ລິ້ງ ສຳຫລັບເຂົ້າຫາ

ວັນສຸກ, ໑໒ ກໍລະກົດ ໒໐໒໔

ທ່ານໂອບາມາວ່າ ການຍິງສັງຫານ ທີ່ໂຄໂລຣາໂດ ບໍ່ມີເຫດຜົນເລີຍ


ພວກເຈົ້າໜ້າທີ່ມອດໄຟແລະເຈົ້າໜ້າທີ່ປະຕິບັດກົດໝາຍ ພວມຫາລືກັນ ໃກ້ໆຫໍພັກຂອງມືປືນທີ່ຕ້ອງສົງໄສ ທ້າວ James Holmes ໃນເມືອງ Aurora ລັດໂຄໂລຣາໂດ (21 ກໍລະກົດ 2012)
ພວກເຈົ້າໜ້າທີ່ມອດໄຟແລະເຈົ້າໜ້າທີ່ປະຕິບັດກົດໝາຍ ພວມຫາລືກັນ ໃກ້ໆຫໍພັກຂອງມືປືນທີ່ຕ້ອງສົງໄສ ທ້າວ James Holmes ໃນເມືອງ Aurora ລັດໂຄໂລຣາໂດ (21 ກໍລະກົດ 2012)

ພວກ​ນັກ​ຊ່ຽວຊານ​ຈາກ​ໜ່ວຍກູ້​ລະ​ເບີດທີ່​ລັດ​ໂຄ​ໂລຣາ​ໂດ ​ໃນ​ພາກ​ກາງຂອງ​ສະຫະລັດກ່າວ
​ວ່າ ຕົນ​ຈະ​ພະຍາຍາມ​ອີກ​ເທື່ອ​ນຶ່ງ ​ໃນ​ວັນ​ເສົາ​ມື້ນີ້ ​ເພື່ອ​ຈະເຂົ້າ​ໄປ​ໃນ​ຫໍ​ພັກ​ຂອງ​ມື​ປືນ ທີ່​ໄດ້​ມີ​
ການວາງ​ກັບ​ດັກ​ລະ​ເບີດ​ໄວ້​ນັ້ນ ຫຼັງຈາກ​ໄດ້​ປະສົບ​ກັບ​ຄວາມ​ລົ້ມ​ແຫຼວ​ໃນ​ມື້ວານນີ້ ​ໃນ​ການ
ເຂົ້າ​ໄປ​ກວດຄົ້ນຫໍ​ພັກ​ຂອງ​ມືປືນ​ທີ່​ຕ້ອງ​ສົງ​ໄສ​ໃນຍິງ​ການ​ສັງຫານ​ໝູ່ຄັ້ງນີ້.

ມີ 12 ຄົນ​ໄດ້​ເສຍ​ຊີວິດ​ແລະອີກ 70 ຄົນ​ໄດ້​ຮັບ​ບາດ​ເຈັບໃນ​ຕອນ​ເຊົ້າມືດຂອງ​ມື້ວັນ​ສຸກ​ວານ​
ນີ້ ​ເວລາ​ຕຳຫຼວ​ດ​ເວົ້າວ່າ ທ້າວ James Holmes ​ໄດ້ຍິງປືນ​ເຂົ້າ​ໃສ່​ຜູ້​ຄົນ ທີ່​ໂຮງ​ຊີເນ່ຫຼື​ໂຮງ
​ຮູບ​ເງົາ​ແຫ່ງ​ນຶ່ງ​ ທີ່​ເມືອງ Aurora ຊຶ່ງ​ຕັ້ງຢູ່​ໃນ​ເຂດຊານ​ເມືອງ​ຂອງ​ນະຄອນ Denver. ພວກ
ທີ່​ລອດ​ຊີວິດ​ມາ​ໄດ້ 7 ຄົນ ຍັງ​ຢູ່​ໃນອາການ​ສາຫັດ.

​ເຈົ້າໜ້າ​ທີ່​ເວົ້າວ່າ ທ້າວ Holmes ​ໄດ້​ຍິງ​ປືນ​ເຂົ້າ​ໃສ່​ຜູ້​ຄົນໃນ​ລະຫວ່າງ​ການສາຍຮູບ​ເງົາ​ຮອບ​
ປະຖົມມະ​ເລີກ The Dark Knight Rises ຊຶ່ງ​ເປັນ​ຮູບ​ເງົາລ່າ​ສຸດ​ ຂອງ​ມະນຸດ​ຄັງຄາວ ຫຼື
Batman. ຜູ້​ຕ້ອງ​ສົງ​ໄສ​ອາຍຸ 24 ຄົນ​ນີ້ ​ໄດ້​ຖືກ​ຈັບ​ໃນ​ເວລາບໍ່​ດົນ​ຕໍ່​ມາ​ລຸນ​ຫຼັງທີ່​ຜູ້ກ່ຽວ​ໄດ້​ຍິງ
​ປືນ​ເຂົ້າ​ໃສ່​ຜູ້​ຄົນ.

ປະທາ​ນາ​ທິບໍດີ​ສະຫະລັດທ່ານ​ບາຣັກ ​ໂອ​ບາ​ມາກ່າວ​ໃນ​ຄຳ​ປາ​ໄສ​ປະຈຳ​ສັບປະດາ​ຂອງ​ທ່ານ​
ໃນ​ວັນ​ເສົາ ​ມື້ນີ້ວ່າ ການ​ສັງຫານ​ໝູ່​ທີ່​ລັດ​ໂຄ​ໂລຣາ​ໂດ ​ແມ່ນ​ຢູ່​ເໜືອ ຫຼືບໍ່ມີ​ເຫດຜົນ​ໃດໆເລີຍ ​
ແລະ​ຖ້າ​ຫາກ​ມີ​ສິ່ງ​ໃດ​ ທີ່​ຈະ​ສາມາດ​ຖອດ​ຖອນ​ບົດຮຽນ​ໄດ້ຈາກ​ໂສກ​ນາດຕະກຳ​ດັ່ງກ່າວ​ກໍ​ຄື
ມັນ​ເປັນ​ສິ່ງ​ຊ່ອຍ​ເຕືອນ​ຄວາມ​ຊົງ​ຈຳ​ວ່າ​ຊີວິດ​ນີ້​ແມ່ນ​ບອບ​ບາງ​ແຕກ​ຫັກ​ງ່າຍ.

XS
SM
MD
LG