ລິ້ງ ສຳຫລັບເຂົ້າຫາ

ປ.ໂອບາມາ ຫວັງຈະກູ້ເອົາ ຄະແນນນິຍົມ ທາງການເມືອງ ຄືນມາ ໃນປີ 2014 ນີ້ (ວີດີໂອ)


2014 ຈະ​ເປັນ​ປີ​ທີ່​ຫຍຸ້ງ​ທາງ​ການ​ເມືອງ​ຫຼາຍ​ພໍ​ສົມຄວນ​ໃນ
​ສະຫະລັດ. ປະທານາທິບໍດີ ບາຣັກ ​ໂອ​ບາ​ມາ ຈະ​ຊີ້​ແຈງໂດຍ
​ສັງ​ເຂ​ບກ່ຽວ​ກັບ​ນະໂຍ ບາຍ​ຂອງ​ທ່ານ ​ເວລາ​ທ່ານ​ກ່າວ​ຄໍ​າປາ
​ໄສ​ປະ​ຈໍາປີ ກ່ຽວ​ກັບ​ສະພາບ​ການ​ຂອງ​ປະ​ເທດ​ຊາດ​ ​ໃນວັນ​ທີ
28 ​ເດືອນ​ນີ້ ຄື​ໃນ​ວັນ​ອັງຄານ​ອາທິດ​ໜ້າ​ນີ້. ​ໃນ​ເດືອນ​ພະຈິກ
ທ້າ​ຍປີນີ້ ຊາວ​ອາ​ເມຣິກັນຈະພາກັນ​ມຸ້ງ​ໜ້າ​ໄປ​ຍັງ​ບ່ອນ​ປ່ອນ​
ບັດ ​ເພື່ອ​ເລືອກເອົາ​ສະມາຊິກ​ລັດຖະສະພາ​ຊຸດ​ໃໝ່ ຊຶ່ງຜົນ
ຂອງ​ການ​ເລືອກ​ຕັ້ງ​ອາດ​ສາມາດມີ​ເດີມ​ພັນ​ອັນ​ໃຫຍ່​ຫຼວງ ​ໃນ
ທາງການ​ເມືອງສໍາລັບ ປະທານາທິບໍດີ ຕະຫລອດ​ທັງບັນດາ
ສະ​ມາຊິກ​ສະພາ​ຈາກ​ທັງ​ສອງ​ພັກ​ການ​ເມືອງ​ໃຫຍ່​ຂອງ​ສະຫະ
ລັດ. Jim Malone ຜູ້​ສື່​ຂ່າວພາຍ​ໃນ​ປະ​ເທດ​ຂອງ ​ວີ​ໂອ​ເອ
ມີ​ຄາດ​ການລ່ວງ​ໜ້າກ່ຽວ​ກັບ​ການ​ເມືອງຂອງ​ຊາດ ຊຶ່ງ​ດາຣາ
ຈະ​ນໍາ​ມາສະ​ເໜີ​ທ່ານ .


ປະທານາທິບໍດີ​ໂອ​ບາ​ມາ ​ໄດ້​ຮັບການ​ຕ້ອນຮັບ​ຢ່າງ​ອົບ​ອຸ່ນ​ ໃນ​ລະຫວ່າງ​ການ​ກ່າວ​ຄໍາ​
ປາ​ໄສ​ຕໍ່​ປະຊາຊົນ​ອາ​ເມຣິກັນ ກ່ຽວ​ກັບ​ສະພາບ​ການ​ຂອງປະ​ເທດ​ຊາດເມື່ອ​ປີຜ່ານມາ
ພຽງ​ບໍ່ເທົ່າ​ໃດອາທິດຫຼັງ​ຈາກ​ທ່ານ​ໄດ້​ຮັບ​ໄຊຊະນະ​ ​ໃນ​ການ​ເລືອກ​ຕັ້ງ​ເປັນ​ປະທານາ
ທິບໍດີສະ​ໄໝ​ທີ​ສອງ​ຂອງ​ທ່ານ.

ທ່ານ​ໂອ​ບາ​ມາ​ ​ເວົ້າ​ວ່າ: “ມີ​ຄວາມ​ຄື​ບໜ້າ​ຫຼາຍ​ສິ່ງ​ຫຼາຍ​ຢ່າງ ທີ່​ຈະລາ​ຍງານໃຫ້​ຊາບ.”

​ແຕ່ປີ 2013 ​ໄດ້​ພິສູດ​ໃຫ້​ເຫັນ​ວ່າ ​ເປັນ​ປີ​ທີ່​ຫຍຸ້ງຍາກທາງ​ການ​ເມືອງ​ປີ​ນຶ່ງ​ ສໍາລັບ​ປະທາ
ນາທິບໍດີ ຊຶ່ງ​ສາ​ເຫດ​ສ່ວນ​ໃຫຍ່​ກໍ​ແມ່ນ​ເປັນ​ຍ້ອນການ​ເປີດ​ໃຊ້​ກົດໝາຍຮັກສາສຸຂະພາບ
Obamacare ທີ່​ບໍ່​ລາບ​ລື່ນ​ຂອງ​ທ່ານ.

ໃນ​ປີນີ້ ທ່ານ​ໂອ​ບາ​ມາ ຫວັງ​ທີ່​ຈະ​ຫັນ​ເຫ​ຄວາມ​ສົນ​ໃຈ ​ໄປໃສ່​ການ​ຖົມ​ຊ່ອງ​ວ່າງດ້ານ
ລາຍ​ໄດ້ ລະຫວ່າງ​ຊົນ​ຊັ້ນ​ຮັ່ງມີ​ທີ່​ສຸດ ​ກັບ​ຊົນ​ຊັ້ນ​ກາງ.

ທ່ານ​ໂອ​ບາ​ມາ ​ເວົ້າ​ວ່າ​: “ຖ້າ​ຈະ​ເວົ້າ​ອີກ​ແນວ​ນຶ່ງ ກໍ​ຄື​ວ່າ ພວກ​ເຮົາ​ຕ້ອງ​ໄດ້ເຮັດ​ໃຫ້
​ແນ່​ໃຈ​ວ່າ ການ​ຟື້ນໂຕຄືນ​ຂອງ​ເສດຖະກິດ ຈະ​ບໍ່​ປະຖິ້ມຈັກ​ຄົນ​ໄວ້​ເບື້ອງຫຼັງ ​ແລະ
ພວກ​ເຮົາ​ກໍມີ​ພາລະກິດ​ຫຼາຍ​ຢ່າງ​ທີ່​ຈະຕ້ອງໄດ້​ເຮັດໃນ​ເລື້ອງ ນີ້.”


Ron Bonjean ນັກ​ວາງຍຸ​ທະ​ສາດຂອງ​ພັກຣີພັບ​ບລິ​ກັນ ເວົ້າ​ວ່າ ຄາດ​ວ່າ​ປີ​ນີ້ ພັກ​ຣີພັບ​
ບລິ​ກັນ​ຈະ​ສືບ​ຕໍ່​ການ​ໂຈມ​ຕີ​ ຕໍ່​ກົດໝາຍ​ຮັກສາ​ສຸຂະພາບ​ ຂອງ​ປະທານາທິບໍດີ​ຕື່ມ​ອີກ.

ທ່ານ ບອນ​ຈີນ ​ເວົ້າ​ວ່າ: “​ໃນ​ຕອນນີ້ ມັນແມ່ນ​ເລື້ອງການ​ຮັກສາ​ສຸຂະພາບຫັ້ນ​ຫຼ່ະ.
ມັນ​ເປັນ​ເລື້ອງຂອງການ​ຂາດ​ຄວາມ​ສາມາດ​ ທີ່ກໍາລັງເກີດ​ຂຶ້ນຢູ່ພາຍ​ໃນ​ລັດຖະ
ບານ​ຂອງ​ທ່ານ​ໂອ​ບາ​ມາ​ເອງ ກ່ຽວ​ກັບ​ວິທີ​ຈັດການກັບ​ກົດໝາຍນີ້​.”


ທ່ານ ຈອນ ​ເບ​ນ​ເນີ ​ໂຄສົກ​ສະພາ​ຕໍ່າ ​ເວົ້າ​ວ່າ: ການ​ເຮັດ​ໃຫ້​ໂຄງການສັງຄົມ​ສົງ​ເຄາະ​
ຕ່າງໆ​ ​ເຕີບໂຕຊ້າ​ລົງ​ນັ້ນ ກໍ​ເປັນ​ບຸລິມະສິດ​ປະການນຶ່ງ​ຂອງ​ພັກຣີພັບ​ບລິ​ກັນ​ນໍາເຊັ່ນກັນ.

ທ່ານ ​ເບ​ນ​ເນີ ​ເວົ້າ​ວ່າ: “ປະທານາທິບໍດີ​ປະຕິ​ເສດ ​ແລະ​ພັກເດ​ໂມແຄຣັດກໍ​ປະຕິ
​ເສດ ​ບໍ່​ຍອມປຶກສາ​ຫາລື​ກັນ​ເລື້ອງການ​ປ່ຽນ​ແປງ​ໂຄງການເຫຼົ່າ​ນັ້ນ ​ເວັ້ນ​ເສຍ
ແຕ່​ວ່າ​ພັກ​ຣີພັບ​ບລິ​ກັນ​ຈະເຕັມ​ໃຈ​ຂຶ້ນພາສີ ​ແຕ່​ພວກເຮົາ​ຈະ​ບໍ່​ຂຶ້ນພາສີ.”


ທ່ານ Thomas Mann ປະ​ຈໍາ​ສະ​ຖາ​ບັນ Brookings Institution ​ເວົ້າ​ວ່າ ຄາດ​ໝາຍ
ໄດ້ໂລດວ່າ ​ປະທານາທິບໍດີຈະ​ເນັ້ນ​ໜັກ​ໃສ່​ຮ່ອງຮອຍ​ທີ່​ໃຫ້​ກໍາລັງ​ໃຈໃນດ້ານເສດຖະກິດ
ຂອງສະຫະລັດ ​ແລະ​ບັນຫາ​ລາຍ​ໄດ້ ​ທີ່​ບໍ່​ກໍ້າ​ເກິ່ງ​ກັນ.

ທ່ານ ​ແມນ ​ຊີ້​ແຈງ​ວ່າ: “ເປັນ​ຕົ້ນ​ວ່າ ເສດຖະກິດ​ກໍາລັງ​ດໍາ​ເນີນ​ໄປ​ຢ່າງ​ໃດ ຊຶ່ງໝາຍ​
ເຖິງ​ທັງ​ວຽກງານ ການ​ເຕີບ​ໂຕ ​ແລະ​ຄ່າ​ຈ້າງ ​ແຕ່​ທີ່ຢູ່​ເບື້ອງ​ຫຼັງ​ນັ້ນ ກໍ​ຄືຄວາມ​ບໍ່​ເທົ່າ​
ທຽມ​ກັນ​ດ້ານ​ເສດຖະກິດ ​ແລະ​ບັນຫາ ສອງ​ອາ​ເມຣິກາ ກໍ​ຄື​ອາ​ເມຣິກາ​ຂອງ​ຄົນ​ຮັ່ງ​
ແລະ​ຂອງຄົນ​ທຸກ.”


ທ່ານ ຈອນ ຟໍ​ເທຍ ປະ​ຈໍາ​ສູນ​ກາງ​ນະ​ໂຍບາຍ​ສອງ​ພັກ ສະ​ແດງຄວາມເຫັນ​ວ່າ ປະທາ
ນາທິບໍດີ​ໃນ​ສະ​ໄໝ​ທີ່​ສອງ ມັກ​ຈະ​ມີບັນຫາ​ໃນ​ການກູ້​ເອົາ​ ອິດ​ທິພົນ​ທາງ​ການ​ເມືອງ​ກັບ
ຄືນ​ມາ​. ​

