ບັນດາເຈົ້າໜ້າທີ່ອີຈິບກ່າວວ່າ ເຫດລະເບີດຂະໜາດໃຫຍ່ ຢູ່
ນອກກົງສຸນອີຕາລີ ໃນນະຄອນຫຼວງໄຄໂຣ ໄດ້ເຮັດໃຫ້ມີຜູ້ເສຍ
ຊີວິດນຶ່ງຄົນ ແລະໄດ້ຮັບບາດເຈັບຢ່າງໜ້ອຍສີ່ຄົນ.
ກົງສຸນໄດ້ຮັບຄວາມເສຍຫາຍຢ່າງໜັກ ແລະເຂດດັ່ງກ່າວໄດ້
ຖືກນຳ້ຖ້ວມ ເນື່ອງ ຈາກທໍ່ນຳ້ໃຕ້ດິນແຕກຍ້ອນເຫດລະເບີດ.
ບັນດາເຈົ້າໜ້າທີ່ ກ່າວວ່າ ເຫດລະເບີດໃນວັນເສົາຕອນເຊົ້າມື້
ນີ້ ອາດເກີດຈາກ ລະເບີດລົດ ທີ່ມີຄົນອາດນຳເອົາລະເບີດໄປ
ວາງໄວ້ກ້ອງລົດທີ່ຈອດຢູ່ ແລ້ວບີບ ຄະນວນໃຫ້ແຕກຂຶ້ນຈາກ
ລະຍະໄກ.
ຍັງບໍ່ທັນມີການອ້າງເອົາຄວາມຮັບຜິດຊອບໃດໆ ກ່ຽວກັບການໂຈມຕີ ທີ່ໄດ້ເກີດຂື້ນໃນ
ຕອນເຊົ້າໆ ເວລາກົງສຸນຍັງປິດຢູ່.
ລັດຖະມົນຕີຕ່າງປະເທດອີຕາລີ ທ່ານ Paolo Gentiloni ໄດ້ກ່າວຜ່ານທາງ tweeter ວ່າ
“ອີຕາລີຈະບໍ່ປ່ອຍໃຫ້ຕົນເອງຖືກຂົ່ມຂູ່ຈາກການໂຈມຕີດັ່ງກ່າວ. ທ່ານກ່າວວ່າ ບໍ່ມີຜູ້ເຄາະ
ຮ້າຍທີ່ເປັນຊາວອີຕາລີແຕ່ປະການໃດ.
ພວກຫົວຮຸນແຮງໄດ້ທຳການໂຈມຕີທີ່ຮ້າຍແຮງຫລາຍໆຄັ້ງ ໃນອີຈິບ ນັບແຕ່ທະຫານໄດ້
ໂຄ່ນລົ້ມປະທານາທິບໍດີພັກອິສລາມ ທ່ານ Mohammed Morsi ເມື່ອສອງປີກ່ອນ. ການ
ໂຈມຕີສ່ວນໃຫຍ່ໄດ້ແນໃສ່ ກຳລັງຮັກສາຄວາມປອດໄພແລະເຈົ້າໜ້າທີ່.
