ລິ້ງ ສຳຫລັບເຂົ້າຫາ

logo-print

ຄວາມຜິດພາດ ຂອງມະນຸດ ຄືສາເຫດ ທີ່ພາໃຫ້ ເຮືອບິນ ສາຍການບິນລາວຕົກ ໃນປີ 2013


ຍານາງ Melissa Rhodes-Smith ແລະທ່ານ Geoff Rhodes ຖືຮູບລູກຊາຍເຂົາເຈົ້າ ທ້າວ Gavin Rhodes ພ້ອມດ້ວຍພັນລະຍາຂອງລາວ ນາງພູມະໄລສີ ແລະລູກ 2 ຄົນ ທີ່ນະຄອນວຽງຈັນ (28 ພະຈິກ 2014 ໂດຍ Ron Corben ຜູ້ສື່ຂ່າວ VOA)

​ພວກນັກຊ່ຽວຊານ ດ້ານການບິນ ໃນເຂດເອເຊຍປາຊີຟິກ ພວມ
ຮຽກຮ້ອງໃຫ້ມີການເນັ້ນໜັກຫຼາຍຂຶ້ນກ່ຽວກັບການເຝິກແອບນັກ
ບິນ ໃນຂະນະທີ່ບັນດາປະເທດຕ່າງໆຢູ່ໃນຂົງເຂດພວມກະກຽມ
ເພື່ອຮັບມື ກັບການເພີ້ມຂຶ້ນຢ່າງວ່ອງໄວ ຂອງຖ້ຽວບິນໂດຍສານ
ໃນຊຸມທົດສະວັດຕໍ່ໜ້ານີ້. Ron Corben ນັກຂ່າວວີໂອເອ ລາຍ
ງານວ່າ ການຮຽກຮ້ອງດັ່ງກ່າວນີ້ ມີຂຶ້ນໃນຂະນະທີ່ສາຍການບິນ
ລາວ ນຳອອກເຜີຍ ແຜ່ລາຍງານ ( report ) ຢ່າງເປັນທາງການ
ກ່ຽວກັບສາເຫດທີ່ພາໃຫ້ຖ້ຽວບິນໂດຍສານພາຍໃນປະເທດຂອງ
ສາຍການບິນດັ່ງກ່າວ ປະສົບອຸບັດຕິເຫດຕົກ ເມື່ອເດືອນຕຸລາປີ
ກາຍ ທີ່ເຮັດໃຫ້ຜູ້ໂດຍສານ ແລະພະນັກງານ ປະຈຳເຮືອບິນ 49
ຄົນເສຍຊີວິດ ຮວມທັງຊາວຕ່າງປະເທດ ນຳດ້ວຍ ດັ່ງໄພສານຈະ
ນຳເອົາລາຍລະອຽດ ມາສະເໜີທ່ານ ໃນອັນດັບຕໍ່ໄປ.

ຖ້ຽວບິນ QV 301 ຂອງສາຍການບິນລາວ ແມ່ນບິນຈາກນະຄອນຫຼວງວຽງຈັນ ໄປຍັງ ເມືອງປາກເຊໃນແຂວງຈຳປາສັກ ທາງພາກໃຕ້ຂອງລາວ ເມື່ອເດືອນຕຸລາປີ 2013 ເວ ລາເຮືອບິນສອງໝາກປິ່ນ ທີ່ຂັບດັນດ້ວຍຈັກອາຍພົ່ນຫຼື turboprop ໄດ້ປະສົບອຸບັດຕິ ເຫດຕົກໃນລະຫວ່າງທີ່ເກີດລົມຝົນພາຍຸຢ່າງແຮງຂະນະທີ່ພະຍາຍາມລົງຈອດເປັນຄັ້ງ ທີສອງ.

ເຫດຮ້າຍໃນຄັ້ງນັ້ນ ໄດ້ສັງຫານທຸກໆຄົນ ທີ່ຢູ່ເທິງເຮືອບິນ ປະກອບດ້ວຍ ປະຊາຊົນ ທີ່ ມາຈາກ 10 ປະເທດ ຮວມທັງອອສເຕຣເລຍ ຝຣັ່ງ ໄທ ເກົາຫລີໃຕ້ ຫວຽດນາມ ຈີນ ໄຕ້-
ຫວັນ ແລະສະຫະລັດ.