ທ່ານ ຟໍ​ເທຍ ​ເວົ້າ​ວ່າ: “ປົກກະຕິ​ແລ້ວ ປະທານາທິບໍດີຈະ​ເຫັນ​ຄະ​ແນນ​ນິຍົມ​ຂອງ​
ເຂົາ​ເຈົ້າເສື່ອ​ມລົງ​ໄປ​ໜ້ອຍ​ນຶ່ງ ​ເຊັ່ນວ່າ ພວກ​ເຂົ​າ​ເຈົ້າມັກຈະ​ປະ​ເຊີນ​ກັບ​ລັດຖະ
ສະພາ​ ທີ່ຢູ່​ພາຍ​ໃຕ້ການ​ຄວບຄຸມ​ຂອງອີກ​ພັກ​ນຶ່ງ ຫຼື​ຢ່າງ​ໜ້ອຍ​ກໍ​ພາກສ່ວນນຶ່ງ
​ຂອງ​ສະພາ ​ແລະ​ດັ່ງ​ນັ້ນ ປະທານາທິບໍດີກໍ​ບໍ່​ມີ​ຄວາມ​ສາມາດ​ທີ່​ຈະ​ນໍາ​ເອົາ​ແຜນ​
ປະຕິບັດ​ງານ​ຂອງ​ທ່ານຜ່ານ​ສະພາ​ໄດ້ ຄື​ກັນ​ກັບ ທີ່​ທ່ານເຮັດ​ໄດ້ໃນ​ຕອນເລີ່​ມ
ຕົ້ນ​ສະ​ໄໝ​ທີນຶ່ງ​ຂອງ​ທ່ານ.”


ທ່ານ ຟໍ​ເທຍ ​ເວົ້າ​ຕື່ມ​ວ່າ ການ​ຕໍ່ສູ້​ກັນ​ທາງ​ການ​ເມືອງ ທີ່ຈະດໍາ​ເນີນ​ໄປ​ຈົນ​ເຖິງ​ເວລາ
ເລືອກ​ຕັ້ງ​ເອົາ​ສະມາຊິກ​ລັດຖະສະພາ​ໃນ​ເດືອນ​ພະຈິກ​ນັ້ນ ​ມີ​ທາງ​ວ່າ​ຈະ​ເປັນ​ເລື້ອງ​ທີ່
ຄອບ​ງໍາ​ປີ​ນີ້​.

ທ່ານ ຟໍ​ເທຍ ​ເວົ້າ​ວ່າ: “ທ່າ​ອຽງໄ​ລຍະ​ຍາວ​ຂອງ​ການ​ເລືອກ​ຕັ້ງ​ກາງ​ສະ​ໄໝການ​
ດໍາລົງ​ຕໍາ​ແໜ່​ງຂອງ​ປະທານາທິບໍດີ​ນັ້ນ ມັກ​ຈະ​ມີ​ຜົນ​ອອກ​ມາ​ໃນ​ທາງ ທີ່ເປັນ
ການຕໍ່ຕ້ານ​ປະທານາທິບໍດີ​. ຂ້າພະ​ເຈົ້າຄິດ​ວ່າ ຄໍາຖາມ​ທີ່ສໍາຄັນທີ່​ສຸດ​ສໍາລັບ
​ພັກ​ຣີພັບ​ບລິ​ກັນນັ້ນ ກໍ​ຄື​ວ່າ ​ເຂົາ​ເຈົ້າຈະ​ສາມາດ​ຍາດ​ເອົາ​ບ່ອນ​ນັ່ງ​ມາ​ໄດ້
ຫລາຍ​ພໍ​ທີ່​ຈະ​ຄອບ​ງໍາສະພາ​ສູງ​ໄດ້​ຫຼື​ບໍ່?”


ໃນ​ເດືອນພະຈິກທ້າຍ​ປີ​ນີ້ ​ຊາວ​ອາ​ເມຣິກັນຈະ​ພາກັນ​ປ່ອນ​ບັດ​ເອົາ​ຜູ້​ແທນຊຸດ​ໃໝ່ທັງໝົດ
​ຂອງສະພາ​ຕໍ່າ ທີ່​ມີບ່ອນ​ນັ່ງ​ 435 ​ບ່ອນ​ ແລະເວລາ​ນີ້​ ຄວບ​ຄຸມ​ໂດຍ​ພັກ​ຣີພັບ​ບລິ​ກັນນັ້ນ
ແລະ​ເລືອກ​ເອົາ ນຶ່ງ​ສ່ວນ​ສາມ​ຂອງຜູ້​ແທນ​ສະພາ​ສູງ​ ທີ່​ຄວບ​ຄຸມ​ໂດຍ​ພັກ​ເດໂມ​ແຄຣັດນັ້ນ
​ແລະຜູ້​ປົກຄອງລັດ 36 ລັດ.
XS
SM
MD
LG