ລັດຖະມົນຕີຕ່າງປະເທດຂອງອອສເຕຣເລຍ, ອິນເດຍ, ຍີ່ປຸ່ນ ແລະ ສະຫະລັດ ກ່າວໃນວັນຈັນມື້ນີ້ວ່າ ພວກເຂົາເຈົ້າມີຄວາມກັງວົນຢ່າງຫຼວງຫຼາຍ ກ່ຽວກັບ ການຂົ່ມຂູ່ ແລະ ການເຄື່ອນໄຫວທີ່ເປັນອັນຕະລາຍຢູ່ໃນທະເລຈີນໃຕ້ ແລະໄດ້ໃຫ້ຄຳໝັ້ນສັນຍາວ່າຈະເສີມຂະຫຍາຍຄວາມໝັ້ນຄົງທາງທະເລໃນພາກພື້ນດັ່ງກ່າວ, ອີງຕາມອົງການຂ່າວ Reuters.
ຖະແຫຼງການຮ່ວມດັ່ງກ່າວ ໄດ້ມີຂຶ້ນພາຍຫຼັງການເຈລະຈາລະຫວ່າງປະເທດທີ່ເອີ້ນວ່າ 'ຄວາດ (Quad)' ຢູ່ນະຄອນຫຼວງໂຕກຽວ, ໂດຍມີທ່ານ ນາງ ເພັນນີ ຫວ່ອງ (Penny Wong) ຈາກອອສເຕຣເລຍ, ທ່ານ ສຸບຣາມັນຢາມ ໄຈຊານກາ (Subrahmanyam Jaishankar) ຈາກອິນເດຍ, ທ່ານ ນາງ ໂຢໂກະ ກາມີກາວາ (Yoko Kamikawa) ຈາກຍີ່ປຸ່ນ ແລະ ທ່ານ ແອນໂທນີ ບລິງເກັນ (Antony Blinken) ຈາກສະຫະລັດ.
ໃນການເຈລະຈາດ້ານຄວາມໝັ້ນຄົງ ລະຫວ່າງສະຫະລັດ ແລະຍີ່ປຸ່ນໃນວັນອາທິດຜ່ານມາ, ພັນທະມິດທັງສອງປະເທດ ໄດ້ໃຫ້ສາຍານາມຈີນ ວ່າເປັນ "ຄວາມທ້າທາຍທາງຍຸດທະສາດທີ່ຍິ່ງໃຫຍ່ທີ່ສຸດ" ທີ່ພາກພື້ນນີ້ຕ້ອງປະເຊີນ.
"ພວກເຮົາມີຄວາມເປັນຫ່ວງຢ່າງຈິງຈັງ ກ່ຽວກັບສະຖານະການຢູ່ໃນທະເລຈີນຕາເວັນອອກ ແລະທະເລຈີນໃຕ້ ແລະຂໍກ່າວເນັ້ນຢ້ຳຄືນ ການຄັດຄ້ານຢ່າງແຂງຂັນ ຕໍ່ທຸກໆການກະທຳຝ່າຍດຽວທີ່ພະຍາຍາມປ່ຽນສະຖານະການດັ່ງເດີມ ດ້ວຍກຳລັງ ຫຼືການບີບບັງຄັບ". ລັດຖະມົນຕີທັງສອງທ່ານ ລະບຸໃນຖະແຫຼງ ການ ຊຶ່ງບໍ່ໄດ້ກ່າວເຖິງຈີນໂດຍກົງ.
ນອກຈາກນີ້, ພວກເຂົາເຈົ້າ ຍັງໄດ້ສະແດງຄວາມກັງວົນຢ່າງຈິງຈັງ ກ່ຽວກັບ ການດຳເນີນການດ້ວຍກຳລັງທະຫານ ໃນພື້ນທີ່ ທີ່ມີຄວາມຂັດແຍ້ງ ແລະ ການເຄື່ອນໄຫວທີ່ສ້າງຄວາມກົດດັນ ແລະເປັນການຂົ່ມຂູ່ ຢູ່ໃນທະເລຈີນໃຕ້, ລວມທັງການນໍາໃຊ້ ເຮືອຂອງໜ່ວຍຍາມຝັ່ງ ແລະກອງກຳລັງຕິດອາວຸດ ທາງທະເລ ທີ່ເປັນອັນຕະລາຍ.
ໃນຊ່ວງບໍ່ເທົ່າໃດເດືອນທີ່ຜ່ານມານີ້, ບັນດາກຳປັ່ນຂອງຈີນ ໄດ້ປະທະກັນຫຼາຍ ຄັ້ງ ກັບກຳປັ່ນ ຟີລິບປິນ ທີ່ພະຍາຍາມເສີມກຳລັງທະຫານຄືນໃໝ່ ຢູ່ເທິງເກາະ ຫາດຊາຍ ໂທມັສ ທີ 2 ທີ່ມີການຂັດແຍ້ງກັນ, ເຖິງແມ່ນວ່າ ໃນເດືອນກໍລະກົດ ນີ້ ສອງປະເທດ ໄດ້ບັນລຸຂໍ້ຕົກລົງຊົ່ວຄາວ ທີ່ແນໃສ່ເພື່ອຜ່ອນຄາຍຄວາມ ເຄັ່ງຕຶງ ກໍຕາມ.
ອ່ານຂ່າວເປັນພາສາອັງກິດລຸ່ມນີ້:
TOKYO, July 29 (Reuters) - Foreign ministers from Australia, India, Japan and the United States said on Monday they were seriously concerned about intimidating and dangerous manoeuvres in the South China Sea and pledged to bolster maritime security in the region.
The joint statement came after talks between the so-called 'Quad' countries in Tokyo, attended by Australia's Penny Wong, India's Subrahmanyam Jaishankar, Japan's Yoko Kamikawa and Antony Blinken from the U.S..
In security talks between the U.S. and Japan on Sunday, the two allies labelled China the "greatest strategic challenge" facing the region.
"We are seriously concerned about the situation in the East and South China Seas and reiterate our strong opposition to any unilateral actions that seek to change the status quo by force or coercion," the ministers said in the statement, which did not directly mention China.
They also expressed serious concern about the militarization of disputed features and coercive and intimidating manoeuvres in the South China Sea, including dangerous use of coast guard and maritime militia vessels.
Chinese vessels have repeatedly clashed with Philippine ships seeking to resupply its troops on the disputed Second Thomas Shoal in recent months, although the two countries in July reached a provisional agreement that aims to ease tensions.
ຟໍຣັມສະແດງຄວາມຄິດເຫັນ