ຊາວມຸສລິມ ຢູ່ທົ່ວໂລກ ພາກັນເລີ້ມອົດອາຫານ ແລະສູດມົນ ເພື່ອເປັນຂີດໝາຍໃນການ
ມາເຖິງຂອງເດືອນສັກສິດ Ramadan.
ໃນຄຳອວຍພອນເນື່ອງໃນໂອກາດການມາເຖິງຂອງເດືອນ Ramadan ນີ້ ປະທານາທິບໍດີ
ສະຫະລັດທ່ານ Barak Obama ໄດ້ສົ່ງຄວາມປາດຖະໜາອັນອົບອຸ່ນໄປຍັງຊາວມຸສລິມ
ອາເມຣິກັນແລະຊາວມຸສລິມ ທີ່ຢູ່ໃນທົ່ວໂລກ. ທ່ານຍັງໄດ້ຍ້ອງຍໍສັນລະເສີນ ຄວາມອົງອາດ
ກ້າຫານຂອງພວກທີ່ຕໍ່ສູ້ເພື່ອປະຊາທິປະໄຕຢູ່ ໃນປະຊາຄົມຂອງຊາວມຸສລິມ.
ສານອວຍພອນຂອງປະທານາທິບໍດີ ໄດ້ມີຂຶ້ນຖ້າມກາງການສູ້ລົບກັນຢູ່ໃນຊີເຣຍ ລະຫວ່າງ
ກຸ່ມກະບົດ ແລະກໍາລັງທີ່ສະໜຸນລັດຖະບານ. ຢູ່ທີ່ປະເທດໄທ ການ ສະຫລອງເດືອນ
Ramadan ໄດ້ເລີ້ມຕົ້ນບໍ່ຄ່ອຍດີ ຍ້ອນການໂຈມຕີທີ່ເຮັດໃຫ້ມີຜູ້ເສຍຊີວິດໄປນຶ່ງຄົນ ແລະໄດ້
ຮັບບາດເຈັບອີກສີ່ຄົນ. ການໂຈມຕີທີ່ວ່ານີ້ໄດ້ເກີດຂື້ນໃນພາກໃຕ້ຂອງໄທ ບ່ອນທີ່ມີຊາວ
ມຸສລິມສ່ວນໃຫຍ່ ພາກັນອາໄສຢູ່ ແລະເປັນບ່ອນທີ່ມີການກໍ່ກະບົດຢ່າງຮຸນແຮງນັ້ນ.
ການເລີ້ມເດືອນອົດອາຫານ ຫລື Ramadan ແມ່ນແຕກຕ່າງກັນໄປເພາະວ່າ ຊາວມຸສລິມພາ
ກັນໃຊ້ວິທີຄິດໄຫລ່ທີ່ບໍ່ຄືກັນ ກ່ຽວກັບການແນມເຫັນແສງເດືອນທີ່ຂຶ້ນໃໝ່ນັ້ນ.
ວີດີໂອລາຍງານກ່ຽວກັບຊາວມຸສລິມອີຈິບ ກຽມໂຕສໍາລັບບຸນຣາມາດານ: