຫະລັດ ທີ່ຈະປັບປຸງການປະຕິບັດງານຂອງເຂົາເຈົ້າ. ໃນກໍລະນີນຶ່ງ ຜູ້
ຄວບຄຸມການບິນຄົນນຶ່ງໄດ້ຂົ່ມຂູ່ ເຈົ້າໜ້າທີ່ກອງທັບເຮືອສະ ຫະລັດຄົນນຶ່ງດ້ວຍທໍ່ນ້ຳ
ແລະຂົ່ມຂູ່ທີ່ຈະ “ປາດຄໍພວກອາເມຣິກັນ” ຖ້າຫາກລາວ ເຫັນເຂົາເຈົ້າອອກຈາກຄ້າຍ
ໄປ.
ໜັງສືພິມ the Washington Post ກ່າວອີກວ່າ ສະຖານະການ ໄດ້ພາໃຫ້ເກືອບເກີດ
ອຸປະຕິບັດເຫດຫລາຍຄັ້ງຢູ່່ເທິງອາກາດ ແລະຢູ່ທາງແລ່ນ ຮວມທັງອຸປະຕິເຫດໃນປີ
2013 ທີ່ເຮືອບິນສ່ວນໂຕຂອງປະທານາທິບໍດີ Djibouti ທ່ານ Ismail Omar Guelleh ເກືອບຕຳກັນຢູ່ເທິງອາກາດ ກັບເຮືອບິນ ໂດຍສານຂອງສາຍການບິນ Kenya ລຳນຶ່ງ.
ເຈົ້າໜ້າທີ່ສະຖານທູດ Djibouti ຢູ່ນະຄອນຫລວງ ວໍຊິງຕັນ ໄດ້ປະຕິເສດລາຍງານດັ່ງ
ກ່າວ ໂດຍກ່າວວ່າ ທ່ານແນ່ນອນວ່າ ເດີ່ນເຮືອບິນປອດໄພດີ ແລະຖ້າຫາກວ່າພວກ
ຄວບຄຸມການບິນ ໄດ້ນອນແທ້ນັ້ນ ຫລືຕິດຢາ khat ນັ້ນ “ມັນຈະມີອຸປະຕິເຫດທຸກໆມື້.”
