ລິ້ງ ສຳຫລັບເຂົ້າຫາ

site logo
ວັນສຸກ, 20 ພຶດສະພາ 2022

ຍຸດທະສາດຂອງທ່ານໂອບາມາ ໃນການຮັບມືກັບ ການລຸກຮືຂຶ້ນ ຂອງຊາວອາຣັບ ແມ່ນໄດ້ຜົນດີ (ເບິ່ງວີດີໂອ)


ການລຸກຮືຂຶ້ນ ຕໍ່ຕ້ານລັດຖະບານ ຂອງປະຊາຊົນຊາວອີຈິບ

ການຕອບຮັບແບບລະມັດລະວັງຂອງປະທານາທິບໍດີບາຣັກໂອບາມາ ຕໍ່ການລຸກຮືຂຶ້ນຂອງ ປະຊາຊົນໃນທົ່ວພາກຕາເວັນອອກກາງ ແລະອາຟຣິກາເໜືອນັ້ນ ມັກຈະໄດ້ຮັບການຕຳໜິ ຕິຕຽນຢູ່ເລື້ອຍໆ. ແຕ່ນຶ່ງປີ ຫຼັງຈາກການປະທ້ວງໃນລະດູບານໃໝ່ຂອງຊາວອາຣັບເລີ່ມຂຶ້ນ ນັ້ນພວກນັກຊ່ຽວຊານກ່ຽວກັບຂົງເຂດບາງຄົນກ່າວວ່າ ຍຸດທະສາດຂອງລັດຖະບານສະຫະ ລັດໃຫ້ຜົນກຸ້ມຄ່າ. Dan Robinson ຜູ້ສື່ຂ່າວຂອງວີໂອເອປະຈຳທຳນຽບຂາວມີລາຍງານ ກ່ຽວກັບເລື່ອງນີ້

ເມື່ອ​ວັນ​ທີ 17 ທັນວາ​ປີ 2010 ຜ່ານ​ມາ ນາຍ Mohamed Bouaziz ຄົນຂາຍ​ເຄື່ອງ​
ແຄມ​ທາງທີ່​ປະ​ເທດ Tunisia ​ໄດ້ເອົາ​ໄຟຈູດເຜົາ​ໂຕ​ເອງ​ເພື່ອ​ເປັນ​ການ​ປະ​ທ້ວງຕໍ່​ນະ​ໂຍ
ບາຍ​ຂອງ​ລັດຖະບານ ​ແລະ​ໄດ້​ເສຍ​ຊີວິດ​ໃນເວລາ​ຕໍ່​ມາ ຊຶ່ງ​ກາຍ​ເປັນ​ຕົວ​ເລັ່ງ​ໃຫ້​ເກີດປະຕິ
ກິລິຍາໃນ​ທາງ​ທີ່​ບໍ່​ຄາດ​ຄິດທີ່​ໄດ້​ນໍາ​ໄປ​ສູ່​ການ​ປະຕິວັດ​ໃນຕູ​ນີ​ເຊຍ ​ແລະ​ການ​ລຸກ​ຮື​ຂຶ້ນຂອງ
ຊາວ​ອາຣັບທີ່​ເອີ້ນກັນວ່າ ​ລະດູບານ​ໃໝ່​ຂອງ​ອາຣັບນັ້ນ.

ພາຍ​ໃນ​ໄລຍະ​ບໍ່​ເທົ່າ​ໃດເດືອນ ການ​ປະ​ທ້ວງ​ກໍ​ໄດ້​ລ​ະ​ເບີດ​ຂຶ້ນ ຢູ່​ທີ່​ປະ​ເທດ​ອີ​ຈິບ ​ເຢ​ເມນ
ບາຫ໌​ເຣນ​ແລະ​ຊີ​ເຣຍ. ປະທານາທິບໍດີ​ອີ​ຈິບ​ໄດ້​ຖືກ​ຂັບ​ໄລ່​ອອກ​ຈາກ​ອຳນາດ.

ແລະ​ມາ​ຮອດ​ທ້າຍ​ປີ ຈອມ​ຜະ​ເດັດ​ການ​ຂອງລີ​ເບຍ ​ມວມມາ ກາດ​ດາ​ຟີກໍໄດ້​ຖືກ​ຂ້າ​ຕາຍ.

ສະຫະລັດ​ແລະ​ອົງການ​ເນ​ໂຕ້​ໄດ້​ໃຫ້ການ​ສະໜັບສະໜຸນ​ທາງ​ອາກາດ​ເພື່ອ​ປົກ​ປ້ອງ​ຄຸ້ມຄອງ​
ພົນລະ​ເຮືອນຈາກ​ການ​ບຸກ​ໂຈມ​ຕີ​ຂອງ​ກຳລັງ​ລັດຖະບານ​ໃນ​ລີ​ເບຍ.

ແຕ່​ການ​ລຸກ​ຮື​ຂຶ້ນ​ໃນ​ລະດູບານ​ໃໝ່​ຂອງ​ຊາວ​ອາຣັບແມ່ນ​ຍາກ​ທີ່​ຈະ​ທຳນາຍ​ໄດ້. ຜູ້ນຳຫຼາຍ​
ຄົນ​ ທັງ​ທີ່ເປັນ​ມິດ​ແລະ​ບໍ່​ເປັນມິດ​ກັບ​ສະຫະລັດ​ໄດ້​ຖືກ​ໂຄ່ນ​ລົ້ມ ແລະມາ​ຈົນ​ເຖິງ​ເດືອນ​ພຶດ
ສະພາທ່ານ​ໂອ​ບາ​ມາ​ຈຶ່ງ​ໄດ້​ເອົາ​ທ່າ​ທີ​ແບບ​ໜັກ​ແໜ້ນ​ຂອງສະຫະລັດເຂົ້າຂ້າງຊາວ​ອາຣັບທີ່​
ທຳ​ການ​ປະ​ທ້ວງ.

ທ່ານ​ໂອ​ບາ​ມາ​ເວົ້າວ່າ ພວກເຮົາສະໜັບສະໜຸນການປະຕິຮູບທາງດ້ານການເມືອງ
ແລະ
ເສດຖະກິດ ໃນພາກຕາເວັນອອກກາງ ແລະອາຟຣິກາເໜືອ ທີ່ສາມາດສະ
ໜອງ
ຕອບຕໍ່ຄວາມໄຝ່ຝັນ ຢ່າງຖືກຕ້ອງຊອບທຳ ຂອງປະຊາຊົນທຳມະດາສາມັນ
ຢູ່
ໃນທົ່ວພູມີພາກ. ການສະໜັບສະໜຸນຂອງພວກເຮົາຕໍ່ຫຼັກການເຫຼົ່ານີ້ບໍ່ແມ່ນຜົນ
ປະ
ໂຫຍດອັນດັບສອງ.”

ປະທານາທິບໍດີ ໂອບາມາ
ປະທານາທິບໍດີ ໂອບາມາ

ການ​ໃຫ້​ຄວາມ​ສະໜັບສະ​ໜຸນ
ຂອງ​ສະຫະລັດ​ໃນ​ທີ່​ສຸດ​ຕໍ່​ການ
ລຸກ​ຮື​ຂຶ້ນ​ໃນ​ລະດູບານໃໝ່​ຂອງ​
ຊາວ​ອາຣັບ ແມ່ນ​ໄດ້​ພາ​ໃຫ້​ມີ​
ການ​ຕຳ​ໜິຕິຕຽນ​ວ່າ ລັດຖະ
ບານ​ສະຫະລັດ ​ບໍ່​ໄດ້​ໃຫ້ການ
ສະໜັບສະໜຸນຢ່າງ​ພຽງພໍ ຕໍ່​
ພວກ​ປະ​ທ້ວງ​ຊາວ​ອີຣ່ານ​ໃນ
ປີ 2009. ​ແຕ່ທ່ານ Walter
Russell Mead ສາດສະດາ
ຈານ​ສອນ​ວິຊາ​ກິດຈະການ​ຕ່າງ
ປະ​ເທດ​ພາສາ​ແລະ​ວັນນະຄະດີ
ທີ່​ວິທະຍາ​ໄລ Bard ກ່າວ​ວ່າ
ບັນດາ​ປະ​ທາ​ນາ​ທິບໍດີ​ຂອງ​ສະ
ຫະລັດ​ມັກ​ຈະ​ປະ​ເຊີນ​ກັບ​ການ​
ຕັດສິນໃຈທີ່​ຍຸ່ງຍາກ ເວລາ​ໃດ​
ມີ​ການ​ປະຕິວັດກ່ຽວຂ້ອງ​ນຳ.

