ປາກີສຖານປະຕເສດຂ່າວທີ່ວ່າ ທະຫານຂອງຕົນເປັນຜູ້ລະດົມຍິງໃສ່ກໍາລັງອັຟການີສຖານ
ແລະເນໂຕ້ກ່ອນ ທີ່ໄດ້ເປັນຕົ້ນເຫດໃຫ້ມີການໂຈມຕີທາງອາກາດຂ້າມເຂດຊາຍແດນ ທີ່ໄດ້
ສັງຫານທະຫານປາກີສຖານ 24 ຄົນ.
ພົນຕີ Athar Abbas ໂຄສົກກອງທັບປາກີີສຖານກ່າວໃນວັນຈັນມື້ນີ້ ທີ່ວ່າການກ່າວອ້າງ
ທີ່ວ່າ ທະຫານປາກີສຖານໄດ້ເປີດສາກຍິງກ່ອນນັ້ນແມ່ນບໍ່ມີຄວາມຈິງ.
ພວກເຈົ້າໜ້າທີ່ປາກີສຖານກ່າວເມື່ອວັນອາທິດວານນີ້ວ່າ ທະຫານເນໂຕ້ ແລະທະຫານອັຟ
ການີຖສານ ທີ່ກໍາລັງທໍາການລາດຕະເວນຢູ່ໃກ້ຊາຍ ແດນຕິດກັບປາກີສຖານ ໄດ້ຖືກຍິງໃສ່
ກ່ອນທີ່ພວກເຂົາເຈົ້າຈະເອີ້ນໃຫ້ ເນໂຕ້ ມາໂຈມຕີທາງອາກາດ ທີ່ໄດ້ສັງຫານທະຫານປາ
ກີສຖານເມື່ອວັນເສົາ ຜ່ານມານັ້ນ.
ຄໍາບອກເລົ່າເມື່ອວັນອາທິດວານນີ້ ຂອງພວກເຈົ້າໜ້າທີ່ອັຟການີສຖານທີ່ຂໍບໍ່ໃຫ້ບົ່ງຊື່ນັ້ນ
ແມ່ນຂັດກັນກັບຄໍາອ້າງຂອງອີສລາມາບັດ ທີ່ວ່າການໂຈມຕີຄ້າຍທະຫານປາກີສຖານສອງ
ແຫ່ງນັ້ນ ບໍ່ໄດ້ມີການກໍ່ກວນແຕ່ຢ່າງໃດເລີຍ.
