ປະທານາທິບໍດີປາແລສໄຕນ໌ ທ່ານ Mahmoud Abbas ກ່າວ
ວ່າ ທ່ານຕ້ອງການຫລີກລ່ຽງ ການເພີ້ມຄວາມຮຸນແຮງ ກັບອິສ
ຣາແອລ ທີ່ເປັນຄຳຖະແຫຼງໂດຍ ກົງ ນັບແຕ່ຄວາມບໍ່ສະຫງົບ
ໄດ້ແຜ່ລາມອອກໄປ ຫວ່າງບໍ່ເທົ່າໄດມື້ທີ່ຜ່ານມານີ້ແລະກໍ່ໃຫ້
ເກີດຄວາມຢ້ານກົວກ່ຽວກັບການລຸກຮືຂື້ນຄັ້ງໃໝ່.
ການໃຫ້ຄວາມເຫັນຂອງທ່ານ ມີຂື້ນໃນວັນອັງຄານວານນີ້ ໃນ
ຂະນະທີ່ກຳລັງທະຫານອິສຣາແອລປະທະກັບພວກຊາວໜຸ່ມ
ປາແລສໄຕນ໌ລະຫວ່າງການປະທ້ວງ ຢູ່ດ່ານກວດແຫ່ງນຶ່ງ ທີ່
ຕັ້ງຢູ່ລະຫວ່າງນະຄອນ Jurusalem ແລະເມືອງ Ramallah
ທາງພາກຕາເວັນຕົກຂອງແມ່ນໍ້າຈໍແດນ.
ຊາວປາແລສໄຕນ໌ຫລາຍຮ້ອຍຄົນພາກັນປະທ້ວງຢູ່ດ່ານກວດ Qalandia ໂດຍການ
ແກວ່ງກ້ອນຫີນເຂົ້າໃສ່. ກຳລັງອິສຣາແອລ ທີ່ໃສ່ເຄື່ອງປາບຈາລະຈົນ ໄດ້ຍິງລູກປືນ
ຢາງ ແລະຍິງລະເບີດສຽງດັງ ເພື່ອຂັບໄລ່ຝູງຊົນ.
ຄວາມຮຸນແຮງລະຫວ່າງກຳລັງອິສຣາແອລ ແລະຊາວປາແລສໄຕນ໌ ໄດ້ເພີ້ມທະວີຂື້ນ
ໃນອາທິດທີ່ຜ່ານມາ ໂດຍສະເພາະ ຢູ່ທີ່ວັດສັກສິດ ທີ່ຕັ້ງຢູ່ທາງກ້ຳຕາເວັນ ອອກຂອງ
ນະຄອນ Jerusalem ທີ່ຊາວມຸສລິມເອີ້ນວ່າ ວັດ al-Aqsa ແລະຊາວຢີວເອີ້ນວ່າ ວັດ
Temple Mount ນັ້ນ.
ຊາວອິສຣາແອລ ສີ່ຄົນໄດ້ເສຍຊີວິດໃນອາທິດແລ້ວນີ້ ໃນການຍິງແລະແທງກັນ ຢູ່ໃນນະຄອນ Jerusalem ແລະຢູ່ທາງພາກຕາເວັນຕົກຂອງແມ່ນໍ້າ ຈໍແດນ ໃນຂະນະທີ່ກຳ
ລັງທະຫານອິສຣາແອລ ໄດ້ສັງຫານຊາວປາແລສໄຕນ໌ສີ່ຄົນ ຮວມ ທັງເດັກນ້ອຍຜູ້ຊາຍ
ອາຍຸ 13 ປີ ທ່າມກາງການປະທ້ວງທີ່ຮຸນແຮງ.
ຕຳຫລວດອິສຣາແອລ ຍັງໄດ້ຈັບກຸມຊາວປາແລສໄຕນ໌ຫ້າຄົນ ທີ່ຖືກກ່າວຫາວ່າ ຂີ່ລົດ
ຜ່ານໄປແລ້ວຍິງປືນເຂົ້າໃສ່ຜູ້ຄົນ ທີ່ເຮັດໃຫ້ຊາວອິສຣາແອລສອງຄົນເສຍຊີວິດ.