ໃນວັນສຸກແລ້ວນີ້ ລັດຖະບານລາວ ໄດ້ເປີດເຜີຍລາຍງານຢ່າງເປັນທາງການກ່ຽວກັບອຸ ບັດຕິເຫດຕໍ່ສື່ມວນຊົນລາວ ຕະຫລອດທັງພວກຍາດພີ່ນ້ອງ ຂອງພວກເຄາະຮ້າຍ ທີ່ໄດ້ ຖືກເຊື້ອເຊີນມາໃນຖານະແຂກຂອງສາຍການບິນລາວ ຢ່າງເປັນການສະເພາະ.

ລາຍລະອຽດດັ່ງກ່າວ ທີ່​ມີ​ການ​ນຳອອກອາກາດທາງໂທລະພາບຂອງລາວເຊັ່ນ ດຽວກັນ ເວົ້າວ່າ ໃນລະຫວ່າງທີ່ເກີດພາຍຸຝົນນັ້ນນັກບິນໄດ້ຕັດສິນໃຈໃນນາທີສຸດທ້າຍບໍ່ນຳ​ເອົາ ເຮືອບິນລົງຈອດ ທີ່ສະໜາມບິນ ​ເພື່ອ​ຈະພະຍາຍາມ ລົງມາຈອດເທື່ອທີສອງ ​ແຕ່​ວ່າໃນ
​ຕອນ​ທີ່​ຍົກ​ເລີກ​ການ​ລົງ​ຈອດ​ນັ້ນເຮືອບິນ​ໄດ້​ຢູ່​ໃນ​ລະດັບ​ທີ່ຕ່ຳກວ່າລະດັບທີແນະນຳໄວ້ ແລະມີການລ້ຽວຂວາຢ່າງກະທັນຫັນ.

“ຖືກຕັ້ງໄວ້ໃນລະດັບ 600 ຟຸດຫຼື 183 ແມັດ ການບິນຂຶ້ນຄືນດ້ວຍການລ້ຽວຂວາ ແຕ່ບໍ່ໄຕ່ລະດັບຄວາມສູງຕາມວົງຈອນການບິນຂຶ້ນຄືນທີ່ຖືກກຳນົດໄວ້ຢູ່ໃນແຜນ ວາດລົງເດີ່ນ VOR ແລະ VME ຂໍ້ມູນຈາກກ່ອງບັນທຶກຂໍ້ມູນການບິນພົບວ່າເຮືອ ບິນໄດ້ຊັກຫົວລົງ ດ້ວຍມູມເຖິງລົບ 2.5 ອົງສາຊຶ່ງເປັນສາເຫດພາໃຫ້ເຮືອບິນ ບິນ ລົງຕ່ຳກວ່າລະດັບ 600 ຟຸດ ຫຼື 183 ແມັດ.”

ລາຍງານເວົ້າວ່າ ດ້ວຍເຫດນີ້ ເຮືອບິນຈຶ່ງໄດ້ຕຳກັບກົກໄມ້ທີ່ຢູ່ເທິງດອນກາງແມ່ນ້ຳຂອງ. ລຳໂຕຂອງເຮືອບິນ ໄດ້ຕຳກັບແຄມຝັ່ງ ແລະຈາກນັ້ນກໍພຸ່ງລົງໄປໃນລຳແມ່ນ້ຳຂອງ. ທຸກ ຄົນທີ່ຢູ່ເທິງເຮືອບິນເສຍຊີວິດຍ້ອນແຮງກະທົບ.

