ລິ້ງ ສຳຫລັບເຂົ້າຫາ

logo-print

ປ. ໂອບາມາ ວ່າ ສະພາ ສາມາດ ແກ້ໄຂ ວິກິດການ ຄົນເຂົ້າເມືອງ ໄດ້ (ວີດີໂອ)


Obama: Ready to Work on Immigration Crisis
please wait

No media source currently available

0:00 0:03:04 0:00

ປະທານາທິບໍດີບາຣັກ ໂອບາມາ ກ່າວວ່າ ລັດຖະສະພາສະຫະ
ລັດມີຄວາມສາມາດທີ່ຈະແກ້ໄຂບັນຫາຄື້ນຟອງຂອງພວກເດັກ
ນ້ອຍ ທີ່ບໍ່ມີພໍ່ແມ່ຕິດຕາມມານຳ ຂ້າມຊາຍແດນ ຈາກເມັກຊິໂກ
ເຂົ້າມາໃນສະຫະລັດ.

ທ່ານໂອບາມາ ຖະແຫຼງຕໍ່ພວກນັກຂ່າວໃນວັນພຸດວານນີ້ ຫລັງ
ຈາກໄດ້ພົບປະ ກັບຜູ້ປົກຄອງ ລັດເທັກຊັສ ທ່ານ Rick Perry
ແລະເຈົ້າໜ້າທີ່ຄົນອື່ນໆ ກ່ຽວກັບວິກິດການດ້ານຄົນເຂົ້າເມືອງ.

ປະທານາທິບໍດີ ຮຽກຮ້ອງໃຫ້ລັດຖະສະພາ ໃຫ້ການອະນຸມັດຕໍ່
ການຮ້ອງຂໍ ເງິນຊ່ອຍເຫຼືອສຸກເສີນຂອງທ່ານ ໃນມູນຄ່າ 3 ພັນ
700 ລ້ານໂດລາ. ທ່ານໂອບາມາເວົ້າວ່າ ທ່ານໄດ້ຮ້ອງຂໍໃຫ້ທ່ານ Perry ຊ່ອຍກົດດັນສະ ມາຊິກສະພາຈາກລັດເທັກຊັສຈົ່ງໃຫ້ການອະນຸມັດຕໍ່ການຮ້ອງຂໍເງິນຈຳນວນດັ່ງກ່າວ.

ທ່ານໂອບາມາ ເວົ້າວ່າ ທ່ານ Perry ໄດ້ຍົກເອົາ 4 ຂົງເຂດ ທີ່ສ້າງຄວາມວິຕົກກັງວົນ ຂຶ້ນ ມາໂອ້ລົມ ປະກອບດ້ວຍ ເລື່ອງເຈົ້າໜ້າທີ່ລາດຕະເວນຊາຍແດນ ການປະຈຳການຂອງ ເຈົ້າໜ້າທີ່ເຫຼົ່ານັ້ນ ນະໂຍບາຍທີ່ແຕກຕ່າງກັນກ່ຽວກັບເລື່ອງຄົນເຂົ້າເມືອງຈາກເມັກຊິໂກ ແລະຈາກອາເມຣິກາກາງແລະໜ້າທີ່ຂອງລະບົບຕຸລາການດ້ານຄົນເຂົ້າເມືອງຂອງສະຫະ ລັດ.

ປະທານາທິບໍດີີໂອບາມາເວົ້າວ່າ ທ່ານໄດ້ແຈ້ງໃຫ້ຜູ້ປົກຄອງລັດເທັກຊັສຊາບວ່າ ຄວາມວິ ຕົກກັງວົນເຫຼົ່ານີ້ທັງໝົດ ສາມາດແກ້ໄຂໄດ້ ຖ້າລັດຖະສະພາຫາກຍອມປະຕິບັດຕາມ ຄຳ ຮ້ອງຂໍເງິນເພີ້ມຕື່ມຂອງທ່ານ.

ທ່ານໂອບາມາເວົ້າວ່າ ບັນຫາສາມາດແກ້ໄຂໄດ້ ຖ້າສະພາຫາກມີຄວາມສົນໃຈ ທີ່ຈະແກ້ ໄຂ ແທນທີ່ແຕ່ຈະສຸມໃສ່ໃນເລື່ອງການເມືອງ.

ກ່ອນໜ້ານັ້ນໃນມື້ວານນີ້ ປະທານສະພາຕ່ຳສະຫະລັດ ທ່ານ John Boehner ໄດ້ພົບປະ ກັບພວກສະມາຊິກພັກຣີພັບບລີກັນຂອງທ່ານ ເພື່ອຫາລືກ່ຽວກັບຄຳຮ້ອງຂໍຂອງປະທານາ ທິບໍດີ.

ແຫຼ່ງຂ່າວພາຍໃນທີ່ໃກ້ຊິດກັບການພົບປະດັ່ງກ່າວແຈ້ງວ່າທ່ານ Boehner ໄດ້ກ່າວຕໍ່ສະ ມາຊິກວ່າ ສະພາຕ່ຳຕ້ອງໄດ້ດຳເນີນການ ກ່ຽວກັບການຮ້ອງຂໍຂອງປະທານາທິບໍດີກ່ອນ ທີ່ຈະເດີນທາງໄປພັກເປັນເວລາດົນນານໃນເດືອນສິງຫາຈະມານີ້.

OBAMA US IMMIGRATION CNPK
please wait

No media source currently available

0:00 0:01:52 0:00

ທ່ານອາດຈະມັກເລື້ອງນີ້ຄືກັນ

XS
SM
MD
LG