ທ່ານນາງ Keiko Fujimori, ລູກສາວຂອງອະດີດປະທານາທິບໍດີ ເປຣູ ທີ່ຖືກຂັງຄຸກຢູ່ ທ່ານ Alberto Fujimori ໄດ້ຮັບໄຊຊະນະຮອບທຳອິດຂອງການເລືອກຕັ້ງເອົາຕຳແໜ່ງ ປະທານາທິບໍດີໃນປະເທດ ເປຣູ, ອີງຕາມການນັບຄະແນນສຽງສ່ວນໜຶ່ງ.
ນັກການເມືອງແນວທາງກາງ-ຂວາ ໄດ້ຮັບໄຊຊະນະດ້ວຍຄະແນນ 38 ເປີເຊັນໃນການ ນັບຄະແນນສຽງວັນອາທິດວານນີ້. ນາຍທະນາຄານ Wall Street ທ່ານ Pedro Pablo Kuczynski ໄດ້ຮັບຄະແນນສຽງປະມານ 25 ເປີເຊັນ. ນັກຊາດນິຍົມທ່ານນາງ Veronika Mendoza ມີຄະແນນເປັນອັນດັບ 3 ເຊິ່ງຕ່ຳກວ່າ 20 ເປີເຊັນ. ຜົນຄະແນນ ຄັ້ງສຸດທ້າຍຈະຖືກປະກາດໃນຕອນແລງຂອງວັນຈັນມື້ນີ້.
ທ່ານນາງ Fujimori ຈະເປັນປະທານາທິບໍດີແມ່ຍິງຄົນທຳອິດຂອງປະເທດ ເປຣູ ຖ້າຫາກ ວ່າ ທ່ານນາງໄດ້ຮັບໄຊຊະນະໃນການແຂ່ງຂັນຂັ້ນຊີີ້ຂາດ ລະຫວ່າງ ຜູ້ລົງແຂ່ງຂັນ 2 ຄົນ ໃນເດືອນມິຖຸນານີ້.
ການເລືອກຕັ້ງຂອງທ່ານນາງບໍ່ແມ່ນສິ່ງທີ່ແນ່ນອນ ໃນຂະນະທີ່ປະຊາຊົນ ເປຣູ ໄດ້ປະຕິ ຍານຕົນວ່າຈະບໍ່ເລືອກເອົາຄົນໃດທີ່ມີສ່ວນ ກ່ຽວຂ້ອງກັບພໍ່ຂອງທ່ານນາງ.
ທ່ານນາງ Fujimori ໄດ້ພະຍາຍາທີ່ຈະແຍກຕົນເອງອອກຈາກການກຳອຳນາດທີ່ຜະເດັດ ການຂອງພໍ່ຂອງທ່ານນາງໃນ ເປຣູ ຈາກປີ 1990 ຫາປີ 2000. ອະດີດປະທານາທິບໍດີ ທີ່ ມີອາຍຸ 77 ປີ ຕອນນີ້ແມ່ນກຳລັງຖືກຂັງຄຸກ 25 ປີຍ້ອນການລະເມີດສິດທິມະນຸຸດ ແລະ ການສໍ້ລາດບັງຫຼວງ ໃນລະຫວ່າງການດຳລົງຕຳແໜ່ງຂອງທ່ານຢູ່.
ອ່ານຂ່າວເລື່ອງນີ້ເປັນພາສາອັງກິດ