ພວກເຄາະຮ້າຍ ແມ່ນຮວມທັງຄອບຄົວນຶ່ງ ຂອງຊາວອອສເຕຣເລຍ ສີີ່ຄົນ ທ້າວ Gavin Rhodes ພ້ອມພັນລະຍາຂອງລາວ ນາງພູມະໄລສີ ຜູ້ກ່ຽວມີກຳເນີດເປັນຄົນລາວ ແລະ ລູກນ້ອຍຂອງພວກເຂົາເຈົ້າສອງຄົນ. ພໍ່ຂອງທ້າວ Gavin ທ່ານ Geoff Rhodes ອາຍຸ
71 ປີ ຈາກນະຄອນຊິດນີ ໃຫ້ການຊີ້ແຈງກ່ຽວກັບວ່າ ເປັນຫຍັງທ່ານຈຶ່ງຢາກຈະຕາງໜ້າ ໃຫ້ລູກຊາຍຂອງລາວ ໃນຂະນະທີ່ມີການເປີດເຜີຍລາຍງານດັ່ງກ່າວນີ້. ລາວສະຫຼຸບກ່ຽວ ກັບການຄົ້ນພົບວ່າ:

“ການຕີຄວາມຂອງຂ້ອຍກໍຄືວ່າ ມີຄວາມຜິດພາດຢູ່ 3 ຢ່າງດ້ວຍກັນ ຄືຄວາມຜິດ ຂອງນັກບິນ ຄວາມຜິດຂອງລະບົບ ແລະຄວາມຜິດຂອງອຸບປະກອນ ແລະ ຂໍ້ສະ ເໜີແນະທີ່ພວກເຂົາເຈົ້າໄດ້ເວົ້າມາ ກ່ຽວ​ກັບ​ວ່າ ພວກເຂົາເຈົ້າຈະປັບປຸງໄດ້ແນວ ໃດນັ້ນ ສຳ​ຫລັບຂ້ອຍ​ແລ້ວ ເບິ່ງຄືວ່າ ​ເຂົາ​ເຈົ້າຈະພະຍາຍາມ ແລະ ພິຈາລະນາ ເບິ່ງທັງສາມຢ່າງນັ້ນ. ມັນ​ເຮັດ​ໃຫ້ຂ້ອຍມີຄວາມຮູ້ສຶກ​ແຕກ​ຕ່າງ​ໄປ​ຫລື​ບໍ່? ບໍ່, ບໍ່ ຂ້ອຍບໍ່ຮູ້ສຶກແຕກຕ່າງໄປເລີຍ.”

ລາຍງານກ່ຽວກັບເຫດຮ້າຍດັ່ງກ່າວມີຂຶ້ນໃນຂະນະທີ່ອຸດສາຫະກຳການບິນຢູ່ໃນຂົງເຂດ ເອເຊຍປາຊີຟິກ ພວມກ້າວເດີນໄປສູ່ເສັ້ນທາງ ໃນການເຕີບໃຫຍ່ຂະຫຍາຍໂຕຢ່າງວ່ອງ ໄວໃນຊຸມທົດສະວັດຕໍ່ໜ້ານີ້.

ເມື່ອໄວໆມານີ້ ສະມາຄົມການຂົນສົ່ງທາງອາກາດນາໆຊາດຫຼື IATA ໄດ້ຮຽກຮ້ອງໃຫ້ສືບ
ຕໍ່ເສີມຄວາມເຂັ້ມແຂງກ່ຽວກັບມາດຕະການດ້ານຄວາມປອດໄພແລະປັບປຸງໂຄງລ່າງພື້ນ
ຖານລາຄາຖືກແລະການຄວບຄຸມກ່ຽວກັບສະພາບແວດລ້ອມນັ້ນ.

