ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ມີລາຍງານວ່າ ທະຫານ ຣັດເຊຍ ຍຶດເມືອງຊາຍແດນ ຂອງ ຢູເຄຣນ (ສະໄລດ໌/ວີດີໂອ)


ພວກດັບເພີງ ພະຍາຍາມມອດໄຟ ທີ່ເກີດຂຶ້ນ ຈາກການຍິງປືນ
ໃຫຍ່ໂຈມຕີ ຂອງພວກຫົວຮຸນແຮງ ນິຍົມຣັດເຊຍ ໃນເມືອງ Novoazovsk ໃນເຂດ Donetsk (ວັນທີ 27 ສິງຫາ 2014)
ພວກດັບເພີງ ພະຍາຍາມມອດໄຟ ທີ່ເກີດຂຶ້ນ ຈາກການຍິງປືນ ໃຫຍ່ໂຈມຕີ ຂອງພວກຫົວຮຸນແຮງ ນິຍົມຣັດເຊຍ ໃນເມືອງ Novoazovsk ໃນເຂດ Donetsk (ວັນທີ 27 ສິງຫາ 2014)

ຢູ​ເຄຣນ ກ່າວ​ວ່າ ​ເມືອງ​ຊາຍ​ແດນ​ທີ່​ສຳຄັນ Novoazovsk ​ໃນ​
ພາກຕາ​ເວັນ​ອອກສຽງ​ໃຕ້​ຂອງ​ປະເທດ ​ໄດ້​ຕົກ​ຢູພາຍ​ໃຕ້​ການ
​ຄວບ​ຄຸມ​ຂອງ​ທະຫານຣັດ​ເຊຍແລ້ວ.

ສະພາ​ຮັກສາ​ຄວາມ​ປອດ​ໄພ​ແລະ​ປ້ອງ​ກັນ​ປະເທດຂອງ​ຢູ​ເຄຣນ
ປະກາດ​ ຂ່າວນີ້​ໃຫ້​ຮູ້ໃນ​ວັນ​ພະຫັດ​ມື້​ນີ້ ​ໂດຍຜ່ານທາງ Twitter
​ແລະ​ກ່າວ​ຕື່ມ​ວ່າ ​ໝູ່​ບ້ານ​ຕ່າງໆ​ໃນ​ເຂດ​ອ້ອມ​ແອ້ມ ​ກໍ​ໄດ້​ຖືກ​ຍຶດ
​ເອົາ​ເຊັ່ນ​ກັນ.

ປະທານາທິບໍດີ Petro Poroshenko ​ແຫ່ງ​ຢູ​ເຄຣນ​ໄດ້​ລົບ​ລ້າງ​
ແຜນ ການ​ໄປ​ຢ້ຽມຢາມ​ເທີ​ກີ​ຂອງ​ທ່ານ​ແລະ​ຮຽກ​ໃຫ້ເປີດກອງປະ
ຊຸມ​ສະພາຮັກສາ​ຄວາມ​ປອດ​ໄພ​ແລະ​ປ້ອງ​ກັນປະເທດ ​ເພື່ອ​ທຳ​ການ​ໂອ້​ລົມ​ສົນທະນາ​ຫາ ລືກັນກ່ຽວ​ກັບ​ສະຖານະ​ການ​ດັ່ງກ່າວ.

ບັນດາ​ເຈົ້າ​ໜ້າ​ທີ່ຢູ​ເຄຣນ ​ແລະ​ຝ່າຍ​ຕາ​ເວັນ​ຕົກ ​ໄດ້​ມີ​ຄວາມ​ເປັນ​ຫ່ວງ​ ​ທີ່​ວ່າ ຣັດ​ເຊຍ​
ກຳລັງ​ເຂົ້າ​ແຊກ​ແຊງ​ໂດຍ​ກົງ​ໃນ​ວິ​ກິດ​ການ​ທີ່​ເກີດ​ຂຶ້ນ​ຢູ່ ໃນພາກ​ຕາ​ເວັນ​ອອກ​ຂອງ​ຢູ
​ເຄຣນຊຶ່ງ​ເປັນ​ຂໍ້​ກ່າວ​ຫາ​ທີ່​ມົສກູ ປະຕິ​ເສດ​ຊ້ຳ​ແລ້ວ​ຊ້ຳ​ອີກ​ນັ້ນ.

