ປາກີສຖານໄດ້ກ່າວຕິຕຽນສະຫະລັດ ທີ່ຕັດສິນໃຈໃຫ້ເງິນລາງວັນຈໍານວນ $10 ລ້ານ
ໂດລ່າ ສໍາລັບການຈັບກຸມຜູ້ກໍ່ຕັ້ງກຸ່ມຫົວຕໍ່ສູ້ກຸ່ມນຶ່ງ ທີ່ໄດ້ຖືກກ່າວຫາໃນການ ໂຈມຕີທີ່
ອິນເດຍນັ້ນ.
ນາຍ Hafiz Mohammad Saeed ເປັນຜູ້ກໍ່ຕັ້ງ ກຸ່ມ Laskar-e-Taiba ທີ່ມີ ຖານປະ
ຕິບັດການຢູ່ປາກີສຖານ ແລະຖືກກ່າວຫາວ່າເປັນຜູ້ວາງແຜນການໂຈມຕີທີ່ນະຄອນມຸມ
ບາຍ ສູນກາງການເງິນຂອງອິນເດຍ ທີ່ໄດ້ສັງຫານ 166 ຄົນ ຮວມ ທັງຊາວອາເມຣິກັນ
6 ຄົນນັ້ນ. ສະຫະລັດໄດ້ປະກາດລາງວັນສໍາລັບຂໍ້ມູນທີ່ນໍາໄປສູ່ການຈັບກຸມນາຍ Saeed
ໃນຕົ້ນອາທິດນີ້.
ນາຍົກລົດຖະມົນຕີ Yousuf Raza Gilani ໄດ້ກ່າວໃນວັນພະຫັດວານນີ້ວ່າສະຫະລັດ
ຄວນຈະບອກກ່າວ ໃຫ້ທາງປາກີສຖານຊາບກ່ອນ ກ່ອນທີ່ຈະທໍາການ ເຄື່ອນໄຫວແບບ
ນັ້ນ ເພາະວ່າຍັງບໍ່ມີຫຼັກຖານແໜ້ນໜາ ຕ້ານນາຍ Saeed ນັ້ນ. ທ່ານກ່າວອີກວ່າ ຖ້າ
ສະຫະລັດມີຫຼັກຖານທີ່ແໜ້ນໜາ ສະຫະລັດກໍຄວນຈະແບ່ງປັນ ໃຫ້ທາງການປາກີສຖານ
ຊາບນໍາ ເພາະປາກີສຖານມີລະບົບຕຸລາການທີ່ເປັນອິດສະລະ ບໍ່ຂຶ້ນກັບລັດຖະບານ.
ທ່ານ Gilani ໄດ້ກ່າວເຊ່ນນັ້ນຕໍ່ສະພາແຫ່ງຊາດປາກິສຖານ ທີ່ໄດ້ໄຂກອງປະຊຸມຄືນໃໝ່
ເພື່ອອະພິປາຍກ່ຽວກັບໂຄງຮ່າງໃໝ່ສໍາລັບການພົວພັນກັບສະຫະລັດ ລຸນຫລັງທີ່ໄດ້ເກີດ
ເຫດການສັງຫານທະຫານປາກິສຖານ 24 ຄົນຍ້ອນເຂົ້າໃຈຜິດ ໃນການໂຈມຕີຂ້າມຊາຍ
ແດນຂອງກໍາລັງເນໂຕ້ ເມື່ອເດືອນພະຈິກຜ່ານມານັ້ນ.
ແຕ່ແທນທີ່ຈະພິຈາລະນາຄືນເບິ່ງເລື່ອງສາຍພົວພັນກັບສະຫະລັດ ບັນດາຜູ້ແທນ ຝ່າຍຄ້ານ
ແລະຝ່າຍສາສະໜາ ໃນວັນພະຫັດວານນີ້ ກັບໄດ້ສຸມຄວາມສົນໃຈໃສ່ເລື່ອງທີ່ສະຫະລັດໄດ້
ປະກາດຈະຈ່າຍຄ່າລາງວັນນໍາຈັບ ນາຍ Saeed ແລະຕິຕຽນການຕັດສິນໃຈດັ່ງກ່າວວ່າ
ເປັນການແຊກແຊງເຂົ້າໃນກິດຈະການພາຍໃນຂອງ ປາກິສຖານ.
ໃນວັນພຸດຜ່ານມານີ້ ກະຊວງການຕ່າງປະເທດຂອງປາກີສຖານ ກ່າວວ່າ ຕົນ ຕ້ອງການ
ຫຼັກຖານສົນທະນາຕ່າງໆທາງໂທລະພາບ ແລະກ່າວຄໍາປາໄສຕໍ່ທີ່ຊຸມນຸມສາທາລະນະ ຊຶ່ງຜູ້ກ່ຽວໄດ້ກ່າວຕິຕຽນສະຫະລັດນັ້ນ.
ນາຍ Saeed ໄດ້ຫົວເລາະເຍາະເຍີ້ຍທາງວໍຊິງຕັນ ທີ່ໃຫ້ລາງວັນນໍາຈັບຄົນຜູ້ນຶ່ງ ທັ້ງໆ
ທີ່ຮູ້ດີຢູ່ແລ້ວວ່າ ຄົນຜູ້ນັ້ນຢູ່ໃສ່.
ການປະກາດໃຫ້ລາງວັນນໍາຈັບ ນາຍ Saeed ນັ້ນ ໄດ້ມີຂຶ້ນໃນຂະນະທີ່ ຮອງລັດຖະມົນຕີ
ກະຊວງການຕ່າງປະເທດສະຫະລັດ ທ່ານ Tom Nides ທໍາການ ພົບປະກັບລັດຖະມົນ
ຕີການຕ່າງປະເທດປາກິສຖານ ທ່ານນາງ Hina Rabbani Khar ທີ່ນະຄອນຫລວງ
Islamabad. ການຢ້ຽມຢາມຂອງທ່ານ Nides ຄັ້ງນີ້ ແມ່ນເພື່ອປົວແປງສາຍສໍາພັນທາງ
ການທູດກັບປາກິສຖານ.
