ປະທານາທິບໍດີ Barack Obama ໄດ້ໄປຢ້ຽມຢາມ ເມືອງ Flint ທີ່ລັດ Michigan ເທື່ອທຳອິດນັບແຕ່ເລີ້ມເກີດວິກິດການນໍ້າເປັນພິດໂດຍໄດ້ຖະແຫຼງ ຢ່າງມີຄວາມຫວັງຕໍ່ຊາວເມືອງປະມານ 1,000 ຄົນ ທີ່ມັດທະຍົມ Flint Northwestern.
ໃນກ່າວຕໍ່ຝູງຊົນໜາແໜ້ນ ທີ່ໃຫ້ການຕ້ອນຮັບຢ່າງອົບອຸ່ນ ແລະຕື່ນເຕັ້ນນັ້ນ ປະທານາທິບໍດີໄດ້ເນັ້ນໜັກວ່າ ມັນສຳຄັນທີ່ສຸດ ທີ່ພໍ່ແມ່ແຕ່ລະຄົນຢູ່ໃນເມືອງ Flint ໃຊ້ເວລາກວດໃຫ້ເປັນທີ່ແນນອນວ່າ ລູກເຕົ້າຂອງເຂົາເຈົ້າບໍ່ໄດ້ຮັບຜົນກະທົບ ທີ່ພວກເຂົາບໍ່ມີລະດັບກົ່ວຢູ່ໃນນໍ້າ. ແຕ່ທ່ານກ່າວວ່າ ຂ່າວດີສຳລັບບັນ ດາຄອບຄົວກໍຄື ເຫດການດັ່ງກ່າວຖ້າຫາກໄດ້ຮັບຜົນກະທົບຈາກກົ່ວແລ້ວ ດ້ວຍການຮັກສາທີ່ເໝາະສົມ ແລະຢາປິ່ນປົວ ລູກເຕົ້າຂອງເຂົາເຈົ້າຈະບໍ່ເປັນຫຍັງ. ທ່ານໄດ້ລະມັດລະວັງ ບອກໃຫ້ບັນດາພໍ່ແມ່ຜູ້ປົກຄອງຢ່າໄດ້ “ບອກລູກເຕົ້າວ່າ ເຂົາເຈົ້າຈະໄດ້ຮັບຄວາມເສົ້າໂສກກັບບັນຫາຄວາມຫຍຸ້ງຍາກ ໂດຍກ່າວວ່າ ທ່ານກໍຄືກັນ ທີມາຈາກຄອບຄົວທຸກຈົນ ທີ່ມີແມ່ຄົນດຽວ. ປະທານາທິບໍດີ Obama ໄດ້ຮັບການຢືນຕົບມືເວລາທ່ານໄດ້ກ່າວຕໍ້ຝູງຊົນວ່າ ພວກເດັກນ້ອຍຕ້ອງຢູ່ໃນຄວາມຄາດໝາຍຂອງພໍ່ແມ່ ເພາະສະນັ້ນ ເຂົາເຈົ້າຕ້ອງຕັ້ງຄວາມຄາດໝາຍໃຫ້ສູງ.
ປະທານາທິບໍດີ Obama ກ່າວວ່າ ວິກິດການໃນເມືອງ Flint ແມ່ນຄົນສ້າງຂຶ້ນ ແລະເປັນການຕັດສິນໃຈທີ່ເຮັດບໍ່ດີ ແຕ່ບໍ່ເຊື່ອວ່າມີຜູ້ໃດຜູ້ນຶ່ງຕັ້ງໃຈຢາກເຮັດໃຫ້ຄົນໃນເມືອງ Flint ໄດ້ຮັບຄວາມເຈັບປວດເສຍຫາຍ.
ທ່ານກ່າວວ່າ ໄດ້ມີການຕັດສິນໃຈລະຫວ່າງຫລາຍຄົນ ທີ່ການຕັດລັດຖະບານ ແມ່ນເປົ້າໝາຍອັນສູງສຸດ. “ແລະການນຶກຄິດແບບນີ້ ຄວາມເຊື່ອທີ່ວ່າລັດຖະ ບານເປັນສັດຕູ ທີ່ເຮັດໃຫ້ເຮົາລືມວ່າ ລັດຖະບານແມ່ນພວກເຮົາເອງ. ມັນເປັນການຍື່ນມືອອກໄປຂອງພວກເຮົາຕໍ່ພວກເຮົາ. ການປະພຶດດັ່ງກ່າວເປັນການກັ່ນກອງປະຊາທິປະໄຕຂອງເຮົາ ອັນເປັນຜົນກະທົບຕໍ່ກົ່ວໃນຢູ່ໃນນໍ້າຂອງທ່ານ. ເພາະວ່າແມ່ນຫຍັງທີ່ເກີດຂຶ້ນ ມັນນຳໄປສູ່ລະບົບການປະປ່ອຍ. ມັນນຳໄປສູ່ການບໍ່ເອົາໃຈໃສ່ ແລະບໍ່ມີຄວາມຮູ້ສຶກ.
