ຮອງປະທານາທິບໍດີສະຫະລັດ ທ່ານ Mike Pence ໄດ້ພົບປະກັບພວກອົບພະຍົບ
ທີ່ພາກັນຫຼົບໜີຄວາມຮຸນແຮງແລະວິກິດການໃນ Venezuela ເພື່ອຊອກຫາຄວາມ
ປອດໄພ ທີ່ໂບດ ແຫ່ງນຶ່ງໃນເມືອງ Cartagena ປະເທດ Colombia.
“ປະທານາທິບໍດີສະຫະລັດ ໄດ້ສົ່ງຂ້າພະເຈົ້າມາທີ່ນີ້ ພ້ອມດ້ວຍສານສານສະແດງ
ຄວາມເຫັນອົກເຫັນໃນຕໍ່ພວກຄອບຄົວທີ່ອົບພະຍົບຫລົບໄພຈາກ Venezuela,”
ຊຶ່ງທ່ານ Pence ໄດ້ບອກກັບພວກນັກຂ່າວໄວ້ເຊັ່ນນີ້ ແລະກ່າວຕໍ່ໄປວ່າ “ພວກເຮົາ
ຢູ່ຂ້າງພວກເຂົາເຈົ້າ. ພວກເຮົາຈະຢືນຢູ່ຄຽງຂ້າງພວກເຂົາເຈົ້າໃນການທີ່ຈະຟື້ນຟູ
ປະຊາທິປະໄຕໃນ Venezuela.”
ຫ້າງຮ້ານຕ່າງໆແມ່ນຂາດເຄື່ອງຂອງໃຊ້ສອຍ ແລະຂອງຈຳເປັນສຳຄັນນັ້ນແມ່ນຍາກ
ທີ່ຈະຫາຊື້ໄດ້ ແລະກໍໄດ້ມີຊາວ Venezuela ຈຳນວນນຶ່ງພາກັນໜີເຂົ້າໄປໃນ Brazil
ແລະປະເທດ Colombia ເພື່ອຊື້ອາຫານການກິນ. ບາງພວກ ກໍບໍ່ກັບຄືນເມືອເລີຍ.
ທ່ານ Pence ໄດ້ກ່າວຢ້ຳຄືນ ໃນອັນທີ່ທ່ານໄດ້ບອກກັບປະທານາທິບໍດີ Juan Manuel Santos ໃນວັນອາທິດຜ່ານມານີ້ວ່າ -- ສະຫະລັດ “ຈະບໍ່ຢືນຢູ່ລ້າ ໃນຂະນະທີ່ Ve-
nezuela ພັງທະລາຍລົງ ກາຍເປັນລະບອບຜະເດັດການ. ພວກເຮົາຈະບໍ່ຢືນລ້າ
ໃນຂະນະທີ່ Venezuela ກຳລັງລົ້ມສະລາຍລົງນັ້ນ.”
ທ່ານ Pence ບໍ່ໄດ້ກ່າວເຖິງການຂົ່ມຂູ່ຂອງທ່ານທຣຳ ທີ່ຈະໃຊ້ກຳລັງທາງທະຫານ
ເພື່ອຊ່ອຍຟື້ນຟູປະຊາທິປະໄຕໃນ Venezuela. ແຕ່ວ່າ ທ່ານໄດ້ກ່າວວ່າ “ການລົ້ມ
ສະລາຍຂອງ Venezuela ເປັນໄພຂົ່ມຂູ່ ຕໍ່ຄວາມປອດໄພ ແລະຄວາມວັດທະນາ
ຖາວອນຂອງຊີກໂລກນີ້ ແລະປະຊາຊົນຊາວອາເມຣິກັນນຳ.”
ທ່ານ Santos ໄດ້ບອກກັບ ທ່ານ Pence ວ່າ ບໍ່ມີປະເທດລາຕິນອາເມຣິກາ ປະເທດ
ໃດຈະຍອມຮັບການເອົາການແຊກແຊງທາງທະຫານຂອງສະຫະລັດໃນ Venezuela
ແລະນັ້ນ ບໍ່ແມ່ນເລື່ອງທີ່ຈະນຳເອົາມາພິຈາລະນາດ້ວຍຊ້ຳ.
ອ່ານຂ່າວນີ້ເພີ້ມຕື່ມເປັນພາສາອັງກິດ
