ລິ້ງ ສຳຫລັບເຂົ້າຫາ

ວັນພຸດ, ໒໘ ກຸມພາ ໒໐໒໔

ປ. ສຫລ ທ່ານ Obama ພົບປະກັບ ນາຍົກອັງກິດ ທ່ານ Cameron ເປັນມື້ທີສອງ


ນາຍົກລັດຖະມົນຕີອັງກິດ ທ່ານ David Cameron (ຊ້າຍ) ແລະ ປະທານາທິບໍດີ ສະຫະລັດ ທ່ານ Barack Obama (ຂວາ)
ນາຍົກລັດຖະມົນຕີອັງກິດ ທ່ານ David Cameron (ຊ້າຍ) ແລະ ປະທານາທິບໍດີ ສະຫະລັດ ທ່ານ Barack Obama (ຂວາ)

ປະທາ​ນາ​ທິບໍດີ ສະຫະລັດ ທ່ານ Barack Obama ​ໄດ້​ຈັດ
ງານລ້ຽງອາຫານ​ຄໍ່າແລະປະຊຸມໄປພ້ອມກັບນາຍົກລັດຖະມົນ
ຕີອັງກິດທ່ານ David Cameron ທີ່​ທຳນຽບຂາວ ​ໃນ​ແລງ​ວັນ​
ພະຫັດ​ວານ​ນີ້ ຫລັງ​ຈາກ​ຢູ​ໂຣບ ​ໄດ້ປະສົບກັບການ ໂຈມຕີ​ກໍ່​
ການ​ຮ້າຍ ​ທີ່ນະຄອນ​ປາຣີ.

ຜູຸ້ນຳ​ທັງ​ສອງ ໄດ້ຮ່ວມກັນຂຽນບົດບັນນາທິການ ໃນອາທິດ​ນີ້
​ ລົງໃນໜັງ​ສຶພິມ the Times of London ໂດຍປະກາດ​ວ່າ
ຈະສ້າງແນວໂຮມຕ້ານ​ພວກອິສ ລາມຫົວຮຸນແຮງຈັດ.

ອັງກິດ ​ໄດ້​ເປັນ​ພັນທະ​ມິດ​ທີ່ໃກ້ຊິດ​ທີ່​ສຸດ​ຂອງສະຫະລັດ ​ໃນ
​ການ​ຕໍ່ສູ້ຕ້ານພວກກໍ່​ການ​ຮ້າຍ ມາເປັນເວລາດົນນານແລ້ວ ​ທັງຢູ່ໃນປະເທດຕາ​ເວັນ​ຕົກ
​ແລະ​ຢູ່​ໃນ​ພາກຕາ​ເວັນ​ອອກ​ກາງ.

ບັນດາ​ເຈົ້າ​ໜ້າ​ທີ່​ທຳນຽບຂາວ ກ່າວ​ວ່າ ທ່ານ Obama ​ແລະ ທ່ານ Cameron ຈະ​ພົບ​
ປະກັນ​ໃນ​ວັນ​ສຸກ​ມື້​ນີ ​ເພື່ອ​ສົນທະນາ​ຫາລືກັນ​ໃນ​ຫລາຍ​ໆ ບັນຫາຮວມທັງການ​ກໍ່​ການ
​ຮ້າຍ ອີ​ໂບລາ ​ແລະ​ບົດບາດ​ຂອງຣັດ​ເຊຍ ​ໃນ ຢູ​ເຄຣນ.

ຜູ້ນຳ​ອັງກິດ ກ່າວ​ວ່າ ທ່ານ​ມີ​ແຜນ​ທີ່​ຈະ​ຮ້ອງຂໍ ໃຫ້ປະທານາທິບໍດີ Obama ກົດ​ດັນ ບັນ
ດາ​ບໍລິສັດ​ເທັກ​ໂນ​ໂລ​ຈີ ສະຫະລັດ ​ເຊັນ​ວ່າ Google ​ແລະ Facebook ​ເພື່ອ​ອະນຸຍາດ
​ໃຫ້ ລັດຖະບານ ​ເຂົ້າ​ໄປ​ສອດແນມເບິ່ງ​ການ​ຕິດຕໍ່ສື່ສານທີ່ເປັນລະຫັດນັ້ນ.

ເລື້ອງດັ່ງກ່າວ​ນີ້ ເປັນ​ເລື້ອງ​ທີ່ຫຼໍ່ແຫຼມສຳຄັນ​ທີ່​ສຸດ​ຢ່າງ​ນຶ່ງ​ ຢູ່​ໃນສະຫະລັດ ຫຼັງຈາກໄດ້ມີ
ການສະແດງຄວາມໂກດແຄ້ນຢ່າງກວ້າງຂວາງຂອງ​ສາທາລະນະຊົນ ຕໍ່ການ​ເປີດ​ເຜີຍ​
ວ່າ ອົງການ​ຄວາມ​ໝັ້ນຄົງແຫ່ງຊາດຂອງສະຫະລັດ ຫລື NSA ໄດ້​ຄົ້ນ​ຫາ​ບັນທຶກ​ໂທລະ
ສັບຂອງ​ຊາວ​ອາ​ເມຣິກັນ ຫຼາຍ​ລ້ານ​ຄົນ. ​ການເປີດ​ເຜີຍ​ໂດຍອ​ະດີດນັກວິ​ເຄາະ ຂອງອົງ
ການ NSA ທ້າວ Edward Snowden ຍັງ​ສະ​ແດງ​ໃຫ້​ເຫັນ​ວ່າ ບໍລິສັດ​ອິນ​ເຕີ​ແນັດຂອງ
ສະຫະລັດຈຳນວນ​ນຶ່ງ​ໄດ້​ອະນຸຍາດ​ ໃຫ້ອົງການ NSA ​ເຂົ້າ​ໄປຄົ້ນ​ຫາຂໍ້ມູນ​ໄດ້.

OBAMA CAMERON SOTVO
please wait
Embed

No media source currently available

0:00 0:00:46 0:00

XS
SM
MD
LG