ສຳນັກ Vatican ໄດ້ເປີດເຜີຍຈົດໝາຍທີ່ສຳຄັນຂອງພະສັນຕະ
ປາປາ Francis ໂດຍກ່າວວ່າ ບັນຫາໂລກຮ້ອນ ແມ່ນເກີດມາ
ຈາກ ການກະທຳຂອງມະນຸດເປັນສ່ວນໃຫຍ່ ແລະ ເອີ້ນວ່າ ເປັນ
ນຶ່ງໃນບັນຫາທີ່ສຳຄັນທີ່ສຸດຂອງທຸກມື້ນີ້.
ຈົດໝາຍທີ່ມີການເປີດເຜີຍຂອງພະສັນຕະປາປາໃນວັນພະຫັດ
ມື້ນີ້ທີ່ຍາວ 191 ໜ້າ ກ່າວວ່າ “ມີຄວາມເປັນເອກະພາບກັນຢ່າງ
ແໜ້ນແກ່ນ ທາງວິທະຍາສາດ ສະແດງໃຫ້ເຫັນວ່າ ປະຈຸບັນນີ້
ພວກເຮົາກຳລັງຮູ້ເຫັນສະພາບຄວາມຮ້ອນທີ່ໜ້າລຳຄານຈາກ
ລະບົບດິນຟ້າອາກາດ.”
ຈົດໝາຍກ່າວຕໍ່ໄປວ່າ “ມວນມະນຸດທັງຫຼາຍແມ່ນຖືກຮຽກຮ້ອງໃຫ້ ຮັບຮູ້ເຖິງຄວາມຈຳເປັນ ໃນການປ່ຽນແປງວິຖີຊີວິດການເປັນຢູ່, ການຜະ ລິດ ແລະ ການບໍລິໂພກ, ເພື່ອຕໍ່ສູ້ກັບຄວາມຮ້ອນ ຫຼື ຢ່າງໜ້ອຍກໍສາເຫດທີ່ເກີດຂຶ້ນຈາກມະນຸດເຊິ່ງຜະລິດ ຫຼື ຊ້ຳເຕີມມັນ,”
ພະສັນຕະປາປາ Francis ຍັງໄດ້ເນັ້ນເຖິງຄວາມສຳຄັນຂອງການຕໍ່ ຕ້ານຄວັນພິດ ແລະ ປົກປ້ອງແຫຼ່ງນ້ຳຕ່າງໆ. ພ້ອມກັນນັ້ນພະອົງຍັງຮຽກຮ້ອງໃຫ້ຫັນປ່ຽນຈາກການໃຊ້ເຊື້ອໄຟທີ່ ມາຈາກ ຊາກພືດແລະສັດ ຢ່າງຫຼວງຫຼາຍ ແລະ ກ່າວວ່າ ອັນທີ່ເອີ້ນວ່າ ຄາບອນ ເຄຣດິດ ນັ້ນ ແມ່ນບໍ່ໄດ້ຜົນ.
ຈົດໝາຍຂອງພະສັນຕະປາປາ, ເຊິ່ງເປັນເອກະສານທີ່ສູງສຸດອັນດັບສອງນັ້ນ,ໄດ້ມີການເປີດ ເຜີຍໃຫ້ຊາບ ກ່ອນການຢ້ຽມຢາມສະຫະລັດຂອງພະອົງໃນເດືອນກັນຍາ ແລະ ເຂົ້າຮ່ວມກອງປະຊຸມໃຫຍ່ຂອງສະ ຫະປະຊາຊາຊາດ ກ່ຽວກັບ ການປ່ຽນແປງຂອງດິນຟ້າ ອາກາດໃນນະ ຄອນຫຼວງ Paris ທ້າຍປີນີ້.
ເອກະສານດັ່ງກ່າວແມ່ນສະທ້ອນໃຫ້ເຫັນຢ່າງຕໍ່ເນື່ອງໃນທັດສະນະທ່າທີ ທີ່ຂ້ອນຂ້າງຈະ ກ້າວ ໜ້າຂອງພະສັນຕະປາປາ ຊາວ Argentina ຜູ້ ນີ້. ພະອົງຍັງໄດ້ຮຽກຮ້ອງໃຫ້ສາສະ ໜາກາໂຕລິກໃຫ້ການຕ້ອນຮັບເພີ້ມຂຶ້ນຕໍ່ພວກຮັກຮ່ວມເພດ ແຕ່ບໍ່ໃຫ້ເພັ່ງເລັງຈົນເກີນໄປ ໃສ່ບັນຫາທີ່ຖົກຖຽງກັນ ກ່ຽວພັນກັບການແທ້ງລູກ ແລະການແຕ່ງງານ ຂອງເພດດຽວກັນ ນັ້ນ.