ສາດສະດາຈານ Mead ​ເວົ້າວ່າ “ຂ້າພະ​ເຈົ້າຄິດ​ວ່າ ຄວາມ​ຄິດ​ທີ່​ວ່າ​ປະທານາທິບໍດີ​
ສະຫະລັດບໍ່​ວ່າມາຈາກ​ພັກ​ໃດ​ກໍ​ຕາມ ຈະສາມາດ​ຄາດ​ຄະ​ເນ​ໄດ້ ເລີ່​ມ​ແຕ່​ມື້ທຳ​ອິດ
ກ່ຽວ​ກັບ​ແຜນ​ແມ່​ບົດ​ ເພື່ອ​ຮັບມືກັບ​ການ​ຫັນປ່ຽນ​ ຈາກ​ການປະຕິວັດ ຢູ່​ໃນ​ຫົກ​ປະ​
ເທດທີ່​ມີ​ຄວາມ​ສຳຄັນ​ທາງ​ດ້ານ​ຍຸດ​ທະ​ສາດນັ້ນທ່ານ​ຄົງ​ຮູ້​ດີ​ເວລາ​ທ່ານ​ເວົ້າ​ແບບນີ້
ທ່ານກໍ​ຈະ​ສໍານຶກ​ໄດ້ວ່າ​ມັນ​ເປັນ​ສິ່ງ​ທີ່​ບໍ່​ສາມາດ​ເຮັດ​ໄດ້.”

ເບິ່ງລາຍງານພາສາອັງກິດ:

ທ່ານ​ໂອ​ບາ​ມາ​ໄດ້​ອີງ​ນະ​ໂຍບາຍ​ຂອງ​ສະຫະລັດ​ຕາມ​ຫຼັກການ​ແກນ​ກາງ​ທີ່​ສຳຄັນ​ເຊັ່ນ​ຄັດຄ້ານ
ຕໍ່​ການ​ໃຊ້​ຄວາມ​ຮຸນ​ແຮງ ສົ່ງ​ເສີມສິດທິ​ມະນຸດ​ສາກົ​ນ​ແລະ​ສິດທິຂອງ​ປະຊາຊົນ​ໃນ​ການ​ເລືອກ
ເອົາ​ຜູ້ນຳ​ຂອງ​ພວກ​ເຂົາ​ເຈົ້າ.

ການປະຕິບັດ​ດັ່ງກ່າວ​ຂອງ​ທ່ານ​ໂອ​ບາ​ມາ ຖືກຕ້ອງ​ຫຼືບໍ່? ທ່ານ Kurt Werthmuller ນັກ
ຄົ້ນຄວ້າທີ່ສູນ​ກາງອິດສະຫຼະພາບ​ທາງ​ດ້ານ​ສາສະໜາ​ຂອງສະ​ຖາ​ບັນ ​Hudson ກ່າວ​ວ່າຖືກ
ຕ້ອງ​ທີ່​ສຸດ.

ທ່ານ Werthmuller ​ເວົ້າວ່າ “ຂ້າພະ​ເຈົ້າຄິດ​ວ່າ ພວກ​ເຮົາ​ຈຳ​ເປັນ​ຕ້ອງ​ພິຈາລະນາ​
ເລື່ອງ​ເຫລົ່າ​ນັ້ນ​ທັງ​ໝົດມັນ​ມີ​ຄວາມ​ກ່ຽວພັນກັນມັນ​ມີ​ແຮງ​ກະຕຸກ​ຊຸກຍູ້​ຈາກ​ບ່ອນ​ນຶ່ງ​
ໄປ​ຫາ​ອີກ​ບ່ອນ​ນຶ່ງ ​ແຕ່ວ່າຢູ່​ໃນ​ແຕ່ລະ​ເຂດ​ຂອງ​ໂລກ​ອາຣັບນັ້ນ ມັນ​ມີ​ລັກສະນະ​ທີ່
ແຕກ​ຕ່າງ​ກັນ.”

ສ່ວນ​ທ່ານ Sam Tadros ນັກຄົ້ນຄ້ວາ​ອີກ​ທ່ານ​ນຶ່ງ ຈາກ​ສະ​ຖາ​ບັນ Hudson ກ່າວ​ວ່າ ​
ເຖິງ​ແມ່ນ​ທ່ານ​ໂອ​ບາ​ມາ​ໄດ້​ດຳ​ເນີນ​ການ​ຢ່າງຖືກຕ້ອງ ທີ່​ບໍ່​ໄດ້​ເອົາ​ທ່າທີນຶ່ງ​ດຽວແບບ​ກວມ
ລວມກໍ​ຕາມ ​ແຕ່​ເຫດການ​ຕ່າງໆທີ່​ໄດ້​ມີ​ການ​ປ່ຽນ​ແປງ​ຢ່າງ​ວ່ອງ​ໄວນັ້ນ ບາງ​ຄັ້ງກໍ​ເປັນ​ສິ່ງ​
ຂັບ​ດັນ​ນະໂຍບາຍ​ຂອງ​ລັດຖະບານ.

