ນັກໂທດສິບຫ້າຄົນຈາກຄຸກທະຫານສະຫະລັດ ທີ່ອ່າວ Guantanamo ໃນປະເທດຄິວບາ ໄດ້ຖືກສົ່ງ ໄປປະເທດສະຫະລັດອາຣັບ Emirates ອັນເປັນການສົ່ງນັກໂທດໃນຈຳ ນວນຫຼາຍທີ່ສຸດ ໃນສະໄໝການປົກຄອງຂອງລັດຖະບານປະ ທານາທິບໍດີ Obama.
ການສົ່ງນັກໂທດສັນຊາດເຢເມນ 12 ຄົນ ແລະອັຟການິສຖານສາມຄົນ ມີຂຶ້ນທ່າມກາງ ການທົບທວນຄືນ ເພື່ອຊຸກຍູ້ເຮັດໃຫ້ຫລຸດຈຳນວນພວກນັກໂທດຢູ່ຄຸກ Guantanomo.
ທຳນຽບຫ້າແຈກ່າວວ່າ ຍັງມີນັກໂທດ 61 ຄົນທີ່ຍັງຕົກຄ້າງຢູ່ຄຸກທະຫານ ທີ່ອ່າວ Quantanamo.
ປະທານາທິບໍດີ Barack Obama ກຳລັງປະເຊີນໜ້າກັບເສັ້ນຕາຍໃນການປິດຄຸກດັ່ງ ກ່າວ ກ່ອນທີ່ທ່ານຈະອອກຈາກຕຳແໜ່ງ ດັ່ງທີ່ທ່ານໄດ້ໃຫ້ຄຳໝັ້ນສັນຍາໄວ້ ວ່າຈະປະຕິ ບັດເວລາທ່ານໄດ້ຖືກເລືອກເຂົ້າຮັບຕຳແໜ່ງເທື່ອທຳອິດ.
ແຕ່ວ່າທ່ານໄດ້ປະເຊີນກັບການຄັດຄ້ານ ຈາກສະມາຊິກສະພາພັກຣີພັບບລີກັນ ຫລາຍ ຄົນ ຕະຫລອດທັງບັນດາສະມາຊິກຂອງພັກເດໂມແຄຣັດ.
ທ່ານນາງ Naureen Shah ຜູ້ອຳນວຍການອົງການນິລະໂທດກຳສາກົນ ຢູ່ ສະຫະລັດ ຮັບຜິດຊອບດ້ານຄວາມໝັ້ນຄົງ ແລະສິດທິມະນຸດ ກ່າວວ່າ ການຍັງເປີດຄຸກ Quantanamo ໄວ້ນັ້ນ ເຮັດໃຫ້ບັນດາລັດຖະບານຕ່າງປະເທດ ພາກັນບໍ່ຫົວຊາກັບເລື້ອງສິດທິມະນຸດສາກົນ.
ທ່ານນາງກ່າວວ່າ “ມັນເຮັດໃຫ້ທ່າທີຂອງລັດຖະບານສະຫະລັດອ່ອນແອລົງ ໃນການໂຕ້ຖຽງຕ້ານການທໍລມານ ແລະການກັກຂັງທີ່ບໍ່ທີ່ບໍ່ມີກຳນົດ."
