ລິ້ງ ສຳຫລັບເຂົ້າຫາ

ວັນເສົາ, ໑໓ ກໍລະກົດ ໒໐໒໔

ຟິລິບປິນ ປະຕິເສດຕໍ່ຂໍ້ສະເໜີຊ່ວຍເຫຼືອຂອງສະຫະລັດ ທ່າມກາງຄວາມເຄັ່ງຕຶງໃນທະເລຈີນໃຕ້


ຟິລິບປິນ-ຈີນ-ການປ້ອງກັນໂຕປະເທດ-ການທູດ
ຟິລິບປິນ-ຈີນ-ການປ້ອງກັນໂຕປະເທດ-ການທູດ

ຟີ​ລິບ​ປິນ​ໄດ້​ປະຕິ​ເສດ​ຂໍ້​ສະ​ເໜີ​ຂອງ​ ສະຫະລັດ ໃນ​ການ​ຊ່ວຍ​ເຫຼືອ​ການ​ປະຕິບັດການໃນ​ທະ​ເລ​ຈີນ​ໃຕ້, ພາຍຫຼັງເກີດ​ການ​ປະ​ທະ​ກັນ​ກັບ​ຈີນ​ ກ່ຽວ​ກັບ​ວຽກ​ງານ​ການເສີມກຳລັງໃຫ້​ທະຫານ​ຟີ​ລິບ​ປິນຄືນ​ໃໝ່ ​ຢູ່​ເຂດ​ເກາະຫາດຊາຍ​ທີ່​ມີ​ການ​ຂັດແຍ້ງກັນ, ຜູ້ບັນຊາການທະຫານຂອງຟິລິບປິນກ່າວ, ອີງຕາມອົງການຂ່າວ Reuters.

ຄວາມ​ເຄັ່ງ​ຕຶງ​ໃນນ່ານ​ນ້ຳ​ທີ່​ມີ​ການ​ຂັດ​ແຍ້ງ​ກັນ​ໄດ້ເພີ້ມຂຶ້ນ ຈົນກາຍເປັນຄວາມ​ຮຸນ​ແຮງ ໃນ​ປີ​ທີ່​ຜ່ານ​ມາ, ໂດຍ​ທະຫານເຮືອ​ຟີ​ລິບ​ປິນ​ຄົນ​ນຶ່ງ​ໄດ້​ສູນເສຍ​ນິ້ວ​ມື​ນຶ່ງນິ້ວໄປ ໃນ​ການ​ປະ​ທະ​ກັນ​ຄັ້ງ​ຫຼ້າ​ສຸດ​ໃນ​ວັນ​ທີ 17 ມິ​ຖຸ​ນາ​ຜ່ານ​ມາ ທີ່ລັດຖະບານ ​ມະ​ນີ​ລາ​ໄດ້ເອີ້ນວ່າ "ການ​ແລ່ນຕໍາ​ດ້ວຍ​ຄວາມ​ໄວ​ສູງ​ໂດຍ​ເຈດ​ຕະ​ນາ".

ສະຫະລັດ, ເຊິ່ງເປັນພັນທະມິດຕາມສົນທິສັນຍາ, ໄດ້ສະເໜີໃຫ້ການສະໜັບສະ ໜູນ ແຕ່ ມະນິລາ ເລືອກທີ່ຈະຈັດການກັບການດຳເນີນການຕ່າງໆດ້ວຍຕົນເອງ, ນາຍພົນ ໂຣມີໂອ ບຣາວເນີ (Romeo Brawner), ຫົວໜ້າກອງກຳ ລັງປະກອບອາວຸກ່າວຕໍ່ ອົງການຂ່າວ Reuters ໃນຕອນແລງວັນພະຫັດ.

ໂດຍທ່ານກ່າວວ່າ "ແມ່ນແລ້ວ, ແນ່ນອນ, ພວກເຂົາໄດ້ສະເໜີການຊ່ວຍເຫຼືອ ແລະພວກເຂົາກໍຖາມພວກເຮົາວ່າ ພວກເຂົາຈະສາມາດຊ່ວຍພວກເຮົາໃນທາງໃດທາງນຶ່ງໄດ້ແນວໃດ."

"ພວກເຮົາພະຍາຍາມໃຊ້ທາງເລືອກທີ່ເປັນໄປໄດ້ທັງໝົດ ທີ່ພວກເຮົາມີກ່ອນທີ່ພວກເຮົາຈະຂໍຄວາມຊ່ວຍເຫຼືອ."

ມານີລາ ແລະ ວໍຊິງຕັນ ຜູກມັດກັນດ້ວຍສົນທິສັນຍາປ້ອງກັນປະເທດຮ່ວມກັນ ປີ 1951 ຫຼື MDT, ເຊິ່ງເປັນສົນທິສັນຍາທາງດ້ານການທະຫານ ທີ່ສາມາດ ນຳໄປໃຊ້ໄດ້ ໃນກໍລະນີທີ່ມີການໂຈມຕີດ້ວຍກຳລັງອາວຸດ ຕໍ່ກອງກຳລັງຟີລິບປິນ, ກຳປັ່ນສາທາລະນະ ຫຼື ເຮືອບິນ ຢູ່ທະເລຈີນໃຕ້.

ການ​ປະ​ທະ​ກັນ​ລະຫວ່າງ​ຟີ​ລິບ​ປິນ ​ແລະ​ຈີນ​ໃນ​ເຂດ​ນ່ານ​ນ້ຳ​ທີ່​ມີ​ຄວາມຂັດແຍ້ງ​ກັນ​ຫຼາຍ​ທີ່​ສຸດ​ຂອງ​ເອເຊຍ ​ໄດ້​ເກີດຖີ່​ຂຶ້ນ​ເລື້ອຍໆ ​ໃນ​ປີ​ທີ່​ຜ່ານ​ມາ ​ເນື່ອງ​ຈາກ​ປັກ​ກິ່ງ​ໄດ້​ເນັ້ນຍໍ້າການ​ອ້າງເອົາສິດໃນນ່ານນໍ້າດັ່ງກ່າວ ​ແລະ​ ​ມະ​ນີ​ລາ​ຍັງ​ສືບ​ຕໍ່​ປະຕິບັດ​ໜ້າ​ທີ່​ເພື່ອ​ນຳ​ເອົາ​ສະບຽງໄປ​ໃຫ້​ທະຫານ​ທີ່​ອາ​ໄສ​ຢູ່​ເທິງ​ກຳ​ປັ່ນ​ລົບ​ຮ້າງ​ທີ່ຈອດຢູ່ເທິງຫາດຊາຍ​ທີ່ມີ​ການຂັດແຍ້ງກັນ.

ຜູ້ສັງເກດການບາງຄົນ, ລວມທັງອະດີດຮອງທີ່ປຶກສາດ້ານຄວາມໝັ້ນຄົງແຫ່ງຊາດຂອງສະຫະລັດ ທ່ານ ແມັທ ພັອດທິງເຈີ (Matt Pottinger), ໄດ້ຮຽກຮ້ອງໃຫ້ກອງທັບເຮືອສະຫະລັດ ໃຫ້ການສະໜັບສະໜູນໂດຍກົງຕໍ່ພາລະກິດເສີມກຳລັງດັ່ງກ່າວ.

ອ່ານຂ່າວເປັນພາສາອັງກິດລຸ່ມນີ້:

The Philippines has turned down offers from the United States to assist operations in the South China Sea, after a flare-up with China over missions to resupply Filipino troops on a contested shoal, its military chief said.

Tensions in the disputed waterway have boiled over into violence in the past year, with a Filipino sailor losing a finger in the latest June 17 clash that Manila described as “intentional-high speed ramming” by the Chinese coast guard.

The US, a treaty ally, has offered support but Manila prefers to handle operations on its own, Armed Forces Chief General Romeo Brawner told Reuters late Thursday.

“Yes, of course, they have been offering help and they asked us how they could help us in any way,” he said.

“We try to exhaust all possible options that we have before we ask for help.”

Manila and Washington are bound by the 1951-Mutual Defense Treaty (MDT), a military pact that can be invoked in the case of armed attacks on Philippine forces, public vessels, or aircraft in the South China Sea.

Confrontations between the Philippines and China in Asia's most contested waters have increased in frequency over the past year as Beijing has pressed its claim to the waterway and Manila continued missions to bring supplies to soldiers living aboard a rusty, aging warship that it grounded on a contested shoal.

Some observers, including former deputy US National Security Adviser Matt Pottinger, have called for direct US naval support for the resupply missions.

ຟໍຣັມສະແດງຄວາມຄິດເຫັນ

XS
SM
MD
LG