ລິ້ງ ສຳຫລັບເຂົ້າຫາ

ວັນອາທິດ, 04 ທັນວາ 2022

ການສູ້ລົບກັນ ໃນພາກໃຕ້ ຟີລິບປິນ ຍັງດຳເນີນ ຢູ່ຕໍ່ມາ (ວີດີໂອ)


Les membres de la Garde nationale tunisienne prennent position dans la banlieue d’Oued Ellil de Tunis où une fusillade a eu lieu, en Tunisie, le jeudi 23 octobre 2014.
ການສູ້ລົບກັນ ຢູ່ໃນພາກໃຕ້ຂອງຟີລິບປິນ ຍັງດຳເນີນຢູ່ຕໍ່ມາໃນ
ວັນອາທິດມື້ນີ້ ຂະນະທີ່ທະຫານລັດຖະບານທຳການບຸກໂຈມຕີ ເພື່ອເຂົ້າຢຶດເອົາທີ່ໝັ້ນຂອງພວກກະບົດມຸສລິມຄືນຫຼັງຈາກໄດ້
ມີການປະທະກັນເປັນເວລາ 7 ມື້.

ປະກົດວ່າ ການສູ້ລົບກັນໃນຮອບລ່າສຸດຫຼ້າສຸດນີ້ ໄດ້ເຮັດໃຫ້
ຂໍ້ຕົກລົງຢຸດຍິງທີ່ຮອງປະທານາທິບໍດີຟີລິບປິນທ່ານ Jejomar
Binay ກ່າວໃນຕອນແລງ ຂອງມື້ວັນສຸກຜ່ານມາວ່າ ທ່ານໄດ້
ບັນລຸ ກັບຜູ້ນຳຂອງກຸ່ມກະບົດ ທ່ານ Nur Misuari ນັ້ນ ແຕກ
ຫັກລົງ.

ກອງທັບຟີລິບປິນກ່າວວ່າ ມີຜູ້ເສຍຊີວິດຢ່າງໜ້ອຍ 53 ຄົນ ໃນການສູ້ລົບດັ່ງກ່າວ ຊຶ່ງ 43 ຄົນໃນຈຳນວນນີ້ແມ່ນເປັນພວກກະບົດ.

ການປະເຊີນໜ້າໄດ້ເລີ້ມຂຶ້ນໃນມື້ວັນຈັນຜ່ານມາເວລາພວກກະບົດຂອງກຸ່ມແນວໂຮມປົດ
ປ່ອຍແຫ່ງຊາດ Moro ຫລື FNLF ບຸກໂຈມຕີເມືອງທ່າ Zamboanga ໂດຍໄດ້ຈັບພວກ ໂຕປະກັນຈຳນວນນຶ່ງ ທີ່ເຈົ້າໜ້າທີ່ເວົ້າວ່າ ພວກເຂົາຈະໃຊ້ເປັນເຄື່ອງກຳບັງນັ້ນ.

ເມືອງ Zamboanga ໄດ້ປິດໂຮງຮຽນ ແລະໂຮງການຕ່າງໆ ຂອງລັດຖະບານສ່ວນໃຫຍ່ກໍ ໄດ້ອັດລົງ ຂະນະທີ່ຖ້ຽວບິນທັງໄປຫາແລະອອກຈາກຂົງເຂດດັ່ງກ່າວຍັງມີການປິດຢູ່.

ແຕ່ແນວໃດກໍຕາມ ຫ້າທະນາຄານທີ່ຢູ່ຫ່າງໄກສົມຄວນ ຈາກບ່ອນທີ່ເກີດການປະທະກັນ
ໃນເມືອງ Zamboanga ຕົກລົງທີ່ຈະໄຂກິດຈະການຄືນໃນວັນອາທິດມື້ນີ້ຫຼັງຈາກໄດ້ປິດ ລົງເວລາການປະທະກັນເລີ້ມຂຶ້ນນັ້ນ.

ການສູ້ລົບກັນທີ່ວ່ານີ້ ໄດ້ເຮັດໃຫ້ປະຊາຊົນຫຼາຍກວ່າ 65 ຄົນຕ້ອງໄດ້ອົບພະຍົບຫລົບໜີ ແລະມີບ້ານເຮືອນຫລາຍໆຮ້ອຍຫຼັງໄດ້ຖືກຈູດເຜົາ.

Philippines Rebels
please wait
Embed

No media source currently available

0:00 0:01:01 0:00

ທ່ານອາດຈະມັກເລື້ອງນີ້ຄືກັນ

XS
SM
MD
LG