ລິ້ງ ສຳຫລັບເຂົ້າຫາ

ວັນພຸດ, ໑໗ ເມສາ ໒໐໒໔

ທະຫານອັຟການິສຖານ ແມ່ນເປັນຜູ້ຮັບຜິດຊອບ ຕໍ່ການ ຍິງລູກຈະຫຼວດ ໃສ່ພິທີແຕ່ງງານ


ເດັກນ້ອຍອັຟການິສຖານ ຄົນໜຶ່ງ ທີ່ບາດເຈັບ ໄດ້ຮັບການຊ່ວຍເຫຼືອ ຈາກພົນລະເມືອງ ຢູ່ໂຮງໝໍ ໃນແຂວງ Helmand ທາງພາກໃຕ້ຂອງນະຄອນຫລວງ Kabul ປະເທດ Afghanistan, ເມື່ອວັນພຸດ 31 ທັນວາ 2014.
ເດັກນ້ອຍອັຟການິສຖານ ຄົນໜຶ່ງ ທີ່ບາດເຈັບ ໄດ້ຮັບການຊ່ວຍເຫຼືອ ຈາກພົນລະເມືອງ ຢູ່ໂຮງໝໍ ໃນແຂວງ Helmand ທາງພາກໃຕ້ຂອງນະຄອນຫລວງ Kabul ປະເທດ Afghanistan, ເມື່ອວັນພຸດ 31 ທັນວາ 2014.

ເຈົ້າໜ້າ​ທີ່​ອັຟກາ​ນິສຖານ ກ່າວ​ວ່າ ພວກ​ທະຫານ​ເປັນຜູ້​ຮັບ
ຜິດຊອບ ໃນ​ການ​ຍິງ​ຈະ​ຫຼວດໂຈມ​ຕີ ທີ່​ໄດ້​ສັງຫານ 17 ຄົນ
ຢູ່​ທີ່​ພິທີແຕ່ງງານ ​ໃນແຂວງ Helmand ທາງພາກ​ໃຕ້ຂອງ​
ປະ​ເທດ.

​ຮອງເຈົ້າ​ແຂວງໆ Helmand ທ່ານ Mohammad Jan
Rasoulyar ກ່າວ​ວ່າ ພວກ​ທະຫານ ​ໄດ້​ຍິງ​ຈະຫຼວດຫຼາຍລູກ
​ເມື່ອ​ຕອນ​ແລງ​ຂອງ​ວັນ​ພຸດ​ຜ່ານ​ມາ ຫຼັງຈາກໄດ້ຖືກ​ໂຈມ​ຕີ
ໂດຍພວກ​ຫົວ​ຮຸນ​ແຮງ​ໃນ​ເຂດດັ່ງກ່າວ.

ທ່ານ​ກ່າວ​ວ່າ ພວກ​ທະຫານທີ່ເຊື່ອ​ວ່າເປັນຜູ້ຮັບຜິດຊອບຕໍ່
ເຫດການ​ດັ່ງກ່າວ ແມ່ນ​ໄດ້ຖືກ​ສົ່ງ​ໃຫ້​ສານ​ທະຫານ​ດຳເນີນການແລ້ວ.

ທ່ານ Rasoulyar ຍັງໄດ້​ປັບປ່ຽນ​ຈຳນວນ​ຜູ້ເສຍ​ຊີວິດໃຫ້ຫລຸດໜ້ອຍ​ລົງ ​ໂດຍ​ກ່າວ​ວ່າ
ມີ 17 ຄົນ​ເສຍ​ຊີວິດ ​ແລະ ປະມານ 50 ຄົນ ​ໄດ້​ຮັບ​ບາດ​ເຈັບ. ບັນດາ​ຜູ້​ເຫັນ​ເຫດການ
​ໄດ້​ລະບຸ​ວ່າ ຈຳນວນຜູ້​ເສຍ​ຊີວິດ ແມ່ນມີ​ຢູ່ 26 ຄົນ. ຜູ້​ເຄາະ​ຮ້າຍ​ສ່ວນ​ໃຫຍ່ແລ້ວ ​ແມ່ນ
ແມ່ຍິງ ​ແລະ​ເດັນ​ນ້ອຍ.

​ເຫດຮ້າຍ​ດັ່ງກ່າວ ​ເກີດ​ຂຶ້ນ ​ໃນ​ຂະນະ​ທີ່​ກອງ​ທັບ​ອັຟກາ​ນິສຖານ ພວມ​ເຂົ້າກຳ​ຄວາມຮັບ
ຜິດຊອບຮອບດ້ານ ໃນການຮັກສາຄວາມປອດໄພຂອງປະເທດ ​ຊຶ່ງ​ເປັນ​ຂີດ​ໝາຍຂອງ
ການສິ້ນສຸດພາລະກິດ ຢ່າງ​ເປັນ​ທາງ​ການ ໃນການສູ້​ລົບເປັນເວລາ 13 ປີ ​ຢູ່ໃນ​
ອັຟກາ​ນິສຖານ ​ໂດຍສະຫະລັດ ​ແລະອົງການ​ເນ​ໂຕ້ ທີ່ມີ​ເປົ້າໝາຍແນ​ໃສ່ພວກ​ກະບົດ
Taliban ນັ້ນ.

AFGHANISTAN VIDEO
please wait
Embed

No media source currently available

0:00 0:00:31 0:00

XS
SM
MD
LG