ລິ້ງ ສຳຫລັບເຂົ້າຫາ

logo-print

ປ. ໂອບາມາ ສືບຕໍ່ ໂຄສະນາ ເພື່ອຂຶ້ນພາສີ ພວກຄົນຮັ່ງມີ (ວີດິໂອລາວ ແລະອັງກິດ)


ທ່ານ John Boehner (ຊ້າຍ) ປະທານສະມາສະຫະລັດພັກຣີພັບ ບລິກັນ ຂະນະຖະແຫຼງຕໍ່ສື່ມວນຊົນ ກ່ຽວກັບແຜນການຂື້ນພາສີຊາວ ອະເມຣິກັນຮັ່ງມີທີ່ສຸດ ຮັ່ງມີທີ່ສຸດ

ທ່ານໂອບາມາຮ້ອງຂໍຕໍ່ຜູ້ນໍາພາກທຸລະກິດ ແຮງງານ ພ້ອມທັງສະມາຊິກສະພາ ແລະມະຫາຊົນ ຊ່ວຍຜັກດັນພັກ ຣີພັບບລິກັນ ໃຫ້ເຫັນພ້ອມ ກັບແຜນການຂຶ້ນພາສີ ຊາວອະເມຣິກັນທີ່ຮັ່ງມີທີສຸດ.

ການໂຄສະຫາສຽງ ເພື່ອສະໝັກເລືອກຕັ້ງເຂົ້າຮັບຕຳແໜ່ງ
ສະໄໝທີ່ສອງຂອງ ປະທານາທິບໍດີ ບາຣັກ ໂອບາມາອາດຜ່ານ
ພົ້ນໄປແລ້ວກໍຈິງຢູ່ ແຕ່ ການໂຄສະນາຫາສຽງ ທາງເສດຖະກິດ
ຂອງທ່ານນັ້ນ ຍັງດໍາເນີນຢູ່ຕໍ່ໄປ. ຂະນະນີ້ ທ່ານໂອບາມາໄດ້ ຮ້ອງຂໍຕໍ່ບັນດາຜູ້ນໍາພາກທຸລະກິດ ແລະແຮງງານ ຕະຫຼອດທັງ ສະມາຊິກສະພາແລະມະຫາຊົນຈົ່ງຊ່ວຍຜັກດັນໃຫ້ພັກຣີພັບ ບລິກັນໃນລັດຖະສະພາຈົ່ງເຫັນພ້ອມກັບແຜນການຂອງທ່ານ
ເພື່ອຂຶ້ນພາສີຕໍ່ຊາວອະເມຣິກັນທີ່ຮັ່ງມີທີສຸດນັ້ນໃຫ້ໄດ້. Kent
Klein ຜູ້ສື່ຂ່າວວີ ໂອເອມີລາຍງານກ່ຽວກັບເລຶ່ອງນີ້ເພີ່ມຕື່ມ
ຊຶ່ງທອງປານ ຈະນໍາມາສະເໜີທ່ານໃນອັນດັບຕໍ່ໄປ.

ໃນການໂຄສະນາຫາສຽງເລືອກຕັ້ງເພື່ອເຂົ້າຮັບຕຳແໜ່ງສະໄໝທີ່ສອງຂອງທ່ານທີ່ປະສົບ ຜົນສໍາເລັດແລ້ວນັ້ນ ທ່ານໂອບາມາ ຍັງໄດ້ຮ້ອງຂໍຢ່າງບໍ່ລົດລະຕໍ່ຊາວອະເມຣິກັນຊົນຊັ້ນ ກາງທັງຫຼາຍ ຈົ່ງໃຫ້ການສະໜັບສະໜຸນໂຄງການຂອງທ່ານ ເພື່ອຂຶ້ນພາສີ ສໍາລັບພວກ ຄົນຮັ່ງມີ ແລະສືບຕໍ່ຕັດພາສີ ແກ່ບຸກຄົນອື່ນໆ. ຊຶ່ງທ່ານໂອບາມາກ່າວວ່າ:

“ການຕໍ່ສູ້ຂອງເຮົາຈະດໍາເນີນຕໍ່ໄປ ຍ້ອນວ່າປະເທດຂອງເຮົານີ້ ຈະບໍ່ສາມາດ ບັນລຸຜົນສໍາເລັດໂດຍປາດສະຈາກການເຕີບໂຕແລະຄວາມ ຈະເລີນຮຸ່ງເຮືອງ ຂອງພວກຊົນຊັ້ນກາງ” ຂະຫຍາຍພວກຊົນຊັ້ນກາງ ພວກຊົນຊັ້ນກາງ ພວກຊົນ ຊັ້ນກາງ.”


ເບິ່ງວີດິໂອລາຍງານນີ້ເປັນພາສາລາວ:


ນັບຕັ້ງແຕ່ທ່ານໄດ້ຖືກເລືອກໃຫ້ເຂົ້າຮັບຕຳແໜ່ງເປັນສະໄໝທີ່ສອງຂອງທ່ານໃນວັນທີ່ 6 ພະຈິກຜ່ານມານີ້ ປະທານາທິບໍດີໄດ້ງັດເອົາຍຸທະສາດ ທໍານອງດຽວກັນມາໃຊ້ ເພື່ອຜັກ ດັນ ໃຫ້ຂຶ້ນພາສີ ສໍາລັບຊາວອະເມຣິກັນ ທີ່ມີລາຍໄດ້ສູງ ໃນຂະນະທີ່ຍັງຮັກສາອັດຕາ ພາສີຂອງພວກຊົນຊັ້ນກາງ ທີ່ມີຢູ່ໃນປັດຈຸບັນໄວ້ຄືເກົ່າ.

ໃນການໃຫ້ສໍາພາດແກ່ສື່ມວນຊົນເມື່ອວັນພຸດອາທິດຜ່ານມານີ້ ທ່ານໂອບາມາໄດ້ເອີ່ຍ ເຖິງພວກຊົນຊັ້ນກາງ 21 ເທື່ອ. ທ່ານໂອບາມາກ່າວຕໍ່ໄປວ່າ

ພວກເຮົາບໍ່ຄວນຈະເອົາພວກຊົນຊັ້ນກາງມາເປັນຕົວປະກັນ ໃນຂະນະທີ່ພວກ ເຮົາຍັງໂຕ້ວາທີກັນ ເລຶ່ອງຕັດພາສີຂອງ ພວກຄົນຮັ່ງມີນັ້ນຢູ່ ຄືຢ່າງໜ້ອຍ ກໍເຮັດ ໄປຕາມທີ່ພວກເຮົາເຫັນພ້ອມນໍາກັນ ນັ້ນຄືຮັກສາລະດັບອັດຕາພາສີຂອງພວກ ຊົນຊັ້ນກາງໄວ້ໃຫ້ຕໍ່າຄືເກົ່າ.”

ປະທານາທິບໍດີໂອບາມາ ພ້ອມດ້ວຍ ບັນດາຜູ້ນຳທັງຂອງພັກເດໂມແຄຣັທ ແລະພັກຣີພັບ ບລິກັນໃນລັດຖະສະພາ ເລິ່ມຕົ້ນທໍາການເຈລະຈາຕໍ່ຮອງກັນ ແລ້ວໂດຍຫວັງວ່າຈະຫຼີກ ລ່ຽງບໍ່ໃຫ້ເກີດໃນສິ່ງທີ່ເອີ້ນກັນວ່າເຫວງົບປະມານ ຫຼື Fiscal Cliff ນັ້ນ.

ທ່ານ ຈອນ ເບນເນີ ປະທານສະພາສະຫະລັດ ທີ່ສັງກັດພັກຣີພັບບລີກັນ ຍັງຍຶດໝັ້ນໃນ ຄວາມຮຽກຮ້ອງຕ້ອງການຂອງທ່ານເພື່ອຕົກລົງກັນຕັດການໃຊ້ຈ່າຍໂຄງການສົງເຄາະ ສັງຄົມຕ່າງໆລົງ ແຕ່ທ່ານກໍກ່າວວ່າ ທ່ານເຕັມໃຈທີ່ຈະປະນີປະນອມ ກ່ຽວກັບເລຶ່ອງພາສີ. ຊຶ່ງທ່ານ ຈອນ ເບນເນີ ກ່າວຕໍ່ໄປວ່າ:

“ເພື່ອສະແດງເຖິງຄວາມຈິງຈັງຂອງພວກເຮົານັ້ນ ພວກເຮົາໄດ້ຍົກເອົາເລຶ່ອງ ລາຍໄດ້ມາເຈລະຈາກັນ ຕາບໃດທີ່ຍັງມີການຕັດຄ່າໃຊ້ຈ່າຍທີ່ສໍາຄັນຕ່າງໆລົງ ພ້ອມນັ້ນ.”

ພາຍໃຕ້ຂໍ້ຕົກລົງກັນຄັ້ງປີ 2011 ນັ້ນ ການຕັດຄ່າໃຊ້ຈ່າຍຂອງລັດຖະບານ ລົງຢ່າງຫຼວງ ຫຼາຍນັ້ນ ຈະມີຜົນບັງຄັບໃຊ້ ແລະການຜ່ອນຜັນພາສີຈະໝົດ ອາຍຸລົງໃນວັນທີ 1 ເດືອນ ມັງກອນ 2013 ຕໍ່ໜ້ານີ້.

ທ່ານ Stan Collender ເຮັດວຽກກັບລູກຄ້າ ຢູ່ໃນອຸດສາຫະກໍາການເງິນ ທີ່ບໍລິສັດ Qorvis Communication ຊຶ່ງເປັນບໍລິສັດປະຊາສຳພັນ ທີ່ມີ ສໍານັກງານຢູ່ວໍຊິງຕັນ.

ທ່ານ Collender ກ່າວວ່າ ການໄດ້ຮັບໄຊຊະນະ ເຂົ້າຮັບຕຳແໜ່ງເປັນ ສະໄໝທີ່ສອງ ຂອງທ່ານໂອບາມາ ແລະຄວາມຮີບດ່ວນໃນການທີ່ຈະມາ ເຖິງຂອງເຫວງົບປະມານເຮັດ ໃຫ້ທ່ານໂອບາມາໄດ້ປຽບທາງການເມືອງ ໃນການເຈລະຈາກັນນັ້ນ.

“ການຂຶ້ນພາສີ ຈະມີຜົນບັງຄັບໃຊ້ຢ່າງອັດຕະໂນມັດ ແລະພ້ອມກັບການ ຕັດຄ່າ ໃຊ້ຈ່າຍຕ່າງໆລົງກໍຈະມີຜົນບັງຄັບໃຊ້ ຢ່າງອັດຕະໂນມັດ. ນີ້ແມ່ນ ສິ່ງທີ່ຣີພັບ ບລີກັນຢາກຈະຍຸຕິ ແຕ່ມີວິ ທີດຽວເທົ່ານັ້ນທີ່ພວກເຂົາເຈົ້າກະທຳໄດ້ ກໍຄືຮັບ ຜ່ານຮ່າງກົດໝາຍທີ່ປະທານາທິບໍດີຈະລົງນາມ.”

ແຕ່ແນວໃດກໍຕາມ ປະທານາທິບໍດີບໍ່ຢາກສ່ຽງກ່ຽວກັບເລື່ອງນີ້. ທ່ານໄດ້ເປັນເຈົ້າພາບ ຈັດກອງປະຊຸມກັບພວກຊາວອາເມຣິກັນທີ່ມີອິດທິພົນຫຼາຍໆກຸ່ມເພື່ອສະແຫວງຫາການ ສະໜັບສະໜຸນຈາກພວກເຂົາເຈົ້າ.

ທ່ານ Collender ປະທານາທິບໍດີແມ່ນເປັນທີ່ໜ້າສົນໃຈຫຼາຍທີ່ສຸດ ທີ່ໄດ້ ຮັບຄວາມສະ ໜັບສະໜຸນຈາກຜູ້ບໍລິຫານທີ່ຄັນໆຂອງບໍລິສັດຕ່າງໆ ຊຶ່ງ ສ່ວນຫຼວງຫຼາຍເປັນພັກຣີພັບ ບລີກັນນັ້ນ.

“ປະທານາທິບໍດີຈະມັກຫຼາຍໃຫ້ປະຊາຄົມທຸລະກິດ ບອກຣີພັບບລີກັນວ່າ ເບິ່ງດູ ພວກເຮົາຕົກລົງກັນໃນຈຸດນີ້ທີ່ວ່າ ການຂຶ້ນພາສີແມ່ນມີຄວາມຈຳເປັນ. ຢຸດສ້າງ ຄວາມວຸ້ນວາຍເລື່ອງນີ້ໄດ້ແລ້ວ ຍ້ອນວ່າພວກທ່ານ ຈະສ້າງຄວາມເສຍຫາຍ ໃຫ້ແກ່ເສດຖະກິດ ແກ່ການຂາຍ ​ແລະແກ່ລາຄາຮຸ້ນຂອງພວກເຮົາ​ໄດ້.”

ນອກນັ້ນທ່ານໂອບາມາ ຍັງໄດ້ພົບປະກັບພວກຜູ້ນຳແຮງງານ ເຊັ່ນທ່ານ Richard Trumka ປະທານຂອງອົງການ AFL-CIO ຊຶ່ງການສະໜັບ ສະໜຸນແມ່ນເປັນທີ່ຄໍ້າ ປະກັນຢູ່ແລ້ວ

“ພວກເຮົາມີຄວາມໝາຍໝັ້ນຕັ້ງໃຈ ​ແລະເປັນທີ່ແນ່ໃຈວ່າ ຊົນຊັ້ນກາງ ແລະ ພວກຄົນງານ ຊຶ່ງໃນທີ່ສຸດຈະໄດ້ເປັນຜູ້ແບກຫາບພາລະ ໃນການຈ່າຍພາກ ສ່ວນທີ່ອີກຝ່າຍນຶ່ງ ທີ່ພວກເຮົາບໍ່ສາມາດໃຫ້ເຂົາເຈົ້າຈ່າຍໄດ້ນັ້ນ.

ແລະບາງຄົນທີ່ເຮັດວຽກກ່ຽວກັບການໂຄສະນາຫາສຽງເພື່ອໃຫ້ປະທານາທິບໍດີໄດ້ຮັບ ເລືອກຕື່ມອີກສະໄໝນຶ່ງນັ້ນ ເວລານີ້ກຳລັງກົດດັນໃຫ້ບັນດາສະມາ ຊິກລັດຖະສະພາ

ຂ້າພະເຈົ້າຄິດວ່າ ພວກເຮົາຕ່າງກໍຮູ້ດີ ວ່າພວກເຮົາມີພາລະກິດ ທີ່ຮີບດ່ວນ ທີ່ຕ້ອງໄດ້ກະທຳ.”

ມີກຳນົດວ່າ ການເຈລະຈາກັນຈະເລີ້ມຄືນອີກໃນອາທິດສຸດທ້າຍຂອງເດືອນພະຈິກນີ້ ແລະ ເວລາກໍກຳລັງໃກ້ຈະໝົດລົງແລ້ວ.

ເບິ່ງວີດິໂອກ່ຽວຂ້ອງກັບລາຍງານນີ້ ເປັນພາສາອັງກິດ:

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG