ບັນດານັກສຶກສາປະທ້ວງໃນ ຮົງກົງ ກຳລັງຮຽກຮ້ອງໃຫ້ມີ
ການເດີນຂະບວນຄັ້ງໃຫຍ່ອີກ ເພື່ອປະທ້ວງການຕັດສິນ
ໃຈຂອງລັດຖະບານ ທີ່ລົບລ້າງການເຈລະຈາປະຕິຮູບການ
ເລືອກຕັ້ງ.
ການເດີນຂະບວນມີກຳນົດຈະຈັດຂື້ນ ໃນວັນສຸກມື້ນີ້ ທີ່ຄຸ້ມ
ບ້ານ Admiralty ບ່ອນທີ່ພວກປະທ້ວງສະໜັບສະໜູນປະ
ຊາທິປະໄຕໄດ້ຕັ້ງຄ້າຍຢູ່ເປັນເວລາເກືອບສອງອາທິດ
ຜ່ານມາ.
ບັນດາເຈົ້າໜ້າທີ່ໄດ້ຍົກເລີກການເຈລະຈາ ໃນຕອນແລງ
ວັນພະຫັດ ໂດຍກ່າວວ່າ ການເຈລະຈາບໍ່ສາມາດຈັດຂື້ນໄດ້ ໃນຂະນະທີ່ເຂົາເຈົ້າເຫັນວ່າ
ການປະທ້ວງ ຜິດກົດໝາຍ.
ລັດຖະບານເພື່ອນມິດປັກກິ່ງ ໄດ້ໂກດແຄ້ນ ຍ້ອນບັນດາຜູ້ນຳນັກສຶກສາ ຂົ່ມຂູ່ທີ່ຈະທະວີ
ການປະທ້ວງ ຖ້າຫາກວ່າຄຳຮຽກຮ້ອງ ປະຕິຮູບປະຊາທິປະໄຕ ຂອງເຂົາເຈົ້າຫາກບໍ່ຖືກ
ຮັບຮູ້.
ພວກປະທ້ວງພາກັນຮຽກຮ້ອງໃຫ້ ຫົວໜ້າ ບໍລິຫານຮົງກົງ ທ່ານ Leuang Chun-ying
ລາອອກຈາກຕໍາແໜ່ງ ແລະໃຫ້ປັກກິ່ງ ຕ່າວປີ້ນການຕັດສິນໃຈ ກວດກາບັນດາຜູ້ສະມັກ
ສຳລັບການເລືອກຕັ້ງຂອງດິນແດນ ໃນປີ 2017.
ສະພາບການຢູ່ຮົງກົງ ໃນມື້ນີ້:
