ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປ.​ໂອ​ບາ​ມາ ມອບຫຼຽນໄຊ ກຽດຕິຍົດ ​ໃຫ້​ແກ່​ ອະດີດຈ່າ​ຕີ ທະຫານ​ບົກ (ວີດີໂອ)


US Awards Medal of Honor for Heroics in Bloodiest of Afghan Battles
please wait

No media source currently available

0:00 0:02:10 0:00

ອະດີດຈ່າ​ຕີທະຫານ​ບົກ ທ້າວ Ryan Pitts ເປັນ​ຜູ້​ທີ 9 ທີ່​ໄດ້​​​ຮັບຫລຽນໄຊກຽດຕິຍົດ ທີ່​ສູງ​ສຸດ​ ຂອງ​ສະຫະລັດອາເມຣິກາ.

ໃນພິທີທີ່ຈັດຂຶ້ນຢູ່ທຳນຽບຂາວ ໃນມື້ວັນຈັນວານນີ້ ປະທາ
ນາທິບໍດີສະຫະລັດ ທ່ານບາຣັກ ​ໂອ​ບາ​ມາໄດ້​ມອບຫຼຽນໄຊ
ກຽດຕິຍົດ ​ໃຫ້​ແກ່​ອະດີດ ຈ່າ​ຕີ ທະຫານ​ບົກ ຜູ້​ທີ່​ໄດ້​ຕໍ່ສູ້​ກັບ
​ພວກນັກລົບກຸ່ມ Taliban ທ່າມ​ກາງ​ການ​ສູ້​ລົບ ​ຢ່າງນອງ​
ເລືອດ ​ຢູ່ ​ອັຟກາ​ນິສຖານ ​ເມື່ອ 6 ປີ​ທີ່​ຜ່ານ​ມາ.

ທ້າວ Ryan Pitts ໄດ້ສືບ​ຕໍ່ສູ້​ລົບກັບ​ພວກ Taliban ປະມານ
200 ຄົນ ​ແລະ ​ໄດ້ຊ່ວຍແນະນຳ​ໃນ​ການ​ໂຈມ​ຕີ​ທາງ​ອາກາດ​
ເພື່ອຂັບໄລ່ ການບຸກ​ໂຈມ​ຕີ​ຂອງ​ພວກ Taliban ​ເມື່ອ​ວັນທີ
13 ກໍລະກົດ 2008 ​ທີ່​ເມືອງ Wanat ຂອງອັຟກາ​ນິສຖານ. ​
ໃນ​ຂະນະ​ທີ່​ຕໍ່ສູ້ກັນ​ຢູ່​ນັ້ນ ທ້າວ Pitts ​ໄດ້​ສູນ​ເສຍ​ເລືອດຢ່າງ
ຫລວງຫຼາຍຈາກ​ບາດ​ແຜຫຼາຍໆ​ບ່ອນ​ຢູ່ຂາ ແລະ​ແຂນທັງ​ສອງ​ຂ້າງຂອງ​ລາວ.

ທ່ານ ​ໂອ​ບາ​ມາ ກ່າວ​ວ່າ ທ້າວ Pitts ​ເປັນ​ຕົວຢ່າງ “ຄວາມ​ຖ່ອມ​ຕົນ ​ແລະ ຄວາມ​ສັດ​ຊື່”
ຂອງ​ຊາວ​ອາ​ເມຣິກັນ​ທັງ​ຊາຍ​ແລະ​ຍິງ ຜູ້​ທີ່​ໄດ້ໃສ່ຊຸດ​ເຄື່ອງແບບທະຫານ.

ທະຫານ​ຄົນ​ນີ້ ​ໄວ 28 ປີ ​ໄດ້​ກ່າວ​ວ່າ ກຽດຕິຍົດ​ນີ້ ​ແມ່ນ​ເປັນ​ຂອງ​ພວກ​ເພື່ອນ​ທະຫານຊາຍ​ແລະ​ຍິງ​ ທີ່ໄດ້​ຕໍ່ສູ້​ຄຽງ​ບ່າ​ຄຽງ​ໄຫຼ່ກັບ​ລາວ.

ທ້າວ Pitts ແມ່ນ​ເປັນ​ຜູ້​ທີ 9 ທີ່​ໄດ້​ເປັນຜູ້ຮັບຫລຽນໄຊທີ່​ສູງ​ສຸດ​ຂອງ​ປະ​ເທດ​ ສຳ​ຫລັບ​ການ
​ສູ້​ລົບ​ອັນ​ກ້າຫານ​ຊານ​ໄຊ ​ໃນ​ສົງຄາມ ອີຣັກ ​ແລະ ອັຟກາ​ນິສຖານ.

XS
SM
MD
LG