ໃນການສຶກສາທີ່ດຳເນີນໄປເປັນເວລາຫົກປີ ໂດຍໄດ້
ມີພວກພະຍາບານ ແລະນັກຊ່ຽວຊານດ້ານການແພດ
ຫຼາຍກວ່າ 136 ພັນຄົນເຂົ້າຮ່ວມນັ້ນ, ພວກນັກຄົ້ນ
ຄວ້າທີ່ໂຮງຮຽນແພດສາດຂອງມະຫາວິທະຍາໄລ
Harvard ທີ່ລັດ Massachusetts ພົບວ່າ ຄົນທີ່ກິນ
ຢາ ibuprofen ເປັນປະຈໍາໃນຍາມໃດທີ່ເຈັບຫົວ ຫຼືມີ
ອາການເຈັບປວດອື່ນໆນັ້ນ ສາມາດລົດຄວາມສ່ຽງຕໍ່
ການເປັນໂຣກພາຣ໌ກິນສັນ ຫລືໂຣກກະຕຸກຫລືສັ່ນ
ນັ້ນໄດ້ເກືອບຮອດ 40%.
ການກິນຢາ ibuprofen ນຶ່ງ ຫຼືສອງເມັດ ອາທິດລະສອງ
ເທື່ອຂຶ້ນໄປແມ່ນຖືວ່າເປັນການກິນຢ່າງເປັນປະຈໍາ. ຢາ
ແກ້ປວດອື່ນໆ ທີ່ບໍ່ຕ້ອງມີໃບສັ່ງຈາກໝໍ ຫລືຫາຊື້ໄດ້ໂດຍ
ທົ່ວໄປລວມທັງຢາ Aspirin ແລະ acetaminophen
ນັ້ນບໍ່ປາກົດໃຫ້ເຫັນວ່າມີຜົນປະໂຫຍດໃນການປ້ອງກັນ
ພະຍາດນີ້ໄດ້ ຄືກັບການກິນຢາ ibuprofen.
ຜູ້ຄົ້ນຄ້ວາຜູ້ນຶ່ງໃນການສຶຶກສານີ້
ທ່ານ Alberto Ascheiro
(ah-SCARE-oh) ກ່າວວ່າ
ຢາ ibuprofen ປາກົດວ່າມີຜົນ
ກະທົບແນວໃດແນວນຶ່ງຕໍ່ເສັ້ນ
ທາງຂອງເສັ້ນປະສາດ ທີ່ມີການ
ພົວພັນກັບການພາໃຫ້ເປັນໂຣກ
ກະຕຸກຫລື Parkinson’s
Disease. ພະຍາດທີ່ວ່ານີ້ ເປັນ
ອາການພິການທາງສະໝອງທີ່
ເຮັດໃຫ້ເກີດຄວາມລໍາບາກໃນ
ການເຄື່ອນໄຫວເໜັງຕິງ ແລະ
ເຮັດໃຫ້ກ້າມເນື້ອກະຕຸກຢ່າງທີ່
ບໍ່ສາມາດບັງຄັບໄດ້.
ຢ່າງໃດກໍຕາມ ທ່ານ Ascheiro ກ່າວວ່າ ໃນຕອນນີ້ ຜູ້ຊ່ຽວຊານ ຍັງບໍ່ ແນະນໍາໃຫ້ຄົນ
ເລີ້ມໃຊ້ຢາ ibuprofen ເພື່ອປ້ອງກັນໂຣກ Parkinson’s ນີ້ເທື່ອ, ຊຶ່ງໂດຍປົກກະຕິເປັນ
ພະຍາດທີ່ມັກຈູ່ໂຈມພວກຄົນທີ່ມີອາຍຸ 65 ປີຂຶ້ນໄປ. ທ່ານ Ascheiro ກ່າວດັ່ງນີ້:
“ພະຍາດ Parkinson’s ເປັນພະຍາດທີ່ຍັງບໍ່ປະກົດມີຫຼາຍ, ດັ່ງນັ້ນ ພວກເຮົາ
ຈຶ່ງບໍ່ຄາດຫວັງ ໃຫ້ຄົນຫລາຍໆລ້ານຄົນກິນຢາ ibuprofen ເພື່ອປ້ອງກັນພະ
ຍາດ Parkinson’s ໄວ້.”
ຜົນກະທົບດ້ານລົບຂອງການກິນຢາ ibuprofen ກໍຄື ຢານີ້ສາ ມາດເຮັດໃຫ້ກະເພາະ,
ໝາກໄຂ່ຫຼັງ, ຕັບ ແລະທໍ່ປັດສະວະມີບັນຫາໄດ້ຖ້າຫາກໃຊ້ຢ່າງບໍ່ລະມັດລະວັງ. ທ່ານ
Ascheiro ກ່າວວ່າເພີ່ມຕື່ມວ່າ ບັດນີ້ ພວກນັກຄົ້ນຄ້ວາຈະພາກັນວິໄຈວ່າ ຢານີ້ມີຜົນ
ປະໂຫຍດຫລືບໍ່ຕໍ່ພວກຜູ້ປ່ວຍທີ່ເປັນໂຣກກະຕຸກນີ້ແລ້ວ ທີ່ຄາດກັນວ່າມີຈໍານວນຫລາຍ
ເຖິງຫົກລ້ານຄົນໃນທົ່ວໂລກ. ທ່ານ Ascheiro ອະທິບາຍວ່າ:
“ສິ່ງທີ່ພວກເຮົາຕ້ອງພິສູດໃຫ້ໄດ້ແທ້ໆກໍຄືວ່າ ຖ້າພວກເຂົາເຈົ້າກິນຢາ ibuprofen
ແລ້ວ ອາການຂອງພວກເຂົາເຈົ້າຈະດີຂຶ້ນໃນໄລຍະຍາວ. ສະນັ້ນ ສິ່ງທີ່ພວກເຮົາ
ຕ້ອງເຮັດ ກໍຄືການທົດລອງຂະໜາດໃຫຍ່, ການທົດລອງທາງຄລີນິກ, ເພື່ອທົດ
ສອບວ່າຢາ ibuprofen ສາມາດມີປະໂຫຍດຕໍ່ຜູ້ປ່ວຍທີ່ເປັນພະຍາດ
Parkinson’s ນີ້ຫລືບໍ່”
ທ່ານສາມາດຊອກອ່ານກ່ຽວກັບການສຶກສາຄົ້ນຄວ້າທີ່ອະທິບາຍເຖິງການເຊື່ອມໂຍງທີ່ອາດ
ເປັນໄປໄດ້ ລະຫວ່າງການກິນຢາ ibuprofen ແລະການລົດຄວາມສ່ຽງຕໍ່ການເປັນພະຍາດ
Parkinson’s ຫລືໂຣກກະຕຸກນັ້ນໄດ້ ໃນວາລະສານກ່ຽວກັບເສັ້ນປະສາດ ຫລື Neurology.