ອົງການ​ເພື່ອ​ຄວາມ​ປອດ​ໄພ ​ແລະ​ການ​ຮ່ວມ​ໄມ້​ຮ່ວມ​ມື​ໃນ​ຢູ​ໂຣບ ຫລື OSCE ກຳນົດ
ຈະຈັດການ​ພົບ​ປະ​ນັດພິ​ເສດ​ຂຶ້ນ​ໃນ​ວັນ​ພະຫັດ​ມື້​ນີ້ເພື່ອ​ໂອ້​ລົມ​ສົນທະນາ​ກັນ​ເລື້ອງ​ການ​ເຄື່ອນ​ໄຫວ​ຕ່າງໆ​ທີ່​ເກີດ​ຂຶ້ນ​ໃນ​ຢູ​ເຄຣນນັ້ນ.

Ukraine Accuses Russia of Territorial Incursions
please wait

No media source currently available

0:00 0:03:14 0:00

ຄະນະ​ຜູ້ຕາງໜ້າ​ຂອງ​ສະຫະລັດ​ປະຈຳ​ອົງ OSCE ກ່າວ​ຢູ່​ໃນ Twitter ວ່າ “ ການລະ​ເມີດຂອງຣັດ​ເຊຍ” ​ໃນ​ຢູ​ເຄຣນຈະ​ເປັນ​ຫົວ​ຂໍ້​ສຳຄັນ​ທີ່​ສຸດ ​ໃນ​ລາຍການ​ປະຊຸມ​ກັນ​ທີ່​ນະຄອນວຽນ​ນາ ​ໃນ​ມື້​ນີ້.

ປະທານາທິບໍດີ Francois Hollande ​ແຫ່ງ​ຝຣັ່ງ ກ່າວ​ໃນ​ວັນ​ພະຫັດ​ມື້ນີ້ວ່າ ມັນ​ຈະ​ເປັນ “ສິ່ງ​ທີ່​ໂຍະຍານ​ ​ແລະ​ຮັບ​ເອົາບໍ່​ໄດ້” ຖ້າ​ເປັນຄວາມ​ຈິງ ວ່າ​ພວກ​ທະຫານຣັດ​ເຊຍ ​ເຂົ້າ​ໄປ​ຢູ່​ໃນ​ດິນ​ແດນ​ຂອງ​ຢູ​ເຄຣນ ນັ້ນ.

​ໃນວັນ​ພຸດ​ວານ​ນີ້ ກະຊວງ​ການ​ຕ່າງປະ​ເທດ​ສະຫະລັດກ່າວ​ວ່າ ຣັດ​ເຊຍ​ໄດ້​ສົ່ງ​ອຸບປະກອນ ​ທະຫານ​ຫຼາຍ​ຂຶ້ນ​ເຂົ້າ​ໄປ​ໃນ​ພາກ​ຕາ​ເວັນ​ອອກຂອງ​ຢູ​ເຄຣນ “​ໂດຍ​ຊີ້​ໃຫ້​ເຫັນ​ວ່າ ​ການ​ບຸກ​ໂຈມ​ຕີ​ຕອບໂຕ້ຄືນ​ຂອງຣັດ​ເຊຍ​ໂດຍ​ກົງ ເບິ່ງ​ຄື​ວ່າ ກຳລັງ​ດຳ​ເນີນ​ໄປ” ຢູ່​ໃກ້ໆ​ກັບ​ສອງ​ຫົວ​ເມືອງ​ຫົວເມືອງ​ຊາຍ​ແດນ​ທີ່​ສຳຄັນ ທີ່ຢູ່​ພາຍ​ໃຕ້​ການ​ຄວບ​ຄຸມ​ຂອງ​ພວກ​ກະບົດນັ້ນ.

ukraine28august14
please wait
Embed

No media source currently available

0:00 0:00:34 0:00

XS
SM
MD
LG