ເປັນທີ່ຄາດກັນວ່າ ຈະມີຜູ້ໂດຍສານ ປະມານ 3 ພັນ 300 ລ້ານຄົນໃນທົ່ວໂລກເດີນທາງ ໂດຍທາງອາກາດ ໃນປີນີ້ ແລະມີການທຳນາຍວ່າ ຈະເພີ້ມຂຶ້ນເປັນ 7 ພັນ 300 ລ້ານຄົນ ພາຍໃນປີ 2034. ອົງການ IATA ເວົ້າວ່າ ໃນໄລຍະສອງທົດສະວັດຕໍ່ໜ້າຂົງເຂດເອເຊຍ ປາຊີຟິກຄາດວ່າຈະປະກອບເປັນປະມານສອງສ່ວນສາມຂອງການເຕີບໂຕໃນໂລກ. ແຕ່ ທ່ານ Hugh Ritchie ຫົວໜ້າທີ່ປຶກສາ ດ້ານການບິນນາໆຊາດກ່າວວ່າ ການເຕີບໂຕມັກ ຈະໄວກວ່າ ຄວາມສາມາດຂອງພາກສ່ວນການບິນ ຂອງຂົງເຂດ ​ໃນ​ການສ້າງຊັບພະຍາ ກອນມະນຸດ ເພື່ອຮັບມືກັບການປ່ຽນແປງຢ່າງວ່ອງໄວດັ່ງກ່າວນີ້.

“ບັນຫາຂອງຂ້າພະເຈົ້າກັບຄວາມປອດໄພທາງອາກາດໃນພາກສ່ວນນີ້ຂອງໂລກ ກໍຄືວ່າ ເຂົາເຈົ້າເຕີບໂຕໄວຫຼາຍ. ພວກເຂົາເຈົ້າພະຍາຍາມ ຈະສ້າງລະບົບທີ່​ໄດ້ ມາດຕະຖານຂອງນາໆຊາດ. ເບິ່ງທາງນອກແລ້ວກໍຄືວ່າ ເຂົາເຈົ້າພວມ​ເຮັດ​ເຊັ່ນ​
ນັ້ນ ແຕ່ຖ້າຫາກເຂົ້າໄປເບິ່ງຫລັງສາກ ແລະເບິ່ງໄປຍັງ ພາກສ່ວນການປະຕິບັດ
ງານ​ໂຕຈິງແລ້ວ ຂ້າພະເຈົ້າຄິດວ່າ ພວກເຂົາບໍ່​ໄດ້ບັນລຸລະດັບເຫຼົ່ານີ້ເລີຍ.”

ທ່ານ Ritchie ເວົ້າວ່າ ເກືອບວ່າສະເໝີໄປຢູ່ໃນເຂດເອເຊຍມັກຈະມີຄວາມລັງເລໃຈໃນ ການຕັດສິນໃຈທີ່ສຳຄັນໆທີ່ຈະສົ່ງຜົນ​ໃຫ້ອຸດສາຫະກຳການບິນໃນເຂດເອເຊຍປາຊີຟິກ ກ້າວໄກໄປໜ້າ.

ກຸ່ມຄຸ້ມຄອງຄວາມປອດໄພທາງອາກາດ ຂອງເຂດເອເຊຍປາຊີຟິກ ຊຶ່ງປະກອບດ້ວຍ 20 ລັດຖະບານ 12 ອົງການຈັດຕັ້ງນາໆຊາດຮວມທັງອົງການ IATA ພວມປັບປຸງລະບົບການ
ແບ່ງປັນຂໍ້ມູນທີ່ສຳຄັນທາງດ້ານຄວາມປອດໄພ. ສະຖາບັນຕ່າງໆເຊັ່ນທະນາຄານພັດທະ ນາເອເຊຍພວມສະໜອງທຶນໃນດ້ານໂຄງລ່າງພື້ນຖານກ່ຽວກັບເລື່ອງຄວາມປອດໄພທາງ ອາກາດ.

ແຕ່ຄຳຖາມກໍຍັງມີຢູ່ວ່າ ໄດ້ມີ​ການດຳເນີນການຢ່າງພຽງພໍແລ້ວຫຼືບໍ່ ​ແລະໄວພໍແລ້ວບໍເພື່ອ ຫລີກລ່ຽງເຫດຮ້າຍດັ່ງດຽວກັນກັບອຸບັດຕິເຫດ ທີ່ໄດ້ເກີດກັບຖ້ຽວບິນ QV 301 ນັ້ນ.

ເບິ່ງຄວາມເຫັນ (7)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG