ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ໂຕປະກັນສະວິດເຊີແລນ ຫລົບໜີຈາກ ຄົນຮ້າຍມາໄດ້ ທີ່ຟີລິບປີນ


ພວກທະຫານຢືນຍາມ ທີ່ຖະໜົນສາຍນຶ່ງ ໃນເຂດໝູ່ບ້ານແຫ່ງນຶ່ງ ທີ່ເກາະ Jolo, ພາກໃຕ້ຟີລິບປີນ, ວັນທີ 17 ຕຸລາ 2014.
ພວກທະຫານຢືນຍາມ ທີ່ຖະໜົນສາຍນຶ່ງ ໃນເຂດໝູ່ບ້ານແຫ່ງນຶ່ງ ທີ່ເກາະ Jolo, ພາກໃຕ້ຟີລິບປີນ, ວັນທີ 17 ຕຸລາ 2014.

ຜູ້​ຊາຍຄົນສະ​ວິດ​ເຊີ​ແລນຜູ້​ນຶ່ງ​ ທີ່​ຖືກ​ພວກ​ຫົວຮຸນ​ແຮງ​ລັດ​ອິສ
ລາມ​ລັກພາ​ໂຕ​ໄປ ​ໃນ​ພາກ​ໃຕ້​ຂອງ​ຟີ​ລິບ​ປີນ​ ​ເມື່ອ​ເກືອບ 3 ປີ
ຜ່ານມາ ​ໄດ້​ຖືກ​ຊ່ອຍ​ຊີວິດ ​ໃນ​ເກາະ ​ໂຮ​ໂລ ​ໃນ​ພາກ​ໃຕ້​ຂອງ​
ຟີ​ລິບ​ປີນ.

ພັນ​ເອກ Restituto Padilla ໂຄສົກ​ກອງທັບ​ຟີ​ລິບ​ປີນ ກ່າວ​
ວ່າ “ຈາກ​ຂ່າວ​ທີ່​ພວກ​ເຮົາ​ໄດ້​ຮັບ​ນັ້ນ ທ່ານ Vinciguerra ​
ໄດ້ມີ​ໂອກາດ​ ທີ່​ອຳນວຍໃຫ້​ທ່ານ​ໄດ້​ຍຶດ​ເອົາ​ອາວຸດຊະນິດ​
ນຶ່ງ ທີ່​ຄື​ກັນ​ກັບ​ພ້າ​ໃຫຍ່​ດວງ​ນຶ່ງ​ ຈາກ​ພວກ​ຈັບ​ກຸມລາວ ​
ແລະ​ກໍ​ໄດ້ໃຊ້​ພ້າດ​ວງນີ້​ໂຈມ​ຕີ​ ​ຄົນ​ຍາມ​ລາວ ​ເຮັດ​ໃຫ້​ຄົນ
​ຍາມ​ໄດ້​ຮັບ​ບາດ​ເຈັບຊຶ່ງ​ອຳນວຍ​ໃຫ້ລາວ ແລ່ນ​ໜີໄປ​ຍັງ
ບ່ອນ​ທີ່ປອດ​ໄພໄດ້.”

ທ່ານ Lorenzo Vinciguerra ​ແລ່ນ​ໜີ​ຈາກ​ພວກ​ຫົວ​ຮຸນ​ແຮງ​ກຸ່ມ Abu Sayyaf ​ໃນ​ວັນ
ເສົາ​ວານ​ນີ້ ​ໃນ​ລະຫວ່າງ​ການ​ຍິງ​ປືນ​ຕໍ່ສູ້​ກັນ​ກັບ​ພວກ​ທະຫານ​ຟີ​ລິບ​ປີນ. ລາວໄດ້​ຮັບ​ບາດ
ເຈັບ ​ໃນ​ການ​ແລ່ນ​ຫລົບໜີ​ຈາກ​ພວກ​ຫົວ​ຮຸນ​ແຮງນັ້ນ ​ແລະ​ຕໍ່​ມາ​ພວກ​ທະຫານ​ຟີ​ລິບ​ປີນ ​
ໄດ້​ພົບ​ເຫັນ​ລາວ.

ບັນດາ​ເຈົ້າ​ໜ້າ​ທີ່ ກ່າວ​ວ່າ ທ່ານ Viciguerra ໄດ້​ຖືກ​ນຳ​ໄປ​ພັກຜ່ອນຢູ່​ໂຮງໝໍ ​ເພື່ອ​ປິ່ນປົວ​
ບາດ​ແຜ​ ທີ່ບໍ່​ຮ້າຍ​ແຮງ​ເຖິງ​ຂັ້ນ​ອັນຕະລາຍ​ຕໍ່​ຊີວິດ.

ບັນດາ​ເຈົ້າ​ໜ້າ​ທີ່​ກ່າວ​ວ່າ ຄົນ Netherlands ຄົນ​ນຶ່ງ ​ຄື​ທ່ານ Ewold Horn ທີ່​ໄດ້​ຖືກ​ລັກ
ພາ​ໂຕ​ໄປ​ພ້ອມ​ກັນ​ກັບ​ທ່ານ Vinciguerra ນັ້ນ ຍັງ​ບໍ່​ທັນ​ໄດ້​ຮັບ​ການ​ຊ່ອຍ​ຊີວິດ​ໄວ້​ເທື່ອ
​ແຕ່​ກໍ​ບໍ່​ມີ​ຂ່າວ​ຄາວ​ໃດໆ ກ່ຽວ​ກັບ​ທ່ານ ໃນ​ເວລາ​ນີ້.

philippineshostage7december14
please wait

No media source currently available

0:00 0:01:10 0:00

XS
SM
MD
LG