ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ທະຫານ ອາເມຣິກັນ ຄົນນຶ່ງ ຖືກປ່ອຍ ຫຼັງຈາກ ຖືກກັກໂຕໄວ້ ໃນອັຟການິສຖານ ເກືອບ 5 ປີ (ວີດີໂອ)


 ​ສິບ​ເອກ Bowe Bergdahl
​ສິບ​ເອກ Bowe Bergdahl
ທະຫານ​ສະຫະລັດ​ຄົນ​ນຶ່ງ ທີ່​ຖືກ​ກັກ​ຂັງ​ຢູ່​ໃນ​ອັຟກາ​ນິສຖານ
​ ມາ​ໄດ້​ເກືອບ 5 ປີ ​ໄດ້​ຖືກ​ປ່ອຍ​ໂຕ​ໃຫ້​ກຳລັງ​ສະຫະລັດ ​ໃນ
​ການ​ແລກປ່ຽນ​ກັນກັບ​ພວກ​ກະບົດ​ອັຟກາ​ນິສຖານ 5 ຄົນ ​ທີ່
​ຖືກ​ຄຸມຂັງ​ຢູ່​ໃນ​ຄຸກທະ ຫານ​ຂອງສະຫະລັດ​ ທີ່ອ່າວ​ກວາງ​ຕາ
ນາ​ໂມ ປະເທດ​ຄີວບາ​ນັ້ນ.

ການ​ທີ່​ກຸ່ມ​ຕາ​ລີ​ບັນ​ປ່ອຍ​ໂຕສິບ​ເອກ Bowe Bergdahl ມີ​ຂຶ້ນ​
ພາຍຫຼັງການ​ເຈລະຈາ​ກັນ​ມາ​ເປັນ​ເວລາ​ຫຼາຍ​ເດືອນ ພາຍ​ໃຕ້
​ການ​ໄກ່ເກ່ຍຂອງ​ລັດຖະບານປະ​ເທດ​ກາ​ຕ້າ. ສິບ​ເອກ Berg
dahlໄດ້​ຮັບ​ການກວດ​ສຸຂະພາບ​ຂັ້ນ​ຕົ້ນ​ ທີ່​ຖານ​ທັບ​ສະຫະລັດ​
ແຫ່ງ​ນຶ່ງໃນ​ອັຟກາ​ນິສຖານ​ໃນ​ວັນ​ເສົາ​ວານ​ນີ້ ກ່ອນ​ຈະ​ບິນ​ໄປ​ຍັງ​
ໂຮງໝໍ​ທະຫານ​ຂອງ​ສະຫະ ລັດ​ທີ່​ເມືອງ Landstuhl ​ເຢຍຣະມັນ.

ລັດຖະມົນຕີກະຊວງປ້ອງກັນປະເທດສະຫະລັດ ທ່ານ Chuck Hagel ກ່າວໃນວັນ
ອາທິດມື້ນີ້ວ່າ ທ່ານຫວັງວ່າການແລກປ່ຽນນັກໂທດຈະນຳໄປສູ່ຄວາມກ້າວໜ້າໃນ
ຄວາມສຳພັນກັບພວກກະບົດ. ທ່ານໃຫ້ຄວາມເຫັນດັ່ງກ່າວ ຫລັງຈາກໄດ້ເດີນທາງ
ໄປຮອດຖານທັບອາກາດ Bag-ram ໃນອັຟການິສຖານໂດຍບໍ່ມີການປະກາດໃຫ້
ຊາບລ່ວງໜ້າເພື່ອປຶກສາຫາລືກ່ຽວກັບການຖອນທະຫານຊຶ່ງຈະມີຂຶ້ນນັ້ນ.

ບັນດາ​ເຈົ້າ​ໜ້າ​ທີ່​ກ່າວ​ວ່າ ການ​ມອບ​ໂຕ​ສິບ​ເອກ Bergdahl ​ໃຫ້​ກຳລັງ ພິ​ເສດ​ຂອງ​
ສະຫະລັດ​ໃກ້​ກັບ​ຊາຍ​ແດນ​ປາ​ກິ​ສຖານ ​ໄດ້​ດຳ​ເນີນ​ໄປ​ໂດຍ​ປາດ​ສະ​ຈາກ​ຄວາມ​ຮຸນ​
ແຮງ​ໃດໆ.

​ໃນ​ເວລາ​ບໍ່​ເທົ່າ​ໃດ​ຊົ່ວ​ໂມງ ຫຼັງ​ຈາກ​ການ​ປ່ອຍ​ໂຕ​ແລ້ວ ປະທານາທິບໍດີ ບາຣັກ ​ໂອ
​ບາ​ມາ​ໄດ້​ເປັນ​ເຈົ້າພາບ​ຕ້ອນຮັບ​ ພໍ່​ແມ່​ຂອງ​ສິບ​ເອກ Bergdahl ທີ່​ທຳນຽບຂາວ ​
ແລະ​ໄດ້​ກ່າວ​ຂອບ​ອົກ​ຂອບ​ໃຈ​ບັນດາ​ນັກ​ການ​ທູດ​ປະ​ເທດ​ກາ​ຕ້າ ​ແລະ​ອັຟກາ​ນິສ
ຖານ​ສຳລັບ” ຄວາມ​ພະຍາຍາມ​ທີ່​ບໍ່ຮູ້​ອິດ​ເມື່ອຍ​ຂອງ​ເຂົາ​ເຈົ້າ” ​ເພື່ອ​ໃຫ້​ໄດ້
​ຮັບ​ການ​ປ່ອຍ​ໂຕ ​ທະ ຫານ​ສະຫະລັດ​ຄົນ​ນີ້.

ທ່ານ​ໂອ​ບາ​ມາ ກ່າວ​ເຊັ່ນນີ້ ຢູ່​ຄຽງ​ຂ້າງ​ກັບ​ທ່ານ Bob ​ແລະ​ນາງ Jani Bergdahl
​ໂດຍ​ກ່າວ​ວ່າ ກາ​ຕ້າ​ໄດ້​ໃຫ້​ຄວາມ​ໝັ້ນ​ໃຈ​ວ່າ ການ​ປ່ອຍ​ໂຕ​ພວກ​ກະບົດທັງ 5 ຄົນ
​ນີ້​ໃຫ້ແກ່ Doha ຈະ​ບໍ່​ເປັນ​ໄພ​ຕໍ່​ຄວາມ​ປອດ​ໄພ ແຫ່ງຊາດ​ຂອງ​ສະຫະລັດ.

ພາຍ​ໃຕ້​ເງື່ອນ​ໄຂ​ຕ່າງໆ​ກ່ຽວ​ກັບ​ການ​ແລກປ່ຽນ​ກັນ​ນີ້ ພວກ​ນັກ​ໂທດ​ທີ່​ຄຸກ​ໃນ​ອ່າວ​
ກວາງ​ຕານາ​ໂມ ຈະ​ຖືກ​ເກືອດ​ຫ້າມ ​ບໍ່​ໃຫ້​ອອກ​ຈາກ​ກາ​ຕ້າ ໄປ​ຢ່າງ​ນ້ອຍ​ເປັນ​ເວລາ​
ນຶ່ງ​ປີ
[sbourommavong] AFGHANISTAN US SOLDIER CNPK
please wait

No media source currently available

0:00 0:01:13 0:00
XS
SM
MD
LG