ລິ້ງ ສຳຫລັບເຂົ້າຫາ

ວັນອາທິດ, ໑໔ ກໍລະກົດ ໒໐໒໔

ທ່ານເພັນສ໌ ປະກາດວ່າ ສະຫະລັດ ຈະຍ້າຍ ສະຖານທູດ ໄປ ເຈຣູຊາແລັມ ໃນປີ 2019


ຮອງປະທານາທິບໍດີ ສະຫະລັດ ທ່ານໄມຄ໌ ເພັນສ໌ ແລະ ນາຍົກລັດຖະມົນຕີ ອິສຣາແອລ ທ່ານເບັນຈາມິນ ເນຕັນຢາຮູ.
ຮອງປະທານາທິບໍດີ ສະຫະລັດ ທ່ານໄມຄ໌ ເພັນສ໌ ແລະ ນາຍົກລັດຖະມົນຕີ ອິສຣາແອລ ທ່ານເບັນຈາມິນ ເນຕັນຢາຮູ.

ຫລັງ​ຈາກ​ປະກາດ​ວ່າ ສະຫະລັດ​ຈະ​ຍ້າຍ​ສະຖານທູດ​ຂອງ​ຕົນ ຢູ່​ໃນ​ອິສຣາ​ແອ​ລ ​ໄປ​ຍັງ
ນະຄອນ​ເຈຣູຊາ​ແລັມ​ໃນ​ທ້າຍ​ປີ 2019 ຮອງ​ປະທານາທິບໍດີ​ໄມ​ຄ໌ ​ເພັນ​ສ໌ ​ໄດ້ມ້ວນທ້າຍ
​ການ​ເດີນທາງ​ໄປ​ຢ້ຽມຢາມພາກຕາ​ເວັນ​ອອກ​ກາງ​ ເປັນ​ເວລາ​ສີ່​ວັນ​ໃນ​ວັນ​ອັງຄານ​ມື້​ນີ້
​ໂດຍ​ພົບ​ປະ​ກັບປະທານາທິບໍດີ​ອິສຣາ​ແອ​ລ​ແລະໄປ​ຢ້ຽມຢາມ​ສູນ​ກາງ​ໂຮ​ໂລ​ຄອດ​ທ໌
​ແລະ​ກຳ​ແພງ​ຟາກ​ຕາ​ເວັນ​ຕົກ.

ທ່ານ​ເພັນ​ສ໌ ກ່າວຢູ່ໃນຄຳປາໄສ​ຕໍ່ສະພາຄະ​ແນັ​ດ​ແຊັດ ​ໃນ​ນະຄອນ​ເຈຣູຊາ​ແລັມ ວ່າ
“​ໃນ​ຫລາຍ​ອາທິດ​ຕໍ່ໜ້າ​ນີ້ ລັດຖະບານ​ຂອງ​ພວກ​ເຮົາ​ ຈະສ້າງຄວາມ​ຄືບ​ໜ້າ​ໃຫ້ແກ່
ແຜນ​ການເປີດ​ສະຖານທູດ​ສະຫະລັດ​ຢູ່ນະຄອນເຈຣູຊາ​ແລັມແລະ​ສະຖານທູດ​ສະຫະ
ລັດ ຈະ​ເປີດ​ກ່ອນ​ທ້າຍ​ປີໜ້າສິ້ນສຸດລົງ.”

ທ່ານ​ກ່າວ​ເພີ້​ມອີກ​ວ່າ “ເຈຣູຊາ​ແລັມ ​ເປັນ​ນະຄອນຫລວງ​ຂອງ​ອິສຣາ​ແອ​ລແລະ ​ໃນ​ຂະ
ນະ​ດຽວ​ກັນ ປະທານາທິບໍດີ​ທຣໍາ​ໄດ້​ສັ່ງໃຫ້ກະຊວງ​ຕ່າງປະ​ເທດ ເລີ້ມ​ກະ ກຽມໃນຂັ້ນຕົ້
ນ ເພື່ອ​ຍົກ​ຍ້າຍ​ສະຖານ​ທູດ​ພວກ​ເຮົາ​ຈາກນະຄອນ​ແຕລ​ອາ​ວີ​ຟໄປ ​ນະຄອນ​ເຈຣູຊາ​ແລັມ.”

ການ​ຕັດສິນ​ໃຈ​ຂອງ​ປະທານາທິບໍດີ​ທຣໍາ ​ແມ່ນແຕກຕ່າງໄປຈາກນະ​ໂຍບາຍ​ສະຫະລັດ
​ທີ່​ມີ​ມາ​ແຕ່ດົນ​ນານ ທີ່ໄດ້ປ່ອຍ​ໃຫ້ຖານະ​ຂອງ​ນະຄອນ​ເຈຣູຊາ​ແລັມຢູ່​ເປັນ​ບັນຫາທີ່ຈະ
ໄດ້ຮັບການແກ້​ໄຂ ໃນ​ການເຈລະຈາລະຫວ່າງ ອິສຣາ​ແອ​ລແລະ​ປາ​ ແລ​ສ​ໄຕ​ນ໌.

ລັດຖະມົນຕີ​ກະຊວງ​ຕ່າງປະ​ເທດ​ສະຫະລັດ ທ່ານ​ເຣັກສ໌ ທິລ​ເລີ​ສັນ ​ໄດ້​ກ່າວ​ກ່ອນໜ້ານີ້​
ວ່າ ການ​ຍ້າຍ​ສະຖານທູດ​ຈະ​ໃຊ້​ເວລາ​ຢູ່​ຫຼາຍ​ປີ. ​ແຕ່​ໃນ​ວັນ​ຈັນ​ວານນີ້ໂຄສົກ​ກະຊວງ
ການຕ່າງປະ​ເທດ ທ່ານ​ນາງແຮ​ເຕີ​ ນາວ​ເອີ​ດທ໌ ​ໄດ້​ຢືນຢັນ​ວ່າ ລັດຖະບານ “ຈະ​ເລັ່ງລັດ
ກ່ຽວກັບແຜນການຂອງຕົນ ​ທີ່ຈະ​ເປີ​ດສະຖານທູດ​ສະ ຫະລັດ​ຢູ່​ນະຄອນ​ເຈຣູຊາ​ແລັມ ​
ແລະຈະ​ເປີດສະຖານທູດ​ກ່ອນ​ທ້າຍ​ປີສິ້ນສຸດລົງ.”

ທ່ານນາງນາວ​ເອີ​ດທ໌ໃຫ້ຂໍ້ສັງເກດ ຢູ່ໃນຖະແຫຼງການວ່າ “ທ່ານທິລເລີສັນແມ່ນເປັນທີ່
ຈະແຈ້ງຮັບຮູ້ວ່າເລື່ອງຄວາມປອດໄພ ແລະຄວາມໝັ້ນຄົງ ແມ່ນບູລິມະສິດສຳຄັນສຸດ.”

ທ່ານ​ເນ​ຕັນ​ຢາ​ຮູ ​ໄດ້​ຂອບ​ໃຈ ທ່ານ​ທຣໍາ ​ແລະ​ທ່ານເພັນ​ສ໌ ​ຕໍ່​ອັນ​ທີ່​ທ່ານ​ຮ້ອງ​ວ່າ “​ເປັນ​
ຄຳ​ເວົ້າທີ່ມີຄວາມສຳຄັນ​ປະຫວັດສາດ” ​ແລະການປະກາດ​ວ່າຄວາມ​ສຳພັນ​ລະຫວ່າງ
ສະຫະລັດ ກັບອິສຣາແອລວ່າ “ບໍ່​ເຄີຍ​ແໝ້ນແຟ້ນແບບ​ນີ້​ມາ​ກ່ອນ."

ທ່ານໄດ້ກ່າວຕໍ່ພວກນັກຂ່າວໃນເວລາຕໍ່ມາວ່າ ໃນອີກບໍ່ດົນ ຝ່າຍປາແລສໄຕນ໌ “ກໍຈະ
ຮັບເອົາຄວາມຈິງກ່ຽວກັບເຈຣູຊາແລັມທັງສອງຝ່າຍສາມາດບັນລຸການຕົກ ລົງໄດ້ໄວ​
ເທົ່າ​ໃດ ກໍຈະເຮັດໃຫ້ເປັນໂອກາດດີຂຶ້ນ ສຳລັບປະຊາຊົນ​ຂອງ​ເຮົາ​ທັງ​ສອງ.”

ອ່ານຂ່າວນີ້ຕື່ມເປັນພາສາອັງກິດ

Pence Middle East
please wait
Embed

No media source currently available

0:00 0:00:53 0:00

XS
SM
MD
LG