ປະທານາທິບໍດີສະຫະລັດ ທ່ານ Barack Obama ເຂົ້າຮ່ວມ ກັບບັນດາຜູ້ນຳ ທີ່ີສຳຄັນຂອງປະເທດຢູໂຣບ ຢູ່ໃນເຢຍຣະມັນ ໃນວັນສຸກມື້ນີ້ ເພື່ອສົນທະນາກ່ຽວກັບບັນຫາທ້າທາຍທາງດ້ານຄວາມໝັ້ນຄົງ ແລະ ເສດຖະກິດ ທີ່ປະເຊີນໜ້າ ກັບບັນດາປະເທດພາຄີຂ້າມມະຫາສະມຸດແອັດແລນຕິກ.
ການປະຊຸມກັບບັນດາຜູ້ນຳເຢຍຣະມັນ ອັງກິດ ຝຣັ່ງ ອີຕາລີ ແລະສະເປນ ໄດ້ຂະຫຍາຍ ການສົນທະນາ ທີ່ທ່ານໄດ້ຈັດຂຶ້ນນຶ່ງມື້ກ່ອນໜ້ານັ້ນ ກັບນາຍົກລັດຖະມົນຕີເຢຍຣະມັນ ທ່ານນາງ Angela Merkel.
ໃນອັນທີ່ເບິ່ງຄືວ່າ ເປັນການເຕົ້າໂຮມກັນເທື່ອສຸດທ້່າຍ ກ່ອນອອກຈາກຕຳແໜ່ງໃນເດືອນມັງກອນ ແລະປະທານາທິບໍດີທີ່ຖືກເລືອກຕັ້ງໃໝ່ ທ່ານ Donald Trump ຈະຍ້າຍເຂົ້າໄປຢູ່ທີ່ທຳນຽບຂາວ ທ່ານ Obama ໄດ້ນຳເອົາສານຂອງທ່ານກ່ຽວກັບຄວາມສາມັກຄີແບບຍືນຍົງຂອງອາເມຣິກາແລະການຮ່ວມໄມ້ຮ່ວມ ມື ໄປສູ່ຈິດໃຈຂອງຢູໂຣບໃນວັນພະຫັດວານນີ້ໂດຍໄດ້ເນັ້ນໜັກຕໍ່ຊາວເຢຣະມັນ ແລະຊາວຢູໂຣບທັງໝົດວ່າ ສະຫະລັດຈະສືບຕໍ່ພົວພັນກັບໂລກ.
ທ່ານ Obama ໄດ້ຮຽກຮ້ອງໃຫ້ ຜູ້ຮັບໜ້າທີ່ຕໍ່ຈາກທ່ານ ຄືທ່ານ Donald Trump “ໃຫ້ຢືນຂຶ້ນ” ຕ້ານຣັດເຊຍ ໂດຍກ່າວວ່າ ຄວາມຫວັງຂອງທ່ານກໍຄືວ່າ ປະທານາທິບໍດີທີ່ຖືກເລືອກຕັ້ງໃໝ່ “ເອົາບາດກ້າວທີ່ສ້າງສັນທີ່ຄ້າຍຄືກັນ” ດັ່ງທີ່ທ່ານໄດ້ເຮັດ “ຊອກຫາຂົງ ເຂດບ່ອນທີ່ເຮົາສາມາດຮ່ວມມືກັບຣັດເຊຍ ບ່ອນທີ່ຄຸນຄ່າ ແລະຜົນປະໂຫຍດຂອງພວກເຮົາເຂົ້າຫາກັນ.”
ຂ້າພະເຈົ້າບໍ່ຄາດວ່າ ປະທານາທິບໍດີທີ່ຖືກເລືອກໃໝ່ ຈະເຮັດ ຄືດັ່ງທີ່ພວກເຮົາ ໄດ້ແຕ່ຄວາມຫວັງຂອງຂ້າພະເຈົ້າກໍຄືທ່ານບໍ່ເອົາການເຂົ້າຫາການເມືອງທີ່ງ່າຍໆ ແລະສະເໜີຖ້າຫາກພວກເຮົາເຮັດຂໍ້ຕົກລົງຈຳນວນນຶ່ງກັບຣັດເຊຍ ເຖິງແມ່ນວ່າມີຄວາມເຈັບປວດແກ່ປະຊາຊົນ ຫລືລະເມີດຕໍ່ລະບຽບສາກົນຫລືປ່ອຍໃຫ້ບັນດາປະເທດນ້ອຍໆຕົກຢູ່ໃນອັນ
ຕະລາຍ ຫລືປ່ອຍໃຫ້ມີບັນຫາຍາວນານຢູ່ໃນຂົງເຂດຄືດັ່ງ Syria ທີ່ພວກເຮົາເຮັດທີ່ເຫັນວ່າສະດວກຢູ່ໃນເວລານັ້ນ” ທ່ານ Obama ກ່າວລະຫວ່າງກອງປະຊຸມນັກຂ່າວກັບ ທ່ານນາງ Merkel ທີ່ນະຄອນ Berlin.
ຜູ້ນຳສະຫະລັດ ໄດ້ເລືອກເອົາເຢຍຣະມັນເປັນບ່ອນຢຸດແວ່ທີ່ສຳຄັນໃນການເດີນ ທາງໄປຕ່າງປະເທດເທື່ອສຸດທ້າຍ ໃນນາມປະທານາທິບໍດີ. ປະເທດດັ່ງກ່າວນີ້ມີເສດຖະກິດສຸດຍອດຂອງຢູໂຣບ ແລະຄູ່ການຄ້າສະຫະລັດ ເປັນສະມາຊິກທີ່ສຳ ຄັນຂອງອົງການ NATO ແລະເປັນເຈົ້າພາບຕ້ອນຮັບທະການສະຫະລັດຫລາຍພັນຄົນ.
ບັນດາຜູ້ສັງເກດການຍັງໄດ້ສະເໜີວ່າ ທ່ານນາງ Merkel ອາດຈະກາຍເປັນປາກສຽງທີ່ເສລີສຳຄັນສຸດຢູ່ໃນຂົງເຂດ ບ່ອນທີ່ການເຄື່ອນໄຫວຊາດນິຍົມກຳ ລັງເພີ້ມຄວາມແຂງແຮງຂຶ້ນ.
ການເດີນທາງຢ້ຽມຢາມເຢຍຣະມັນເທື່ອສຸດຂອງປະທານາທິບໍດີ Obama ນີ້ ແມ່ນເປັນຂີດໝາຍເທື່ອທີຫົກ.
