ບັນດາເຈົ້າໜ້າທີ່ປາກິສຖານ ກ່າວວ່າ ເຮືອບິນລົບອາຍພົ່ນ
ແລະກຳລັງພາກພື້ນ ດິນ ໄດ້ສັງຫານພວກຫົວຮຸນແຮງ 58
ຄົນສອງສາມມື້ຫລັງຈາກພວກນັກລົບ Taliban ໄດ້ໂຈມຕີ
ໂຮງຮຽນແຫ່ງນຶ່ງໃນເມືອງ Peshawar ທາງພາກຕາເວັນ
ຕົກສຽງເໜືອຂອງປະເທດ ໂດຍໄດ້ສັງຫານ 149 ຄົນ ສ່ວນ
ໃຫຍ່ ແມ່ນເດັກນ້ອຍ.
ໃນຂະນະທີ່ຊາວປາກິສຖານ ເລີ້ິມການໄວ້ອາໄລເປັນມື້ທີ
ສາມ ກອງທະຫານກໍໄດ້ດັກສະກັດໂຈມຕີ ແລະສັງຫານ
ພວກຫົວຮຸນແຮງຢ່າງໜ້ອຍ 50 ຄົນ ຢູ່ໃນເຂດຮ່ອມພູ
Tirah ໃນແຂວງ Khyber ໃກ້ກັບຊາຍແດນອັຟການິສ
ຖານ. ອີກແປດຄົນໄດ້ຖືກສັງຫານ ຢູ່ແຂວງ Baluchistan ທາງພາກຕາເວັນຕົກສຽງ
ໃຕ້ຂອງປະເທດ ຮວມທັງຜູ້ບັນຊາການຂັ້ນສູງຄົນນຶ່ງຂອງ Taliban.
ການສັງຫານໝູ່ ຢູ່ທີ່ໂຮງຮຽນຫລວງ ທີ່ຄວບຄຸມໂດຍທະຫານ ໃນເມືອງ Pershawar
ໃນວັນອັງຄານທີ່ຜ່ານມາ ໄດ້ສ້າງຄວາມຕື່ນຕົກໃຈຕໍ່ໂລກ ແລະເຮັດໃຫ້ນາຍົກລັດຖະມົນ
ຕີທ່ານ Nawaz Shariff ຍົກເລີກ ການໂຈະການ ນຳໃຊ້ໂທດປະຫານຊີວິດເປັນການ
ຊົ່ວຄາວ ໃນຄະດີກໍ່ການຮ້າຍ.
ໃນວັນພະຫັດວານນີ້ ຜູ້ບັນຊາການກອງທັບປາກິສຖານ ໄດ້ລົງນາມໃນຄຳສັ່ງ ປະຫານ
ພວກກໍ່ການຮ້າຍທີ່ເປັນແກນນຳ 6 ຄົນ.
ທາງກອງທັບບໍ່ໄດ້ເປີດເຜີຍລາຍຊື່ຂອງພວກທີ່ຖືກລົງໂທດ ແລະສື່ມວນຊົນທ້ອງຖິ່ນລາຍ
ງານ ພວກເຂົາຈະຖືກລະບຸໂຕກໍຕໍ່ເມື່ອຫລັງຈາກຖືກຂ້າຕາຍແລ້ວ.
ພິທີ ສົ່ງສະການ ໃຫ້ 141 ຄົນ ຢູ່ ປາກິສຖານ
ຄຳສັ່ງປະຫານດັ່ງກ່າວນີ້ບໍ່ສາມາດຂໍອຸທອນໄດ້ ແລະບັນດານັກໂທດຄາດວ່າຈະຖືກ
ແຂວນຄໍພາຍໃນບໍ່ເທົ່າໃດມື້ຕໍ່ໜ້ານີ້.
ພວກທີ່ຖືກລົງໂທດເຫຼົ່ານີ້ ໄດ້ຖືກກ່າວວ່າ ພົວພັນກັບການໂຈມຕີຂອງພວກຫົວ ຮຸນແຮງ
ຮວມທັງການບຸກຖະຫລົ່ມ ກອງບັນຊາການທະຫານປາກິສຖານ ໃນນະຄອນ Rawal-
pindi ແລະການພະຍາຍາມລອບສັງຫານ ອະດີດປະທານາ ທິບໍດີ Pervez Musharraf.
ອົງການນິລະກຳໂທດສາກົນ ແລະກຸ່ມປົກປ້ອງສິດທິມະນຸດ Human Right Warch ໄດ້
ປະນາມການຕັດສິນໃຈຂອງທ່ານ Sharif. ອົງການນິລະໂທດກຳສາກົນຮ້ອງການຕັດ
ສິນໃຈນີ້ວ່າ “ເປັນປະຕິກິລິຍາຢ່າງກະທັນຫັນ ທີ່ບໍ່ໄດ້ເຂົ້າເຖິງຫົວໃຈຂອງບັນຫາ.”
