ລັດຖະມົນຕີຕ່າງປະເທດກາຕ້າກ່າວໃນວັນອັງຄານມື້ນີ້ວ່າ ຄູເວດໄດ້ຮ້ອງຂໍໃຫ້ ກະສັດ
ຜູ້ປົກຄອງກາຕ້າ ເລື່ອນເວລາ ໃນການກ່າວຄຳປາໄສ ແລະຂໍເວລາຕື່ມເພື່ອແກ້ໄຂວິ
ກິດການ ທີ່ໄດ້ລະເບີດຂຶ້ນ ເວລາ ຊາອຸດີ ອາຣາເບຍ ອີຈິບ ບາເຣນ ສະຫະລັດອາຣັບ
ເອເມີເຮັສ ເຢເມນແລະມາລດິບ ຕ່າງກໍໄດ້ຕັດຄວາມສຳ ພັນທາງການທູດກັບກາຕ້າ.
ການປະກາດຢ່າງຕໍ່ເນື່ອງຂອງປະເທດເຫຼົ່ານີ້ ໄດ້ກ່າວຫາກາຕ້າວ່າ ສະໜັບສະໜູນ
ການກໍ່ການຮ້າຍ ຊຶ່ງກາຕ້າໄດ້ປະຕິເສດ.
Sheik Mohammed Bin Abdullah Al Thani ກ່າວຢູ່ໃນການໃຫ້ສຳພາດກັບໂທ
ລະພາບ Al Jazeera ວ່າ ຄູເວດເຄີຍໄດ້ຊ່ວຍໃນການແກ້ໄຂວິກິດການທີ່ຄ້າຍຄືກັນ
ນີ້ເມື່ອສາມປີກ່ອນ ກັບບັນດາສະມາຊິກຂອງຫົກປະເທດສະພາການ ຮ່ວມມືໃນເຂດ
ອ່າວເປີເຊຍ.
ອົງການຂ່າວ KUNA ຂອງລັດຖະບານຄູເວດກ່າວວ່າ Sheik Sabah al-Ahmad al-Sabah ໄດ້ຮຽກຮ້ອງໃຫ້ກະສັດຜູ້ປົກຄອງກາຕ້າ Sheik Tamim bin Hamad
Al Thani “ໃຊ້ຄວາມຍັບຢັ້ງຕົນເອງ ແລະຫລີກເວັ້ນຈາກການ ເອົາບາດກ້າວທີ່ຈະ
ເຮັດໃຫ້ສະຖານະການຮ້າຍແຮງຂຶ້ນຕື່ມ.”
Sheik Mohammed ກ່າວຕໍ່ໂທລະພາບ Al Jazeera ວ່າປະເທດຂອງທ່ານ “ບໍ່
ໄດ້ສະແດງໃຫ້ເຫັນວ່ າວິກິດການພ້ອມແລ້ວ ທີ່ຈະເກີດຂຶ້ນ” ແລະບັນຫານີ້ ຄວນຈະ
ໄດ້ຖືກສົນທະນາຢູ່ກອງປະຊຸມສະພາການຮ່ວມມືໃນເຂດອ່າວເປີເຊຍຫຼື GCC ຫລື
ກອງປະຊຸມສຸດຍອດ ອາຣັບ ອິສລາມ ອາເມຣິກັນ ໃນເດືອນແລ້ວນີ້.
ທ່ານກ່າວຢໍ້າເຖິງນໍ້າສຽງທ້າທາຍຂອງກາຕ້າ ໂດຍເວົ້າວ່າປະເທດດັ່ງກ່າວໄດ້ປະຕິ
ເສດຕໍ່ບັນດາປະເທດເຫຼົ່ານັ້ ທີ່ຈະ “ພະຍາຍາມບັງຄັບໃຫ້ກາຕ້າປະຕິບັດ
ຕາມ ຫລືກ້າວກ່າຍກິດຈະການພາຍໃນຂອງຕົນ.”
ກະຊວງຕ່າງປະເທດກ່າວໃນວັນຈັນວານນີ້ວ່າ ມາດຕະການດັ່ງກ່າວ “ບໍ່ມີເຫດຜົນ
ແລະອີງຕາມເລື່ອງທີ່ບໍ່ມີມູນຄວາມຈິງ ແລະການກ່າວຫາທີ່ບໍ່ຖືກຕ້ອງ.”
ລັດຖະມົນຕີຕ່າງປະເທດສະຫະລັດ ທ່ານ Rex Tillerson ໄດ້ກ່າວຢໍ້າໃນວັນອັງ
ຄານມື້ນີ້ວ່າ ສະຫະລັດຫວັງວ່າ ບັນດາປະເທດທີ່ພົວພັນສາມາດໃຊ້ການສົນທະນາ
ເພື່ອແກ້ໄຂຄວາມແຕກຕ່າງຂອງພວກເຂົາເຈົ້າ ທີ່ນຳໄປສູ່ວິກິດການ.