ທ່ານ Tadros ​ເວົ້າວ່າ “ການ​ຕອບ​ຮັບ​ ຂອງ​ລັດຖະບານ​ສະຫະລັດ​ຕໍ່​ການ​ລຸກ​ຮື​ຂຶ້ນ​
ໃນ​ລະດູບາ​ນ​ໃໝ່​ຂອງ​ຊາວ​ອາຣັບນັ້ນ ສ່ວນ​ໃຫຍ່​ແລ້ວ​ແມ່ນ​ໄດ້​ສະທ້ອນ​ເຖິງ​ຄວາມ​
ສົນໃຈ ທີ່​ບໍ່ຢາກປະປ່ອຍ​ໃຫ້​ເຫດການ​ສຳຄັນ​ທາງ​ປະວັດ​ສາດ ຜ່ານ​ໄປ​ໂດຍ​ບໍ່​ໄດ້
ມີ​ສ່ວນ​ຮ່ວມໃນ​ເຫດການ​ທີ່​ໄດ້​ເກີດ​ຂຶ້ນ ຫລື​ກະ​ໂດດ​ເຂົ້າ​ໄປ​ຮ່ວມໂດຍ​ທັນທີ​ນໍາ​ສິ່ງ​
ທີ່​ເກີດ​ຂຶ້ນ ແລະ​ດັ່ງນັ້ນ​ໃນ​ຫຼາຍໆ​ກໍລະນີ ຄວາມ​ລະມັດ​ລະວັງ​ໃນ​ຂັ້ນຕົ້ນ ທີ່​ຄວນ​ມີ
ນັ້ນ ກໍ​ບໍ່ໄດ້ຮັບ​ຄວາມ​ສົນ​ໃຈ ແລະການ​ເຄື່ອນ​ໄຫວ​ຢູ່​ຕາມ​ຖະໜົນ​ຫົນທາງ​ໄດ້ກາຍ​
ມາ​ເປັນ​ໂຕ​ຂັບ​ດັນການຕອບ​ຮັບ ແທນ​ທີ່​ຈະ​ແມ່ນນະ​ໂຍບາຍ​ອັນ​ຈະ​ແຈ້ງ​ ທີ່​ໄດ້​ຕັ້ງ​
ໃຈ​ໄວ້.”

ທ່ານ Tadros ​ແລະ​ພວກ​ນັກ​ຊ່ຽວຊານ​ກ່ຽວ​ກັບ​ພູມີພາກຄົນ​ອື່ນໆ​ກ່າວ​ເຕືອນ​ວ່າ ​ເຫດການ​
ຢູ່​ໃນ​ພາກ​ຕາ​ເວັນ​ອອກ​ກາງ​ ແມ່ນ​ສ່ວນນຶ່ງຂອງ​ການຫັນປ່ຽນໃນໄລຍະ​ຍາວຊຶ່ງມີ​ຄວາມ​ສ່ຽງ​
ຕ່າງໆ ຮວມທັງ​ຄວາມ​ເປັນ​ໄປ​ໄດ້​ໃນ​ການ​ມີ​ອຳນາດ​ເພີ່ມຂຶ້ນຂອງ​ກຸ່ມ​ສາສະໜາ​ອິສລາມ​ນິຍົມ​
ແນວທາງ​ເດີມ​ຢູ່​ໃນ​ອີ​ຈິບ ​ແລະ​ຄວາມ​ເປັນ​ໄປໄດ້​ໃນ​ການ​ເກີດ​ສົງຄາມ​ກາງ​ເ​ມື​ອງຢູ່​ໃນ​ຊີ​ເຣຍ.
ພວກທ່ານ​ເວົ້າວ່າ ຂັ້ນຕອນ​ການ​ຫັນປ່ຽນ​ທີ່​ວ່ານີ້ ຈະ​ດຳ​ເນີນ​ໄປ​ເປັນເວລາ​ຫຼາຍສິບ​ປີ​ແລະ​ຍັງ
ຈະ​ສືບ​ຕໍ່​ເປັນ​ບັນຫາ​ທ້າທາຍ​ສຳລັບ​ປະທານາທິບໍດີ​ຂອງສະຫະລັດອີກຫລາຍໆ​ຄົນ​ຢູ່.

ເບິ່ງວີດີໂອລາຍງານທີ່ກ່ຽວຂ້ອງກັນ:

XS
SM
MD
LG