ປະທານາທິບໍດີສະຫະລັດ ທ່ານບາຣັກ ໂອບາມາ ຈະຮຽກຮ້ອງໃຫ້
ຂຶ້ນພາສີຕໍ່ພວກຊາວອາເມຣິກັນທີ່ລ້ຳລວຍສຸດ ໃນການກ່າວຄຳປາ
ໄສປະຈຳປີຕໍ່ປະເທດຊາດ ຕໍ່ໜ້າລັດຖະສະພາຄົບຄະນະ ໃນແລງ
ວັນອັງຄານມື້ນີ້ ຊຶ່ງເປັນຄັ້ງທຳອິດນັບແຕ່ທ່ານເຂົ້າກຳອຳນາດ
ເປັນປະທານາທິບໍດີ ທີ່ທັງສອງ ສະພາໄດ້ຄວບງຳໂດຍພັກ
Republicans ຝ່າຍຄ້ານ.
ທ່ານໂອບາມາ ຈະຮຽກຮ້ອງໃຫ້ຂຶ້ນພາສີຂອງຜົນກຳໄລຕ່າງໆຂອງ
ສ່ວນບຸກຄົນ ທີ່ໄດ້ຈາກການຂາຍຊັບສົມບັດ ເຊັ່ນຮຸ້ນ ພັນທະບັດ
ແລະອະສັງຫາລິມມະຊັບ ພ້ອມທັງຍຸດຕິ ການໃຫ້ການຜ່ອນຜັນ
ທາງພາສີແກ່ມໍລະດົກທີ່ໄດ້ຮັບ ມູນຄ່າຫຼາຍລ້ານໂດລ່າ ແລະເກັບ
ຄ່າທຳນຽມ ຕໍ່ບໍລິສັດຍັກໃຫຍ່ທາງດ້ານການເງິນຂອງປະເທດ. ປະທານາທິບໍດີ ຕ້ອງການທີ່ໃຊ້ຜົນກຳໄລທີ່ວ່ານີ້ ກະປະມານ 320 ພັນລ້ານໂດລ່າ ໃນ 10 ປີ ຕໍ່ໜ້າ ເພື່ອຈະໃຫ້ການ
ຜ່ອນຜັນທາງພາສີໃຫ້ແກ່ ຄອບຄົວຊົນຊັ້ນກາງອະເມຣິກັນ ແລະຂໍ້ລິເລີ້ມຕ່າງໆເຊັ່ນບໍ່ໃຫ້ພວກນັກສຶກໃນວິທະຍາໄລຊຸມຊົນເສຍຄ່າໃຊ້ຈ່າຍໃດໆໃນການເຂົ້າຮຽນ.
ຂໍ້ສະເໜີຮ່າງກົດໝາຍທີ່ວ່ານີ້ເບິ່ງຄືວ່າ ຈະໄດ້ຮັບການປະຕິເສດຈາກສະມາຊິກພັກ Repu-
blicans ທີ່ກຳສຽງສ່ວນຫລາຍຢູ່ໃນສະພາສູງ ແລະສະພາຕ່ຳ ຫຼັງຈາກທີ່ໄດ້ຮັບໄຊຊະນະຢ່າງຖ້ວມລົ້ນ ໃນການເລືອກຕັ້ງກາງສະໄໝ ເມື່ອເດືອນພະຈິກທີ່ຜ່ານມານີ້. ເຖິງແມ່ນວ່າ
ໄດ້ຮັບໄຊຊະນະກໍຕາມ ແຕ່ທ່ານໂອບາມາ ໄດ້ໃຫ້ຄຳໝັ້ນສັນຍາວ່າຈະ ວີໂຕຂໍ້ສະເໜີ ທີ່ເປັນບຸລິມມະສິດຂອງພັກ Republicans ຊຶ່ງຮວມມີ ການອະນຸຍາດ ຕໍ່ການສ້າງທໍ່ນ້ຳມັນທີ່ເນັ່ງຈາກການາດາ ເຖິງອ່າວເມັກຊິໂກຂອງສະຫະລັດ ແລະ ການປ່ຽນແປງກົດໝາຍຮັກສາ
ສຸຂະພາບລາຄາຖືກທີ່ເປັນລາຍ ເຊັນຂອງທ່ານປະທານາທິບໍດີນັ້ນ.
ນະໂຍບາຍ ຕ່າງປະເທດ ກໍຈະຮວມ ຢູ່ໃນຄຳປາໄສ ຕໍ່ປະເທດຊາດ ຂອງ ປ. ໂອບາມາ
